هذا الهوى

[الماضى]

[align=center]يا بن الحلال الظاهر انـك تماديـت
واسرفت في تعذيب الارواح بالزيـن
مايكفي انك يوم بالسـوق مريـت
بس الضحايا فوق خمـس وثمانيـن
انت الدمار الشامل اللـي بتكريـت
هو فيك لاكـن ضيعـوا بالعناويـن
ارحم رحمك اللي حمى الدين والبيت
لاتذبـح العـالـم بلـيـا قوانـيـن
ناضر مراتك بالحلا ويـش خليـت
يا اجمل بنـات آدم بكـل المظاميـن
يعني دريت انك حلو قمت سويـت
فعلتك فـي قلبـي وقلبـي مسيكيـن
كان من الاول قلت لي واستقريـت
على نمط واحـد ونبقـى عزيزيـن
ماهو تسحبني معـك ليـن قريـت
انك ملك والخلـق لامـرك مواليـن
لاكن تعال الظاهـر انـك تناسيـت
ان العمر واحد محد عـاش عمريـن
وانا بعيش الفيـن مـرة وياليـت
ترحم وانا ميت معك فـوق الالفيـن
يكفي خلاص ارحم ترانـي تعنيـت
لاتصير قاسي قلب يا انعم من الليـن
وش عاد باقي دامك اللـي توليـت
على الخفوق ولا سكن غيرك العيـن
بادر بوصلك والا انا لـو تمنيـت
بينك وبين المـوت لختـار الاثنيـن
لاني اذا شفتك كذا غصـب ناديـت
يامـوت ماتـاوي ترانـا مولـيـن
وليا نصحني واحـداً قلـت ياليـت
تـدري بفعلـه!! مايعرفـك مليعيـن
هذا الهوى من طاح به قال وليـت
ياما ويامـا جـاب روس السلاطيـن [/align]

[عمشه بولند]

صح لسانك ولاهنت اخوي
:):):):)

[الماضى]

صح بدنج اختى وتسلمين مشكوره على المرور

[قطة^منحاشة]

صح لسانك يالماضي على هذه القصيده :)

[الماضى]

صح بدنج وتسلمين يالغاليه ومشكوره على المرور

[مضاوي الديحاني]

صح لسانك يا الماضي و تسلم عالقصيد الحلو ..

[برقن سرى]

الله الله عليك هالقصيده

وبصرراحه قصيده طيبه وجزله

وفي ابيات اعجبتني حيل .. منها :

يا بن الحلال الظاهر انـك تماديـت
واسرفت في تعذيب الارواح بالزيـن
مايكفي انك يوم بالسـوق مريـت
بس الضحايا فوق خمـس وثمانيـن
انت الدمار الشامل اللـي بتكريـت
هو فيك لاكـن ضيعـوا بالعناويـن
ارحم رحمك اللي حمى الدين والبيت
لاتذبـح العـالـم بلـيـا قوانـيـن
ناضر مراتك بالحلا ويـش خليـت

الله الله عليك ... وصح السانك والسان شاعرهاااا ولاهنتووووو


اخوكم وتلميذكم الصغير / حمد العازمي

[الماضى]

تسلم اخوى برقن سرى وتسلمين اختى مضاوى
مشكورين على المرور