قسمى من حياةالغرام

[الماضى]

[align=center]
صار قسمي من حياة الغرام فـراق خـل
هو بداية درب عشقي وهو ختـم الطريـق
مع حبيبً لـه مقـامً رفيـع ولـه محـل
عالـيً قـدره لـو انـي بغباتـه غريـق
غاب عني كيف مدري هجرني وارتحـل
اشهد انه صوب القلـب بالجـرح الغميـق
غاب عني دون سبة ولا ادري وش حصل
اشهد انـه لاطرالـي بـي الدنيـا تضيـق
من وسع بالي وحرصي ومن زود الامل
هاقيً بـه هقـوة الطيـب دامنـه رفيـق
لاكن ابطا مالفـا منـه مكتـوب ورسـل
شب في جوفي سعاير كما مصفـى بقيـق
المصيبه كل ماجيـت ابعمـل لـه عمـل
قال قلبي كيف تقوى وهو عنـدي صديـق
قلت ياقلبـي بعـد راح ماذقـت العسـل
بالمرار افـك ريقـي وانـا بالـع بريـق
المحبـه دربهـا لاتقـول انـه سـهـل
كم رهينـاً للهوى حاسـبً نفسـه طليـق
ياسقى الله يوم اهلنا واهـل خلـي اهـل
يوم كنا اثنين نلعـب مـع عيـال الفريـق
لاذكرت الخد واللي بـلا كحـل انكحـل
واشقر المجدول والعنق والعـود الرشيـق
زاع مني خافقي زوعـة اللـي مادهـل
عقب وكد شوفت اللـي بداغرهـا بريـق [/align]

[قطة^منحاشة]

كم رهينـاً للهوى حاسـبً نفسـه طليـق
ياسقى الله يوم اهلنا واهـل خلـي اهـل


اوووف حده قوي هالبيتين صح لسانك يالماضي وشكرا لك على القصيده الطيبه :)

[عمشه بولند]

هلا والله يعطيك العافيه على هالرائعه
صح لسانك وعساك على القوه
:):):):):)

[الماضى]

تسلمن على المرور

[مضاوي الديحاني]

كتابات أكثر من رائعة تسلم يا الماضي ..

[عنوسه ^_~ ماتهاب]

صح لسانك ولا هنت