ديــــوان كويت777

[BadBoy]

السلام عليكم ورحمه الله وبركاته

اخواني واخواتي الموضوع عباره عن ديوان للمنتدى نجمع في كل القصائد اللي اعجبتنا

يعني كل واحد يدش اهنيه يحط القصيده اللي قريبه لقلبه


وجذيه انجمع كل قصائدنا الحلوه اهنيه


واتمنى من المشرف جيكر حلو ايثبت هالموضوع

واكون شاكرله

تحيااااتي لكم

أخوكم : فيصل

[مضاوي الديحاني]

شاكرين لك أخوي فيصل على هالموضوع و الإبداع ..

و أن شاء الله ندور قصايد سنعه و ننشرها ..

[BnYa^3sL]

يعطيك العافيه عالموضوع الجميل ..

وبنتظار اجمل القصائد اللي بتنعرض بهالموضوع :)

وعساك عالقوة يافيصل

[قمر المنتدى]

فكره حلوه منك اخوي فيصل

انشاء الله نشوف تفاعل من الكل في الموضوع
لأنها صج فكره حلوه
:)

[عمشه بولند]

فكـره حلوه
وانا بنقل لك قصيده اعجبتني حيل
للشاعر الكبير



][®][^][®][طلال السعيد ][®][^][®][

الله يرحم حبنا اللي قتلتيه ..... جفت دموعي والبقى في حياتك
ياللآسف كل اللآسف مابكيتيه .... أنتي الغرور أعماك مع حب ذاتك
أنتي بديتي الحب وأنتي نهيتيه .... إقري عليه الفاتحه في صلاتك
أنتي رعيتي الحب وأنتي طعنتيه .... توي دريت إن الغدر من صفاتك
أنتي شريتي الحب مني وبعتي... عسى الثمن يكون سبت غناتك
أنتي بنيتي الحب وأنتي هدمتيه .... الله وأكبر من يسوي سواتك
أنتي رسمت الدرب بس مامشيتيه .... أعماك عن درب الغرام إلتافتك
أنتي كتبتي العهد وأنتي مسحتيه .... محاولة تزوير في ذكرياتك
مره لبست الحب مره فصختيه ... هذا الهوى لا تحسبينه عباتك
قلتي إحفضه تذكار وأقول مابيه .... تذكار حبي هو شهادت وفاتك
خلي جمالك ينفعك وإستغليه .... روحي ورى اللي قالك ياحلاتك
إخذي الهوى وياك ليش أحتفظ فيه ... يمكن يجي له يوم يهدم حياتك

وسلامتكم

[ذيب البوادي]

يعطيك الله الف ألف عافيه على هالموضوع ..

وحبيت اهديكم قصيده للشاعر المرحوم بندر بن سرور العتيبي


===================

من قصايد بندر بن سرور( القصيده هذي جبل من المعاني والمفردات والحكم والعبر)
صدق من سماة متنبي عتيبه

[poem=font="Simplified Arabic,6,red,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
يالله يا جال الأمور المهمة . . تجلى وهق قلب برى حال راعيه
البر دجته و البحر رحت يمّه . .. أدرج سبب حظ على الله مساعيه
يوم إن ولد اللاش رزقه على أمه ... رزقي على اللي ميّت القشع يحييه
ماني وانا بندر ببياع دمه . .. يقطعك يا بيّاع دمّه و مهفيه
اللي يبيّع لابسات الأزمه .. . ثور يبي بيض العماهيج تغنيه
يزعل ليا جت ليلة الدول يمّه ... يرضى بسوق المال بأخيه و أبيه
خطو البخيل اللي يكبّر معمه ... يقرا الكتاب و واجب الله مخليه
أما هرج له في رفيقه بنمّه .. . والا عطا و أمه تضيّع هقاويه
يا مل قلب كل ما مات همّه . ... دارت دواليب الدهر لين تحييه
فرّاق شمل الناس عيّا يلمه .. . وقتن يشيب الراس من شاية فيه
أحدن ينام و حط راسه بكمه . .. و أحد تخم النوم عينه و تخطيه
و أحدن يحاول بالردى بنت عمه ... و أحدن يحاول ستر عذرا عوانيه
تخالف الأنظار شرقن و يمّه .. . كلٍ هدف رايه من الناس مرضيه
أنشدك ياللي كل شي تتمه .. تقرا الكتاب كل فرض تصليّه
ويش القليب اللي عميق مجمّه ... ما سرّ غرسه ماه عطشى سوانيه
سم السبب يا عارفن عنه سمه .. . سم السبب يا عارفه قبل اسميه
والله يا لا لا كلمة قيل ذلّيت .. . لاترك مقاصى اللاش نقص و مهونة
لا شك ضرّاب المثل به تقدّيت .... من حرّك المجنون ناطح جنونه [/poem]===================

[قلـ الأسـد ـب]

يعطيك العافيه علي الموضوع واتمني التقيد فيه والتثيب من قبل المشرف تحياتي لك يا الغالي

[><@الشقااوي@><]

يعطيك الله الف ألف عافيه على هالموضوع

ابصراحه فكره ولا كل الفكر يالعازمي

[><@الشقااوي@><]

هذي قصيده انا اعجبت فيها للشاعر


(( بندر بن سرور الروقي العتيبي ))


قال فيها ابيات مدح للشيخ (( زايد العرب ))


وعلمـــــا ان بندر بن سرور توفى من قبل 20 عاما


ونطلب من الله انه يرحمه بواسع رحمته ويرحم الشيخ زايد


ويرحم موتانا و موتا المسلميــن



وأليكم القصيده :




الكار للي صار غيثٍ للاجــــواد
--------------- لا قبلها صارت ولا من بعدهـــــا

زايد على كل العرب بالوفا زاد
--------------- ساق المراجل لين وقف عددهــــا

حلحيل حلوٍ مـر زراع حصـــــــاد
--------------- كبدٍ يداويها وكبدٍ لهدهــــــــا

حتى العجوز الي ورا شط بغداد
--------------- سمت على الحر (( الفلاحي )) ولدها

تبقاه يطلع مثل زايد ولا فــــاد
--------------- ما كل من هاز الطويله صعدهـــــا

تمنياتي لكم بالتوفيق

[BadBoy]

تسلموووون حبااايبي على تفاعلكم


تحيااااتي لكم

أخوكم : فيصل

[BnYa^3sL]

حبيت انقل هالقصيده واهي بصراحه قريبه حيل من قلبي

وان شاء الله تعجبكم

واهيا للشاعر طارق المحياس...

تعودني عليك

------------------------------

تعودني عليك أيام أبد ما أفــــــــــــــارقك ليله

واذا عنك أروح اليــــــوم أقول لك نلتقي باكر

تعودني على لطفك وأسلـــــــــــــوبك وتدليله

وتتــــــــــــــــوقع أنا بحيا بدونك يوم بتسافر

أنا مـــــــــــا ودي أشكي لك ولكن قلت الحيله

أليمه فرقتك والله وأنا ع البعد مب قــــــــــادر

دخيلك أجل المــــــــــــوعد اذا تقدر ع تأجيله

دخيلك حـــــط دمعاتي في عينك قبل ما تسافر

يا شين الـــــــــوقت في بعدك دقيقه كنها ليله

شيصبرني وأنا أحبك ومثلك فــــي البشر نادر

تعلق قلبي بقلبك يسمـــــــــــع منه ويحكي له

تدلل قـــول بس إطلب أقول لك غالي وحاضر

أنا مدري اذا قلبي رفـــــض يصبر شسوي له

تخيل حالتي بعدك أنا إتحطمت ع الآخــــــــــر

أكلم نفسي فغيابك ألـــــــــوم القلب وأشكي له

وأصبر نفسي بالقوه وأقضي الليل وأنا ساهر

تلاقينا فبعض صدفه سولف لي وأنا أحكي له

ومن أول نظرة حبيته وصــــرت لشوفه أبادر

ذبحني السحر فعيــــــونه يا ويله قلبي يا ويله

أنا أفهم لغة العيـــــــون ولكن صرت مب قادر

أنا أتمنى قبل لا يــــــروح يلمس دمعي منديله

أبيه يحس بإحساسي أبيه يقـــــــــول لي تامر

أبي حضنه يدفيني خليل يــــــــــــــودع خليله

وأقـــول بصوت به شهقه..فمان الله يا مسافر

وأرجع م المطار وحـــدي يشلني الهم وأشيله

شيصبرني أنا شهرين وهـــو بس توه مسافر

عزاي إنه أخذ قلبي في وســـــط عيونه يشيله

وأنا أصبحت في بعده وحيد وأكسر الخـــــاطر

[BadBoy]

يسلموو بنيه عسل على مشااركتج


تحيااااااااتي لج


أخوج :فيصل

[عنوسه ^_~ ماتهاب]

مشكور اخوي فيصل علي الموضوع الحلوو انا لي عوده وبحط اكثر قصيده احبها
لك الشكرر

[جيكر حلو]

:) تستاهل التثبيت :)

وموضوع جميل

تسلم باد

وانشالله عما قريب بقولكم القصايد اللي عاجبتني

[BadBoy]

وانا بحط هالقصيده

حيل اعتز فيها


الله من عينٍ تزايد عناها ... من سبه اللي بالموده رمتني

لي قصةٍ صارت وهذا مبتداها ... مع جادلٍ في حبها دمرتني

بديت اقضي الوقت واضحك معاها ... ما همني هرجه ولو عاتبتني

وحصلت ظروفٍ وقلت هذا منتهاها ... ونسيتها لكنها ما نستني

وصدفه بلآ ميعاد لحظه لقاها ... شفت الجمال وبفنها اعجبتني

وقلب الشقا دارت عليه برحاها ... وحبل الموده شدني واسحبتني

وقام ايتزايد كل يوم غلآها ... لين انها تسيطرت واملكتني

يفز قلبي كل ما اسمع نداها ... واشعر براحه كل ما كلمتني

ومن غيرته نفسي تزايد رضاها ... يرتاح بالي كل ما حاسبتني

قضيت معها ايام محلى هناها ... عامين في جو الحنان اغمرتني

وحلفت ما طرد كل عذرا سواها ... وعاهدتها وهي بالوفا عاهدتني

وبحلول ثالث عام غيـم سماها ... وضعه تغير ميـر ما صارحتني

ويوم انكشف لي كل غامض خفاها ... أثر السيول الجارفه حدرتني

أثر المجاري غيرت درب ماها ... حاولت اعدلها لكن اعسرتني

باعت مودتنا بعد مشتراها ...ومـن السعاده للعـذاب ارجعتنـي

وقاطعتها وطويت صفحه هواها ... غصبٍ علي يومنها قاطعتني

تركتها مع الي تبيه وبغاها ... لو أنها عن كل شـي اشغلتنــي

ومن عقبها عيني تزايد شقاها ... فر الكرى عن موقها واسهرتني

وونات قلب صار تسمع صداها ... حاولت اخفيها لكن عجزتني

وأنصبت بالعزله ولا أبغي دواها ... أرتاح الى من العرب سيبتني

وارجع لماضي مرها مع حلآها ... وأسب انا ظروفٍ بها عرفتني

متبينٍ حتا بشعري خطاها ... على الحروف القاسيات اجبرتني

قصايدي يوم المحرر قراها ... أبدا اعتذاره قال : ما ناسبتني

مرفوض عنده نشرها من قساها ...مالي خطا هي بالخطا وقعتني

وحطت بقلبي علـةٍ ما أقواهـا ... وعن كل مشروعٍ مفيـد امنعتني

عسى الولي يعطي لنا ما عطاها ..من الصبر والنسيان يوم انكرتني

وعسى لها التوفيق مني جزاها ... لو هي بنيران الجفى احرقتني

وعسى الولي من كل شر ايحماها ... والله يسهل دربها لو جفتني

نفسٍ هوتها الله يجبر عزاها ... دفنت حب اللي عزمت واتركتني

وسلالامتكم