قصيـده فـى شبـآب هالآيآم الفآصخين :-))

[عيسىالمطيرى]

السلآآم عليكم ورحمـه اللــه

هذى قصيـده قآلهآ الشاآآعر المرحوـوم ضيف الله بن آمصآآول آبن مدلج الميزانى المطيرى


<_ حآآفظهآآ من زمن هنديااتناا لـول :-))

يقول الشاعر الله يرحمـه :


وجدي على اللي شوفهم يشرح البال = كرام النفوس أهل العقول الثقيله

كرام النفوس اللي يربون الأجيال = على المكارم والقيم والنفيله

نطاحة الواجب شريفين الأفعال = افعالهم من كل جانب جميله

اللي لهم في نجد شهره ومدهال = الأسم فاخر والفعائل جزيله

صار العوض فيهم لنا بعض الأشكال = جيلٍ طلع تالي جديدٍ مديله

جيلٍ اليا شاهد له الميل ميال = ومن وين ماجات العواصف تشيله

من طلعته ماهو للثقل شيال = ولا ينطح الكايد ولا يرتكيله

دايم سواليفه بيجر وجوال = وسوالف الماضين ما تستويله

جنب طريق الأبو والجد والخال = وضيع سراه الله يضيع دليله

ليا شاف لعاب الورق جاه بالحال = ولعب معه والتتن مالٍه يشيله

وان فازوا أهل المنتخب صابه أهبال = وطاح وزميله قال واعزتيله

كنه صويب الحرب مع ربعن أبطال = تطلب له الأسعاف حتى تشيله

ساعة وقع قالوا ترى طاح رجال = ما يعلمون أنه دبشتن هزيله

هزيل عقل ومخ وأفكار وأفعال = واللي مثل هذا حياته فشيله

طبايعٍ ما جابها العم والخال = جتنا من أصحاب الطباع الرذيله

حنا طبايعنا الكرم والتهلال = اليا نصونا اهل السلوم الأصيله

وحنا العرب يضرب على فعلنا أمثال = بشجاعةٍ فالحرب ماهي قليله

يعيال أهالي نجد وش غير الحال = عودوا الى التاريخ وخذوا دليله

المرجله ماهي بأغاني وموال = ولا شريط افلام ورد بحيله

شوموا عن أصحاب الحيل والتحيال = وأبنوا لدرب العز صفحه جميله

والحر ما يصلح مع البوم نزال = يشهر ويلقاله أحرارٍ تجي له

عيب وحرام وعشرة المحروم غربال = واللي محرم مايجوز تحليله

يابن الحموله ليش تنزل من العال = وتتبع دجاجٍ منعثر في مقيله

لاتنزل أنهض فوق عن كل دجال = مالك ومال أهل العقول العليله

يا وقت يا وقت العجايب والأهوال = ياللي وصلنا بك طبايع دخيله

وصلوا على المختار والصحب والآل = عداد من شاف القمر من قبيله

الشاعر/ ضيف الله ابن مصاول ابن مدلج الميزاني

وسلآآمتكمم

:-))

[أسهر أعد النجوم]

فديت المطران الي انت منهم يا عيسي وصح لسانكـ ولا هنت قلب

[عيسىالمطيرى]

فدااك الاش وصح بدنك انا افداا هالخشـه الفررط ياشيخ واشكرك على مرورك هناا يابويآآ

[عنوسه ^_~ ماتهاب]

صح لسانك عيسي لا هنت

[غرشـalsh3rـــوب]

لا هنت يا عيسى على النقل الجميل ..

نشكر لك مجهودك ..

صدق الشاعر في كلااامه ..

لكن الغريب ان الابيات فيها كسور .. أتوقع أخطاء أو نواقص مطبعيه مو كسور

حاول تشوف التعديل

أكرر شكري لك اخ عيسى ..

أخوووك الصغير : غرشوب الشعر

[فتاة حالمة]

و الله فعلا قصيدة رووعة و مؤثرة ...و مشكوور اخوى على انك نقلت هالقصيدة و اتمنى الكل يتعظ منها ...

و يعطييك الف عافية

[عيسىالمطيرى]

صح بدنج ^_~. نآقلها ؟


على فكـره انا حآفظهآ وتنقال بالدواوين وانا حفظت هنآك مو نآقلها يابعد سيقآنىى


وشكرا على مروركمم :))