^&)§¤°^°§°^°¤§(&^°ذكري...خاين الحب والملح °^&)§¤°^°§°^°¤§(&^

[عنوسه ^_~ ماتهاب]

تسأل علي ياخاين الحب والملح .... تبي تشوف شلون حالي بلياك؟

هذا أنا متوسد الهم والجـــــرح .... أحاول أنسى ماضي الحب وأنساك

جيت ببرودك تعتذر تطلب الصلح .... لك عين تنطق بالمحبه..شفاياك

ياللي ذبحت الحب في داخي ذبح .... ماعدت أصدق دموع العين وأهواك

خذلتني ما طعت من دمعتي نصح .... وكل شي خذلني يومها من سواياك

الله يكثر خير عيني ماهو مدح .... ماقصرت بدموعها من يوم فرقاك

تسهر معي من هيضه الجرح للصبح .... وتجيب لي لاعسعس الليل ذكراك

خلاص لم السالفه وأقصر الشرح .... ماعاد تغري العين .. طله محياك

ولا عدت أصدق طيبة وجهك السمح .... أنا أش جنيت بعشرتك غير الأشواك

أرجوك لا تنثر على جرحي الملح .... أتركني أحاول أقتل الحب وأنسااااك


مع تحياتي عنوسه

[جيكر حلو]

صح لسانج عنوسه

ونزلتي لما نزلت انا :p


عالعموم قصيده روعه تسلمين وما تقصرين

ودايمن معودتنا عالحلو

يعطيج العافيه

وانشالله لمزيدج :)

تحياتي :
جيكر حلو

[BadBoy]

صح السانج عنوسه

وتسلمين على هالكلمات الروعه

تحياااااتي لج

أخوج : فيصل

[الشمرية]

صح إلسانج يا عسل
وقواج الله

[عنوسه ^_~ ماتهاب]

صح بدنك
جيكر انا انزل معاك نونس بعض :p

[ميلاني]

صح لسانج بس انا اعرف خاين العيش والملح مو الحب والملح
لووووووووووووووول
يسلمو عنوسه البطه

[عنوسه ^_~ ماتهاب]

لا عاد خاين العيش والملح
يا البطه انت

[ميلاني]

اي مو انتي اي شي تكتبين عناوين
اوكي يالبطه
سلملم

[فواز الكويت]

عنوسه ابيات موزونه من كل النواحي وسراحه من اروع القصايد اللي شفتهم بالمنتدي وتسلم يمينك لا عدمناك والله لا يخلينا منك ومن ابداعك ...... اخوك فواز

[عنوسه ^_~ ماتهاب]

الله يسلمك اخوي فواز لا هنت :)

[عمشه بولند]

صح لسانج ولاهنتي عزيزتي

[قلـ الأسـد ـب]

صح لسانج يا عنوسه وتحياتي لج وقد اعجبي هذا البيت بالذات لما فيه من مشاعر الحزن وآهات العذاب

ياللي ذبحت الحب في داخي ذبح .... ماعدت أصدق دموع العين وأهواك


تحياتي لج

[خافي الشــــوق]

[align=center]عنوسه [/align]


[align=center]صح لسانك وعلا شانك

انيقة في كل شي

حديثكِ

شعركِ

عذوبة الى مالا نهاية

دمتِ لنا

وللشعر

ودمتِ بهذالتوهج

قصيده أتت لتبشرنا بالمطر[/align]


[align=center]والله يديمك يامطر[/align]

[تمرد امراة]

شكرا عنوسة على هذي الرائعة الشعرية......موفقة انشالله

[عنوسه ^_~ ماتهاب]

صح بدنج عمشه