(( عـنــــدما .. يـمــــــــــوت .. الـحـــــــــــــب .. !! ))

[الشوووووووق]

مات حبك وانتهينـا مـا علـى بالـي تجيـن
والخفوق اللي رفضتي ليـه جيتـي تطلبينـه

انتهيتي مـن حياتـي لا شعـور .. ولاحنيـن
والدموع اللـي بعينـك دور كنتـي تلعبينـه!!

ماني خاتـم فـي يدينـك كـان ودك تفهميـن
الهوى كله مشاعـر والصراحـة .. تجهلينـه

ذنبي اني صرت وافي .. لكـن انتـي تلعبيـن
ما انكسر يصعـب عليـك لبغيتـي تجبرينـه

ضاع (عمري) في سرابك صرتي غلطه للسنين
منك قلبي يشتكيني كيـف ترجـع لـه سنينـه

اذكر اني جيت كلي ( انسـف ) العالـم يميـن
تايه الخطوه غريب يرسمـك (حلـم) ومدينـه

من يقول انك نسيتـي مانسيتـي .. تذكريـن
الغـلا كلـه عطيتـك مـا تركتـك ترتجينـه

صادق إشعوري وهبتك جيتـك بحـب ٍ يقيـن
ماحسبت إحساب مثلي فـي ثوانـي تتركينـه

مرخص ٍ وقتي عشانك ماشكيتـه لـو يشيـن
كنت بحرك والموانـي والشواطـي للسفينـة

لا يغـرّك مـن دلالـك ادري انـك تفتنـيـن
اعترفلك في جمالـك مـن يشوفـك تربكينـه

المحبـة فـي خفوقـك مالهـا معنـاً ثمـيـن
سهل جدا في حياتـك مـن يـودّك تهجرينـه

وش بقالي مابقالي غيـر جـرح ٍ لـي دفيـن
والنهاية جتك منـي عيشـي بدونـي حزينـة

ماهقيت ان الموادع في خفوقـي لـك يحيـن
انتهيتي من حياتـي باعـك اللـي ترخصينـه

[عمشه بولند]

صح لسانج ولاهنتي عزيزتي
:)

[أسهر أعد النجوم]

صح لسانج ولا هنتي أختي الشوق

[عنوسه ^_~ ماتهاب]

صح لسانج يا الغلاااااااا

[الشوووووووق]

صح ابداااانكم حبايب قلبي