!!..عسى جنوني يعزيني ..!!

[الشوووووووق]

بعد غيبتك يانوفه وفرقى دامت أعوامي ..

.................. ألم ذكراك \ لازمني وماتت \ عبرتي \ فيني

يقولون إني المجنون وإني عايش أوهامي ..

.................. لأني أدّعي \ شوفك وأحلف إنك وسط عيني

لأني ساهر ٍ ليلي \ وغيري عينه تنامي ..

.................. أدور بالفـضـا \ زولك أمل لقــياك \ يدعيني

سريتك ليلة ٍ ظلمى خذتني صوبك أقدامي ..

.................. ذرفت الدمع \ في دربي \ أبي يحفظ عناويني

يسابقني على وصلك طموح ٍ صافح إلهامي ..

.................عجزت أدله عجزت أنسى لهيب الشوق يكويني

وإلا مني نويت أسلى خذاني داعي هيامي ..

.................. يناديني وهم \ صوتك \واحسب إنك تناديني

نخيت سهيل يرشدني عسى تتحقق أحلامي ..

.................. أجي يـمـك \ تبادلني غرام ٍ \ بينك \ وبيني


أخيراً مرني طيفك \ هلااااااا ياروعة أيامي ..

.................. تعال اجلس \ هنا جنبي أبشكي قسوة سنيني

حبيبي ليه تتركني ؟؟ حبيبي تنوي إعدامي .. ؟؟

.................. دخيل الطيب \ في طبعك \ دخيلك \ لا تخليني

إذا أخطـيت \ أنا قلي بداوي جرحك الدااامي ..

.................. إذا ترحل أنا من لي ؟؟ ومن غيرك يداويني ؟؟

تعبت\ أسابق طيوفك بلهفة\ عاشق ٍ ضامي ..

.................. وحشني \حضنك الدافي ،، وكاد\ البرد ينهيني

تصور !! كثر ما أبكي \ بكائي يبطل صيامي ..

.................. أقول اشرب\ من دموعي لعل الدمع \ يرويني


تغيب طيفها عنّي صحيح الفرْح مادامي ..

.................. أنا من بعدها \ ميّت ولا به \ عين \ تبكيني

وبعد مافارق عيوني ويأس ٍ يسكن عظامي ..

.................. يأست \ أرجي يكلمني \ وهو يأبى يحاكيني

لقاني بالخلا صدفه ،، لقاني أصغر أعمامي ..

.................. ذرف دمعه على خدّه بعد ماوثـّق يديني

أثاريني أنا المجنون أكلم قبر قدااااااااااااامي .. !!

.................. فمان الله يانوفه عسى جنوني يعزيني

عسى جنوني يعزيني ..
عسى جنوني يعزيني ..
عسى جنوني يعزيني ....

[جيكر حلو]

صح لسانج

ولا هنتي يا شوق

وبصراحه كتبتي فابدعتي

وانشالله لمزيدج

تحياتي :
جيكر حلو

[الشوووووووق]

صح ابدنك
اخوي جيكر حلوو
وتسلم على المرور

[الريــــــــــم]

أبيات جزلة .. معبرة .. متسلسلة ..

فاحت مع ريح العبير بكل معانيها الجميلة ... التي أحسنت في كتابتها ..

لتكون لنا فرصة للاستماع بهذا الإبداع الشعري..

فكل الشكر لك
وكل التقدير لك


ودمتي بخير

[الشوووووووق]

تسلمين على الرد الحلووو وعلى المرور

[فتاة حالمة]

صح لسانج ...

و لاهنتى ..

و انا بصراحة اشكرج على انج امتعتينا بابداعاتج ..


و منتظرين مزيدج ... و يعطيج الف عافية حبيبتى

[KaY]

صح لسانج ولا هنتي قلبي
تسلمين على القصيده الحلوه مثلج

[عمشه بولند]

صح لسانج ولاهنتي غاليتي

[طفوليه حدي]

[grade="8B0000 FF0000 FF7F50"]الله الله ياسلام على الابداع الحلو
صح السان القايل
وبإنتظار مزيدك
:
:
:
اختكم اليوم وابــــــــدا طفوليه [/grade]