oOo أطـلـق شـنـب يـرمـيـلـهـا الـغـتـره oOo

[الشوووووووق]

يقول العاشق اللي غاص سيف الحب في صدره^^دخل في خافقه سيف الغـرام بحـدّه العـاري

تجرّد مِن غماده واستوى فـي مهجتـي قبـره^^يموت السيف في صدري ودمّي بالهوى جاري

علـى شـان الهنوف.الجادل.الشيهانه.المهـره^^فتاةٍ فاتنه تفتن ليـا استولـت علـى الطـاري

عنودٍ عاندتنـي بالعيـون اللـي لهـا سكـره^^عيون ٍ خادره ورموشها فيها الكسـل سـاري

انا أشهد لو تخز اطلق شنب يرمي لها الغتـره^^وانا لبستها الغتـره وفيهـا زانـت اشعـاري

لها وصفٍ فريد ونالـت الإعجـاب والشهـره^^محياها كما بـرق ٍ بوسـط المـزن سمـاري

من اجل أوصافها صخّر لها راع الهوى شعره^^عظيم اوصافها يعجز بها الكاتب مـع القـاري

لها ثغر ٍ كما الجمره.مثل جمر الغضى ثغـره^^تعظـه بالبـرد مـدري بياقـوتٍ و محـاري؟

أنا أدري معجزه في الكون والله راعي القـدره^^خلق في ثغرها وصفٍ سواة الثلـج والنـاري

وياسبحان من ولّـف مابيـن الثلـج والجمـره^^بوسط النار ثلج وصـار ثلـج ونـار سهـاري

غريبه مايذوب الثلج كيـف النـار مستعـره ؟^^صداقه بين ثلج ونـار فيهـا الفكـر يحتـاري

صداقه صادقه قبل امس واليـوم وبعـد بكـره^^مثل ماني مصادق صادقن صادق لي افكـاري

وانا ماكنت أصدق من يقول العشق من نظـره^^وصدقت المثل بعد الغـرام و سِمـه الهـاري

حقيقة عاشق ٍ سيف المحبه غاص في صـدره^^دخل في خافقه سيف الغـرام بحـدّه العـاري

[alwalah]

الله على هالكلمات اللي اكثرمن روعه الشووووق لج تمييييز في هذه

الطله ولك نبراس يضيف لشعرك ألحاني

يعطييييييج مليون عافيه غلاتي ودائما ابدي بالتمييييز .....


كل التحيه :



نـــــور الــــولـــــه

[عمشه بولند]

صح لسانج حياتي

[الشوووووووق]

صح ابدانكم

وتسلمين الوله وطلتج هي احلى غلاتى

[BadBoy]

وانا ماكنت أصدق من يقول العشق من نظـره^^وصدقت المثل بعد الغـرام و سِمـه الهـاري


الله عليج

صح الساانج ولا هنتي

تحيااااتي لج

أخوج : فيصل

[الشوووووووق]

صح بدنك اخوي فيصل ولا انت
وتسلم على المرور

[عيسىالمطيرى]

صح لسان الشااعر عمر العيااضي - الزعييم


وتسلم آيدج الرقيقـه على نقـل الشعرر الجميـل لـه

ورجآء آكتبى آسم الشااعر اللى تكتبين قصيدتـه :) <__

ولى منـه قصيـده حآآفظهآآ لـه يقول :


ياقلب لاتحزن على فقد غاليك ** دام الكرامـه تاجها رأس مالك
لازم تبيعه وعزة النفس تشريك ** أشرب فناجيل الصبر من دلالك
لا الحب ينزل بك ولا الحسن يغريك ** دام عز النفس عمك وخالك
وياقلبي أصبر وأن ترده خطاويك ** نفسي علي درب الكرامة بدالك
وين الشموخ اللي شموخه يكفيك ** وعقلك وثقلك والغرور ودلالك
ضاع الوفا من يوم ضاعت مباديك ** وأصبحت اشوف شئ كنـه خيالك
علي ضاعت هيبتـه بين أياديك ** مدري وش اللي في غيابك جرالك
الله يخليلك شبابك ويحميك ** اللي في بالي شئ ماهو في بالك
انا قلبي لو منقضت رغبتـه فيك ** مافز لسمك لاحكو في مجالك
خذيت درس في حياتي وبعطيك ** درس تحطـه طول وقتك قبالك
أحذر من اللي ضحكتـه لك تدنيك ** ولو ماطالك له لسان طالك
وأسلم وسلم على ايام ماضيك ** وقت العقل يوم الثقل راس مالك


الشااعر : عمر العيااضي


واعذرونا على القصور


اخوكم عيسى العبـدلى

[فواز الكويت]

يسلموووووووووووووووووووو ياشوووووووووووووووق تسلم يمينك

[الشوووووووق]

تسلموووووووووووون على المرور عيسى وفواز

[7booob]

سحوووووووووووووووبة انتي صراحة وايد كاتبه مالي خلق اقرى بس يعطيج العافية

[كان غيرك أشطر]

صح السانج الشوووووق ولسانك راعيها ويسلمووؤوؤ على القصيده الحلوه

:)


وسـمـحولـي على القصور

[قلـ الأسـد ـب]

انا أشهد لو تخز اطلق شنب يرمي لها الغتـره^^وانا لبستها الغتـره وفيهـا زانـت اشعـاري
......................................

يسلمو علي النقل وتحياتي لج لاكن عندي ما أحب اذكره من أجل هذا البيت بالذات بعد أذنج طبعا

رأي الشخصي :

اي كانت من جمال من يقصدها فلا يحق له بهذا التشيبه رمي الغتره من أجل أمراه هذا يكون من ردات النفس فعيب من يرمي الغتره واو من يلبسها للمراه فعاداتنا لا تسمح بهذا لان من يفعلها فلا توجد كلمه ينوصف بها من بشاعة تشبيه فان للغتره والعقال هيبه يجب المحافظه عليها

[محبــوب القلـوب]

صح لساااااااااااااااااااااااااااانج والله تميز موغريب على الشوق او على نجمة الشعر والله كلمات جميلة من عضو جميل ومميز اسمه الشوق وانا بصراحة ذبحني الشوق علشان اقرأ كل جديد يالشوق واتمنى ان تستمري والله قلم ذهبي جميل ومشاركات مميزة
وانا ماكنت أصدق من يقول العشق من نظـره^^وصدقت المثل بعد الغـرام و سِمـه الهـاري

[الشوووووووق]

صح ابدانكم وخذ راحتك اخوي قلب الاسد

وشاكره لك اخوي الحزين على ردك الحلووو

وتسلمووووووووون على المرووور

تحياتي لكم اختكم

الشوووووووق

[محبــوب القلـوب]

اشدعوة انا قلت شي ولا رديت يبه ماقلت شي بس حلوة لما تقولين انا ماخنته تبلاني على بالي انتي كاتبتها لوووووووووووول المهم يالشوق الشمس ماتحجبها الغيوم وانتي نجمة الشعر دون منازع