تويت
بسم الله الرحمن الرحيم
طبعا السديري غني عن التعريف بس انا حبيت يكون له موضوع خاص فيه احط اشعاره عسي للجنه
طبعا السديري من قبيلة الدواسر ودعاني عاش بلافلاج في السعوديه لما كان ابوه امير عليها ذاك الزمان وبعدها انتقل الي الغاط معروف بحسن الاخلاق والشيمه والكرامه والشجاعه.
والمعروف عنه سرعة العدوو يعني كان سبووق
][®][^][®][
هذي بعض قصايده ][®][^][®][
ابو زيد ياليت الدهر ما غدى به
ياليت نفسه توهبت هبوبها
رحل عن الدنيا وذكراه باقية
وسط المجالس معجزاته حكوا بها
ابو زيد نطاح الامور الصعايب
لولا الشهود الناس ما صدقوا بها
الله من ناس تذكر محمد
إليا ابتلتهم مشكلة وابتلوا بها
له الفخر منها قوله
الله من هم بروحي سهجها
بخا في ضميري في كنين الحشا لاج
احر من نار قوقد وهجها
منها خطر روحي على سلك ديباج
وعين عسى المولى يعجل فرجها
يفوح ناظرها كما عين هداج
استرسلت للدمع مسمار هجها
غيظ يكظ عبارها مثل الامواج
كم واحد له غاية ماهرجها
يكنها لو هو للادنين محتاج
يخاف من عوجا طوال عوجها
هرجت قفا يركض بها كل هراج
يقضب عليك المخطية من حججها
حلو نباه وقلبه ابيض من الصاج
الله خلق دنيا وساع فججها
وعن ما يريب القلب لك كم منهاج
والرجل وان شطت لياليك سجها
عسى تواليها تبشر بالافراج
يقول من عدا على راس عالي
رجم طويل يدهله كل قرناس
في راس مرجوم عسير المنالي
تلعب به الارياح مع كل نسناس
في مهمة قفر من الناس خالي
يشتاق له من حس بالقلب هوجاس
قعدت في راسه وحيد لحالي
براس الطويل ملابقه تقل حراس
متذكر في مرقبي وش غدالي
وضعقت بالكفين ياس على ياس
اخذت اعد ايامها والليالي
دنيا تقلب ما عرفنا لها قياس
كم فرقت ما بين غالي وغالي
لوشفت منها ربح ترجع للافلاس
يقطعك دنيا ما لها اول وتالي
لو اضحكت للغبن تقرع بالاجراس
المستريح اللي من العقل خالي
ما هو بلجات الهواجيس عطاس
ماهوب مثلي مشكلاته جلالي
ازريت اسجلهن بحبر وقرطاس
حملي ثقيل وشايلة باحتمالي
واصبر على مر الليالي والليالي والاتعاس
وارسي كما ترسي رواس الجبالي
ولا يشتكي ضلع عليه القدم داس
يابجاد شب النار وادن الدلالي
واحمس لنا يابجاد ما يقعد الراس
ودقه بنجر ياظريف العيالي
يجذب لنا ربع على اكوار جلاس
وزله الى منه رقد كل سالي
وخله يفوح وقنن الهيل بقياس
وصبه ومده ياكريم السبالي
يبعد همومي يوم اشمه بالانفاس
فنجال يغدي ما تصور ببالي
وروابع تضرب بها اخماس واسداس
لاخاب ظني بالرفيق الموالي
مالي مشاريه على نايد الناس
لعل قصر ما يجيله ظلالي
ينهد من عال مبانيه للساس
لاصار ما هو مدهل للرجالي
وملجا لمن هو يشكي الضيم والباس
بحسناك يامنشي حقوق الخيالي
ياخالق اجناس ويامغني اجناس
تجعل مقره دارس العهد بالي
صحصاح دوِّ دارس مابه اوناس
البوم في تالي هدامه يلالي
جزاك ياقصر الخنا وكر الادناس
متى تربع دارنا والمغالي
وتخضر فياض عقب ما هيب يباس
نشوف فيها الديدحان متوالي
مثل الرعاف بخصر مدقوق الالعاس
ونثير على البيدا سوات الزوالي
يشرق حماره شرقة الصبغ بالكاس
وتكبر دفوف معبسات الشمارلي
ويبني عليهن الشحم مثل الاطعاس
[glow=FF3333] طبعا اغلب شعره كان فيه حكم وحتي الغزل كلن يتخلله حكم ومواعظ عكس اللي الحين اللهم لا تبلانا[/glow]
لولا الهرم والفقر والثالث الموت
يالا دمي بالكون ياعظم شانك
سخرت ذرات الهوى تنقل الصوت
وخليتها اطوع من تحرك بنانك
جماد تكلمها وهي وسط تابوت
تاخذ وتعطي ماصدر من بيانك
وعزمت من فوق القمر تبني بيوت
من يقهرك لو هو طويل زمانك
لولا الثلاث وشان من قدر القوت
نفذت كل اللي يقوله لسانك
قصيده في سلمي وهذي من نوادرسموه الله يرحمه
ومن نوادر قصائده هذه القصيدة
سلمى تقول ان الموده غرابيل .... وانا على سلمى عليل الضماير
سلمى تقول الحب ويلٍ بثر ويل .... وانا حشاي بجاير الحب فاير
وسلمى لها بقصى الضماير مداهيل .... وعندي لسلمى بالموده سراير
اسأل عليها كل ما يقبل الليل .... والصبح اوصي يمها كل طاير
الحب في قلبي صبغ صبغة النيل .... بين المحاني صايب الحب جاير
وياما توجَّد والضماير مغاليل .... وياما على سلمى عطيت البشاير
طفلٍ سلب عقلي بسودٍ مضاليل .... منها قلوب اهل الموده عثاير
ورموش سودٍ ما تكحل من الميل .... سواه خلاق البحر والجزاير
دارٍ لسلمى ما تجيها المراسيل .... دارٍ لقلبي في حماها ذخاير
ارسل لها من ناحلات المراميل .... ما يصلنه ناقلات المجاير
اطلب لها من رايح المزن بالسيل.... منه الزبيدي نابتٍ بالمحاير
][`~*¤!||!¤*~`][ الله يرحمك ياشاعرنا ][`~*¤!||!¤*~`][
تعليق