الــــــــــرجـــــــــــــــاء دخــــــــــول الـــــــكـــــــــــل ...........!!!

[برقن سرى]

السلا111م عليكم ورحمة الله وبركاااته


مساااكم الله بالخيرر كل ٍ بأسمه وكل ٍ بنكه

شلونكم وعساكم بـأتم صحه وعافيه ؟؟ وان شاء الله من حال لزين منهاا

اخواني واخواتي ........ !


انا شفت بالمنتدى هني اخطاااء كثيره وكذا مره اعدلهااا

وابي منكم لو سمحتووووو الواحد قبل لا ينزل قصيده او سالفه يتأكد منها لا ينقال وبس

لان المنتديات الحين اصبحت مثل الرواه كل واحد ينقل من منتدى وتمشي معى الكل

وانا كذا مره شفت ابيات وسوالف منسوبه لغير اهلها وعدتل منها ولا فاد التعديل

وهذي قصيده وسالفه كتبها احد الاخوان العزيزين هني وفيها اخطااء

لان السالفه هذي والقصيده انا كنت اسمعها من كذا سنه وللحين في بالي




انقلها لكم من الاخ اللي كتبها في هذا المنتدى .........:






كانت ((غدير))ً في غرفتها مستلقية على سريرها ،،،

وفجأة رن هاتفها الخاص حيث كانت صديقتها ،،،

تخبرها بالفجيعه وخبر قرب زواج حبيبها....

فهاضت نفسها بهذه الرائعة بعد أن هدأت وجمعت شتات نفسها..

****************

جاني الخبر يا صاحبي واظلم الكـــــــون
قـــــــدام عــينـي ثـم نــطقـت الــشــــهـاده


على العــمــوم اقــولـها الـف مـلـيــــــــون
مــبـروك مــن قــلـب شكـــالــك ابـعــاده


مــبروك لا يهمــك سواليف وضـنـــــون
مـن عــاشــق يــهـديـــك فـــرحة فـــؤاده


ســو الــفرح اليــوم وابليس مـــلعــــــون
واللــي يــشــب الـــنار يــجني رمـــــاده


انـــا اول الــــعـالم على الصاله يلفــــون
اول مــــعـازيم الـــــفـــرح والــحــــداده


ابشر انا برقص على العرس بالهــــون
كـــــل يـــــعـبـر فـــرحــتـه بــاجتهـــاده


لــــو الـــبلا رقــــصي يقولون مزيـــون
الـــمــشكلــه الــقـلــب يــفـضـــــح وداده


يـــوم الـعذارى في دخــولـك يغنــــــون
وعــروستك باحلى ثــواني السعــــــاده


كــنت اتــمنــى بـــدالها والـله اكــــــون
واحـط كـفي تحت راســـــــــــك وســـــاده


واشلون ابكتم صرختي يوم تمشــــــون
تـــكــفى ..خــذنــي للعروسه قـــــــلاده


حتــى مــعـازيـم الفرح قامو يمشـــــون
واصبــحت انــا وحدي بدون استفــــاده


وطـــفو عــلي الــنور مــن غير يـدرون
قــصر الــفرح قـبر(غدير) ومهـاده


وصــيتي لـو جــاك بــنت وانــا امــون
سمــيتــها لك (غدير) قــبل الــــــولاده





والقصه غلط واسم غدير غلط

القصه طالت اعماركم بالعز والطاعه سالفتها بنت اسمها نوره ال........ واحد كانت تحبه

ونوره وحبيبها من يوم كانو صغار واهم يحبون بعض الين كبرو وانمنعو عن شوفة بعض

وانتو عارفين سلوم البدو والبداوه والسالفه هذي مو قديمه حيل صار لها كم سنه

المهم .. انهم لما كبرو راح اللي مان يحب نوره وقال حق والدته يا امي انا بتزوج

قالت امه هذي الساعه المباركه وبشوف لك بنت خالتك وقال لا انا ابي اتزوج نوره

وقالت امه والله ما تتزوجها واذا خذيتها لانت ولدي ولا اعرفك

وقال حق نوره انا كنت بخطبج بس امي رفضت وانا راح ارضي امي ماني متزوجج وراح ارضيج ماني متزوج بنت خالتي

وقالت له نوره تزوج وطيع امك وانا نصيبي يجيني واهو رفض

ورمت كم سنه وقالو له اخوانه وجماعته يا فلان انت كبرت تزوج وكان رافض

ومعى مرور الوقت قال لوالدته شوفي لي بنت ابي اتزوج ولما ملك عليها عرفت نوره

ومن بعد كم يوم قام الصبح واهو رايح للدوام وجد ظرف على سيارته ولما فتح الظرف وشافه

لقى فيها القصيده والقصيده لو تلاحظون ان فيها كم بيت مكسور وهذا يدل على ان البنت ماهي بشاعره

بس يمكن فاضت مشاعرها وكتبتها على حسب خبرتها بالبحر هذا بس

واسم البنت نوره مو غدير

وهذي السالفه كلها ..... وانشالله ان الكل عرف السالفه والقصيده والاسم الصحيح



ــــــــــــــــــــــــــــــ


نرجع الى احد الخوات قبل كم اسبوع كانت كاتبه قصيده وقالت انها للشاعر نمر بن عدوان

واللي مطلعها :

البارحه يوم الخلايق نياما //// بيّحت من كثر البكى كل مكنون


والقصيده هذي نسبوها الى الشعر نمر بن عدوان واهي غلط

القصيده معروفه للشاعر محمد المسلم والدليل ان الشاعر نمر بن عدوان كان عايش في صحراء

الاردن يعني من اهل الباديه واهو ينتسب الى قبيلة بني صخر وفي ناس اختلفت على ان بني صخر من بني هاجر والله اعلم في نسب قبيلة بني صخر

اما الشاعر محمد المسلم كان عايش في القرى واهل الباديه تختلف معانيهم شوي عن اهل القرى

اهل الباديه يقولون الدرب او الطريق اما اهل القرى يقولون السكه او الشارع


والقصيده فيها بيت يقول ....:

واكبر همومي هالصغار اليتامى /// واخاف عليهم من( السكه) يضيعون

وهذا اهوووو الاختلاف والدليل

وهذا التوضيح والدليل كله من عندي انا ومن خبرتي في امور الشعر

اما نسب القصيده اللي مو واثق في كلامي يرجع الى كتاب :

اهل الباديه او قالت الصحراء او خيار مايلتقط من الشعر النبطي

وانا ارجح كتاب خيار مايلتقط من الشعر النبطي

والكتاب هذا انا بحثت عنه في الكويت وماحصلته وشريته من مكتبه في القصيم اتصلت فيهم وحصلته عندهم ورحت لهم وشريته وسمعت انه موجود في مكتبة ذات السلاسل في الكويت

ولا ادري اهو موجود فيها ولا لا


ــــــــــــــــــــــــــــــــــــــــــــــــــ ـــــ


وقريت لبعض الاخوان هني كان كاتب قصيده وكاتب فلكور والقصيه هي


هبت هبوب الشمال وبردها شيني //// والنار ماتدفي لو حنى شعلناها


وهذا اكبر غلط ان الواحد يقول فلكور

والقصيده هذي اختلفو فيها الشعراء وقالو انها للشاعر :

ضويحي ابن رميح وفي بعض الشعراء قالو انها للشاعر مبارك بن فهد العجمي

والشعراء يرجعون الى الراويه / حمد العزب

وانا اتصلت فيه قبل كم يوم وقال لي ان القصيده للشاعر مبارك بن فهد العجمي وكدها لي









وهذي اهي المواضيع التي كتبت هناااا وهذا تعقيبي وتوضيحي عليهااا


وانشالله اني ما اكون قد ضايقت احد من الاخوه او الاعضاء


واذا فيكم احد مو موافق على كلامي او اي شي فيه يرد علي ويعلمني انا وين اخطأت


وشاكر لكم الجهود المبذوله على المواضيع




تقبلو تحياتي :



اخوكم وتلميذكم الصغير / حمد العازمي

[KaY]

مشكوور اخوي على التوضيح
:)

[حسناء البادية]

شاكرين لك واخوي علي تصحيح أخطائنى ..


ثانكيو مستر


تحياتي حسناء المنتدي

[برقن سرى]

السلا11م عليكم ورحمة الله وبركاااته

صباااااح الخيرر للكل


يعطيكم العافيه على المرور


وانا كتبت الموضوع هذا وقعدت عليه لاني بصراحه ابي الكل يستفيد سواء في المنتدى او يستفيد

في حياته من خلال اي موضوع او قصيده توصل له لا يتكلم فيها لين يتأكد من سالفتها

ومن قصتهااااا

وشاكر لكم المرور الجميل

[سفن آب.]

فديتك والله يا برقن........... والله اني احب الي جذي اتحس مراقبنه مراقبه واااااااو ........... ههههه حبيبي والله ذكرتني بلمحقق كونان والله يسلمك ربي اي عاد تصدق اول ما دشيت المنتدى قلت من اليوم بجذب لمن اقول بس .........ز بس من شفتك قلت لا يبا لا يحوووشك ههههههههه حبيبي والله يالله برب ....

[alwalah]

تسلم ياقلبي برقن على التوضيح المتواضع منك

وان شاء الله الكل يستفيد من هالشي

وصـــ لسانك ـــح

[فواز الكويت]

تحياتي لك ياحمد اول شي قصيدة البارحه يوم الخلايق نياما انا كتبتها مو وحده من الخوات ونسبتها لنمر بن عدوان مو شغلت مزاج وارجع لاول شريط لراشد الماجد تلقي كلمات نمر بن عدوان وارجع لديوان نمر والله ماني ذاكره بس موجوده فيه واذا هم غلطانين مو شغلتي... وهبت هبوب الشمال هم انا كاتبها وانت بنفسك تقول اختلفوا عليها كبار الشعار من ينسبونها له ومو شرط حمد العزب كلامه صح ولا قصورن فيه وكتبت فلكلورشعبي لانها قديمه وماحد اكد منو راعيها وين الغلط ولاتنسي مثل ماقلت انت انهم غلطانين هم يقولون انت غلطان //// وثاني شي اذا احد ينقل القصايد عن منتدي فهذا شخص مدوج لان المنتدي اعضاءه مجهولين والنقل لازم من مصدر معروف واذا بنطبق كلامك مع انه صح والله ماضن نكتب قصيده الا بطلعت الروح وبعدين المنتدي فيه قوانين وحنا نمشي عليها واذا فيه غلط هم امشينه لانه منتدي تسليه وغير محاسب ولا يحاسب الا علي الامور الادبيه/// مثل سالفة المغزل اللي قلتها والله ادري انه مغزل بس حبيت اسهل المعني ووصل المعلومه لان اكثرهم يجهلون معني المغزل///وكلامك كله صح بس مو هنيه مكانه ياحمد/// وكل التقدير والاحترام لك واسمحلي لاشفت مني اي خطا

[عنوسه ^_~ ماتهاب]

الف شكر لك اخيو برقن سري
علي التنبيه

وان شاء الله ما يصير اختلااف
والخطاا شي وارد

[عمشه بولند]

البارحه يوم الخلايق نياما //// بيّحت من كثر البكى كل مكنون


بالنسبه لهذي القصيده اختلف البعض وقالوا انها لنمر بن عدوان وناس تقول انها لـ محمد المسلم

وسبب القصيه مرثية نمر بن عدوان التي نظمها في رثا زوجته وضحى التي كان مقتلهاخطا على يده بعد ان ظنها سارقا يحاول سرقة فرسه المتميزه في ذلك الزمان وقد كان نمر بن عدوان سيدآ في قومه ومستهدفآ من كثير من خصومه من القبائل الاخرى.
الفارس نمر شعر بالذنب الجسيم للخطا الذي ارتكبه ودفع ثمنه اغلى شخص في حياته.
وهذي القصيده تعتبر من مرثيات نمر في زوجته وما اكثرها.


ويقول نمر.

*البارحه يوم الخلايق نياما...
............بيحت من كثر البكا كل مكنون.

*قمت اتوجد وانثر الما على ما.
...........من موق عيني دمعها كان مخزون.

ديوان (((( من اقوال الشعراء))))(بالطيروالعذراء).

[عمشه بولند]

بالنسبه ياخ حمد للقصيده اللى تقول

هبت هبوب الشمال وبردها شيني //// والنار ماتدفي لو حنى شعلناها


ويقول احد الشعراء القدماء لا يحضرني اسمه الان وربما يكون المجماج او الهزاني
هبت هبوب الشمال وبردها شيني ,,,,,,,,,,,, ماتدفي النار لو حنا شعلناها
وتقول الشاعره فاطمة العبادي في قصيدة غنتها المطربه سميرة العسلي
هبت هبوب الشمالي وبردها شيني ,,,,,,,,,,,, ماتدفي النار لو حنا شعلناها
ومن كثرته سرقاتها ياخ حمد لم يعرف صاحبها
البعض يقول فلكور
والبعض يقول معاصره
والله اعلم

[نرجسيييييه]

[all1=CC99FF]تحياتي لك اخوي برقن على الملاحظات الدقيقه والواضحه منك وهذا شي جميل انك تنبه للخطا حتى ماننجر له مره ثانيه تقبل مني كل الاحترام والتقدير[/all1]

[برقن سرى]

السلام عليكم ورحمة الله وبركااته

مساكم الله بالخيررر كل ٍ بأسمه وكل ٍ بنكه

شلونكم وعساكم بخير ؟ وان شاء الله تكونون من حال طيب الى حال اطيب منها


وشاكر لكم المرور يا اخوان والكلام الطيب اللي تفضلتم فيه


وانا ما ازعل من الشي الصحيح بالعكس اتقبله بصدر رحب واذا الشي ما دخل فكري اعتبره وجهة نظر واحترمها


اما بالنسبه للاخ العزيز / فواز

بالعكس انا احترم رايك وردك على الموضوع بصراحه

وحنى مثل ماقلت جايين هني نستانس ونتعرف على بعض وناخذ الاشياء الزينه والطيبه

واما كلامك عن قصيدة نمر بن عدوان اللي غناها الفنان / راشد الماجد في شريطه سنة 1986

كان مكتوب كلمات نمر بن عدوان

وبعض الناس تنسبها له لكن القصيده فيها كذا دليل ينسب القصيده الى ان شاعرها من اهل القرى

وليس من اهل الباديه وفي كذا كتاب وادله ذكرت ان القصيده للشاعر محمد المسلم


واما قصيدة هبت هبوب الشمال ليست فلكور والاختلاف على شاعرين

والاخ حمد العزب يعتبر حاليا ً اهو اقوى روايه بالوطن العربي واذا صار خلاف على اي بيت او قصيده

يرجعون اليه بدون التشكيك في كلامه وانا احترمه واحترم رايك يا اخ فواز




اما كلام الاخت القديره / عمشه بولند

انا احترم رايج وكلامج

لكن الشاعر نمر بن عدوان كان اي قصيده يكتبها في وضحه زوجته كان يذكر اسمها بالقصيده

واهو صحيح كان يسمع صوت عند الخيل مالته ولما شاف زول عندها حذف عليها الرمح وذبحها

ولما قرب لقى زوجته وضحه كانت تعطي للخيل علفها ( طعامها ) وتحسف على فعلته

وكانت قصيدته في وضحى لمى ذبحها بدون قصد قصيده طويله شوي

وذاكر منها اخر الابيات لما قال فيه :

جابت جنين ثم جابت جنينين //// ماكن يا عقاب دشو جسدها

لو لا نخاف الله وتبديلة الدين //// لقول وضحه الرب وانا ابعدها



وهذا الدليل والتوضيح


وشاكر لكم المناقشات الطيبه والآراء ولاهنتو


اخوكم وتلميذكم الصغير / حمد العازمي

[قلـ الأسـد ـب]

اشكرك علي التوضيح يا برق واتمني فعلا من كل اخ واو اخت تنقل قصيده ان تتاكد من انها صحيحا سواء بذكر اسم قايلها او التاكد من عدم الخطئ عند النقل حتي نقراها بالشكل الصحيح ولا نحتار من امرها
تحياتي لك

[عمشه بولند]

أنشاء الله مانختلف على شي
وبالفعل اخوي
اذا الواحد بيرجع
مايرجع للنت لانه اصبح مشكوك فيه
كلن ينسب لنفسه
لكن الشاعر الاصلى مهضوم حقه بالنت
:)

[برقن سرى]

السلام عليكم ورحمة الله وبركااته

مساكم الله بالخير

حياك الله يا قلب الاسد وشاكر لك المرور طال عمرك

حياج الله يا بنت بولند وكلامج عدل المراجع كثيره ومعروف صحتها

وشكر لكم المرور ولاهنتووو