الصاحب

[@عاشق الريم@]

[align=center]بسم الله الرحمن الرحيم[/align]


هذا كلام للأخ الغالي والعزيز على قلبي حسن رشيد الذروي الحربي يمدح فية أعز صاحب لة وأتمنى أن يحوز هذا النص الشعري على اعجابكم وأستحسانكم:



بديت بسم الله رب العبادي
منزل همول الغيث من وبل عادي

الواحد القهار يوم التنادي
القادر اللي ينفخ الروح فالطين

خطيت بعض الحرف في زين الاصحاب
اللي كرمهم مالة حدود وأحساب

علي لهم من خاطري كل ترحاب
واللي عن دروب الملامة محيدين

الصاحب اللي منزلة في النوايف
واللي علا عن كل عالي ونايف

فعلة ونجم سهيل دايم ولايف
يشهد لة بفعلة بعيد وقريبين

لمن هرج جويد هرجة يسرك
وليا فعل ماجاب شي يضرك

صاحب وماهو للدنيا يجرك
عساة لي ذخر على دايم الحين

لاحل ذكره يطرب الناس طارية
ولحد على دروب الشهامة يبارية

وليا حضر من في كلامة يجارية
صويب راية في جميع الميادين

أبو محمد من خيار الرجاجيل
اللي علا عن هرجة القال والقيل

نسل الرجال محللين الغرابيل
اللي على درب المعالي مقيمين

ابن الذي نجمة سطع في زمانة
وما غاب حتى يوم خلا مكانة

ولحد وصل لة بلالكرم والامانة
مرحوم يامن عقب رجال وافين

ذكره الين اليوم باقي وموجود
مذكور بالزينة ومذكور بالزود

ابن عتيق الله اللي بكى لجلة الجود
مرحوم من رد العدا والمعادين

أبو محمد عزة من عز فعلة
حتى عدوه بالشجاعة شهد لة

فالحق ربعة للمعادين عدلة
ولمن حضر وقت الشدايد شديدين

هذا كلام اللي صدق في كلامة
ابن رشيد اللي سعى للكرامة

اللي مجنب عن دروب الملامة
واللي تعلا فوق كل الشياهين

وختا مها صلوا على سيد الناس
الصادق الرسول في كل الاجناس

خير العباد وخير من فالثرى داس
شفيعنا يوم بة شعث حافين






هذا وسلامتك




أعذرونا في التقصير





[movet=left]عاشق الريم[/movet]

[*الهــــارف*]

صح السانك ولا هنت اخوي عاشق الريم

قصيده جميله

[همسات]

[align=center] صح لسانك ولا هنت اخوي على القصيده الرائعه

تحيااااااااااااتي

همووووسه

[/align]

[عنوسه ^_~ ماتهاب]

صح لسانك ولسان شاعرها يا اخوي

لا هنت

قصيده جميله

[نرجسيييييه]

[all1=0099CC][size=6]تسلم اخوي على النقل الجميل صح لسان شاعرها وتسلم يمين الي نقلها[/size[/all1]]

[قلـ الأسـد ـب]

يسلمو يا الغالي علي نقل قصيدة الغالي عليك تحياتي لك وصح لسان شاعرنا ولا هنت علي النقل

[alwalah]

صــ لسانك ــح

ياقلبي عاشق الريم على هالكلمات الروعه صراحتا

أبيات باهره وبراقه بحد ذاتها وجميل ان تلامس احساس

فنان يسكب مشاعره على مدح جذاب بكل معانيه

يسلم يمناك وعسى ماننحرم من هالطله الذهب

[@عاشق الريم@]

شكرا حبايبي على مروركم


وأعدكم بالمزيد ان شاء الله قريبا


وأعذرونا في التقصير