قصائد على مزاجي __ وشوفو مزاجي

[البرنس9500]

.
.

ويش اعنيلك انا ؟؟؟؟

(( ياحبيبي كلّ شي بقضاء مابأيدينا خلنقنا تعساء

ربّما تجمعنا أقدارنـــــا ذات يومٍ بعد ان عزّ اللقاء ))

كان هذا ( مقصلة ) ذاك الحديث الّلي جمعنا ... وابتدينا فــ..النهايه

افترقنا بلا وداع.........

استدارت وانتهى كل الكلااااااام

وابتدت خطواتها تعزف لحن غيبه طويله ........كنت اناظرها وانا حاير وفي بالي سؤاااااال

ليه راحت؟؟ ليه راحت؟؟؟ ليه راحت ؟؟؟؟؟

وانتهينا ......... و مضى كلَّ الى غايته

لين غابت فــ..الزحام

.
.


بعدها ....

في كل ليله كنت ارسم ورد في بالي واقطف منه ورده..

امسك الورده فإيـــد..وانزع الأوراق وارميها واردد..

هي تجيني.....ماتجيني.....هي تجيني....ماتجيني.....

لين اجفاني تعانق بعضها واتلحف عيوني

واناااااااااااااااااااااااااااااااااااااااام
.
.

ولاصحيت الاّوهي توقف قبالي

ومن هبالي ....اول اللي صحت فيها

تذكرين !!!!!

يوم كنتي تسأليني ( ويش اعنيلك أنا) ؟

قولي انك مانسيتي ....قولي انك تذكرين

صدّقي اكذب عليك ان قلت لك...

وقتها ماكنت فاهم ويش كنتي تقصدين

اذكر إنّي.......

كنت احاول إني ( استوعب ) احاسيسي تجاهك

كنت اقول انتي..........وأسكت

وانتي تقولين كمل ليه تسكت.......قول وش ودّك تقوله

كنت اراوغ في الاجابه

كنت اقول ان المطر روووح السحابه

وانك اول من حرث هالبال بالطاري وأنبت دفتر احلامي قصيد

وكنت اقول ..انك صباحات الوطن للمنفي اللي عذّ به طول الحنين

كل ماشتاق لدياره ....وصوت جاره

وشم ريحة شيلة امّه ....يوم صدره ضاق به من كثر همّه

واسمعه يومه يتمتم ......

آه يمه...آه يمه.....آه يمه....
.
.

كل هذا من هبالي

يوم من بالي نفيت اللي فبالي

أهلي ...أصحابي ....غلاي لكل غالي

كنت افكر فيك دايم ...لأجل يشطح بك خيالي

وارسمك قدام عيني وازعلك....وانتي عنّي تبعدين

لاجل لابعدتي اناديلك تعالي ....وتبعدين

وارجع انادي تعااااااااالي

وتبعدين ..........

وارجع انادي تعاااااااااااااالي

وترجعين..........

كل هذا لاجل اقول امزح معك....

مادريت انك زعوله

انتي تعنيلي الكثير

ذكريات

..........وعمر فــــــــات

.........................وصاحبٍ من قبل اعرفك كنت اسولف فيك عنده ........

بس مااااااااااااات

وشي مااقدر اقوله
.
.

بس انا لي كلمتين.......

ويش يعني هالمطر والأرض تترجى هطوله؟؟

ويش يعني الأب لأطفاله اذا مالاح زوله؟؟؟

بعد هذا ماعتقد انّك فيوم بتساليني........

( ويش اعنيلك انا ) ؟؟

بس ابيك تجاوبيني

ويش اعنيلك انا؟؟

ويش اعنيلك انا ؟؟؟


ويش اعنيلك انا؟؟؟؟؟
..

[البرنس9500]

ياعلي للشعر عبدي و لا هو ... سيـدي
صاحبي له من جنوني ولي مـن منطقـه

مايخون الطيش والملـح ياكـود الـردي
له علي ان ما سبقني على الطيب اسبقـه

والله اني من عرفته وانا ابشـر بسعـدي
كل حزنٍ يفتـح ابـواب حسـنٍ مغللقـه

والله انـي ماذخـرت لمعانيـه جـهـدي
ذمني ولا مدحنـي مـن يقـول سرقـه

اعشق من الشعر كلـه عيونـي ورمـدي
واعشق من الكل بعضي اذا الصمت انطقه

واعشق من الليل الاظلم وأشوف السرمدي
قـدر قـرمٍ بيـض الله وجهـه بصنقـه

واعشق من الصبح الأكسل نسيم وفي يدي
دفترٍ يهـدي العصافيـر لحظـه مورقـه

وأعشق من الصحبه أم البساط الأحمـدي
لاتهيّت وأعشق من العسـل طلبـة ذقـه

وأعشق من الوقت وقتي لاابوي ولا ولدي
وأعشق من الناس كلٍ علـى قـد عرقـه

ياعلي والشعـر عبـدي وعبـدي سيـدي
أعمق الشعر أبسط الشعر وأبسط أعمقـه

في الحنايا خيل ترمـح و خيـال يحـدي
وفي المرايا ألف بحـر يتلعثـم بزرقـه

ياكثر ما اذكر من الناس لاصرت وحـدي
من نسونـي ونسونـي بكـذبٍ ماصدقـه

كل وعدي مـع اللـي يخونـون وعـدي
يالبناخي بعض طيب أقهره باللـي خلقـه

لـو تهيـا للطـريـا سـويـا مـاغـدي
مزبن الذهيـب ممـراح خاينـت الثقـه

يقنب النسيان الأمعـط بروحـي ويعـدي
كل ليلـه فـي فياضـي والا الله يرزقـه

السهر ، ماهو بهـذا السهـر iiلايابعـدي
السهر شفنـي تعرفـه وشفنـي تزهقـه

كل جفنٍ من جفوني غدى بيـت أجـودي
لاتقظب فيـه عبـدٍ مـن الليـل أعتقـه

ليت لي قدره على الثار تكفا يـا سنـدي
من حبيبٍ طشـر القلـب مليـون ورقـه

مارماني خطرتـن لجـل يرضينـي ودي
نيشـن الفرقـا هنيّـا ثـم أركـا بندقـه

وانتهى مستسهل سهيل يستجـدل الجـدي
مابقى غيـر اليبـاس بعيـون مغورقـه

كم تكحل عاذلي وانعمـى مـن مـرودي
يـوم قـال العيـن بالعيـن مالله وفـقـه

قلـت والله دام قفـى وظليـت وحــدي
لتركه في داخل القلـب محـدن بشنقـه

ياعلي كلـي نهايـات مـن ويـن أبتـدي
ياعلي كله بدايـات مـن ويـن أعشقـه

له عيون ولي ضلالي بهـا ليـن أهتـدي
ولي عيون وله علي البكا لين أغرقـه ..

[البرنس9500]

الــمـــلـــــحـمــــــه: مـحـمـد الــدحـيـمـي


ليلة البارح رقد بعضي ينازعه اغلبي = ليلة باخر ليالي الحج غدرا مظلمه

كني اللي نايم مابين داب وعقربي = هي حقيقه هي خيال سج؟ هي حلم احلمه

قمت من صوت دعاني وانثنيت على ركبي = والا انا اناظرقبالي ( ناقة متكلمه)

يانيازك لوعرجتي فوق دخان اشهبي = علقي في زئبقي في مارج متنجمه

قلت وش قومك وش انتي واصدقي لاتكذبي = جاوبتني شاعره من الجن وانظم مبهمه

وقبل تنشدني ترى اسمي ابكمه ياصاحبي = وادّر كانك مادريت ان اشعرالجن ابكمه

اسكن "البرلس"على وادي يسمى المحلبي = في نهاية طور موسى جل رب كلمه

جيت اباسمع منك شعر الوصف واشب لهبي = كان توصف مثل جدك ياعسى الله يرحمه

جدك اللي من سمع شعره ذهل واستغربي = مثل وصفه لآجمل سنينه ب نوق مدرهمه

قلت حياك ارحبي ثم ارحبي ثم ارحبي = في ضيافه شاعر يثني القصيد ويلجمه

شاعر ورد هواجيسه على ماهو يبي = واعذب الشعر اصدقه في اغربه في اجهمه

من شيوخ دحيم جدانه وخاله تغلبي = ان طلع عز وشرف والا طمن في مكرمه

قد ورثت الطيب قبل الشعر من جدي وابي = ولابتي سيل الحقوق اللي تزابر مرزمه

واشهد اني من سنام الشعر دسمت شنبي = وهاتي اشعر شاعر من الجن نذر لآفحمه

ودام يستهويك شعرالوصف ب انظم واطربي = ع القوافي نفسها قدامك الحين انظمه

واصف حلو الترايب والقوام الاكعبي = وابتدي بسم الله الرحمن سمعي ياابكمه

جادل بحجاجها فجر زبنه المغربي = عنز ريم نثرتني بين خرز وسلهمه

في سواد عيونها فاجر يقول انه نبي = كل صابي يتبعه ويصدقه يهدر دمه

وفي لحظها حاكم سفاح متهور غبي = يطلب الرحمه لميته يوم شبع من لحمه

وفي هدبها مدهل راعيه شيخ يعربي = اجودي نوب يعزمني ونوب اعزمه

راعني خال بوجنتها تقل عبد مسبي = حارس روض الزهر من كل يمنا مجرمه

ومن قليب اللون جا ثعبان فضي لولبي = من لعق سمه يقول الشهد مر وعلقمه

كلما بلل شفق عنابها قال عجبي = راح ينشد لولها هي مشركه هي مسلمه

يوم جاا للول بيجاوب قلت ربي روف بي = ن اض براق الثمان وسال وادي عكرمه

الندى عود غدا بأوجانها طفل يحبي = والعطر راعي بأثرها يحدي ابله وغنمه

ومن جدايلها تجلا فارس قال العبي = واستفزي الريح يابنت الهبوب المدهمه

وفي نحرها كافر لعيوني يقول اذنبي = كل ماياكل رطب شوفي حذفني بعجمه

في ترايبها ثمر طاح بنهم عين اشعبي = جا يقول لخصرها المياس حذرا مااتهمه

انثنى الخصر وتمايل قال قلبك مربي = توه اللي كان ضيفي وانظر اثار قدمه

الجمل هج وتذير يوم شاف الاحدبي = الحدب قال اش معه ماينظر الحدب سنمه

كل نظره روحت حبلى تجي معها صبي = راح جوعه ينشد امه وش بلاها تفطمه

لامشت في مشيها خطو الكحيل الاشهبي = انثنت حايل ثنيه لارباع ولاقحمه

كنها لالدت النظره خجل عالمنكبي = صادق يستودع الفتان سر يكتمه

في خجلها بنت شيخ طاحت بحب اجنبي = في غنجها مهرة تتلي الصهيل بهمهمه

في رضاها حصني يتلذذ بمحض عنبي = في عتبها ظالم حطوه قاضي محكمه

لااقبلت مثل الحمام ولا ادبرت مثل الظبي = لا اوقفت طير الهداد ولاجلست تقل رخمه

لاوردتي يامغاتيري على العدا شربي = وهيجني ياحي ذا المبسم ومنهو مبسمه

مبسم يوم يتبسم كل عرق صاح بي = و تلني قوم الثمه نذر علي ان تلثمه

اذن الفجر ووقفت الاابكمه (تقول طلبي) = يالدحيمي هالقصيده سمها (بالملــحمه)

وشكرآ لمروركم مقدمآ

[نرجسيييييه]

[all1=0099CC]تحياتي لك اخوي البرنس وصح لسانك على القصائد الجميله ولاهنت واتمنى نشوف جديدك لك مني كل الاحترام[/all1]

[البرنس9500]

قصيدة الشاعر خلف بن هذال بالجنادريه لعام 1426هـ


على هذا المكان ومن رعاه ومن تربـع فيـهسلام وراية الاسلام فوق الـراس مرفوعـه
ترف بكل عز وكـل مجـد وضمهـا بيديـهامام المسلمين وكلمتـه بالكـون مسموعـه
أخص القايد الاعلى فهد درع الوطـن حاميـهمن العدوان ما عاثت فلول الشـرك بربوعـه
ملكنا اللي نحبـه ثـم نحبـه والغـلا نغليـهعلى دربه نسير ونستنير الـدرب بسموعـه
ملكنا اللي يشرف حاضره ومشـرفٍ ماضيـهيسجل له مدى التاريـخ للتاريـخ موسوعـه
ملكنا اللي فتح قلبـه لنـا يالله لنـا تحييـهفريدات الخصايل في مقـر العـز مجموعـه
يصون مقدسات وبالثبـات مخططـه ماشيـهعسى أوطانه لبراق الحيا بالرجع مرجوعـه
تمتعنا بعهـده بالرخـاء والخيـر والترفيـهشربنا الماء قـراح ومدنـا وامتـد ينبوعـه
ليا صّدر قرار يتـم وبريشـة قلـم يمضيـهيـورّد جـاري التنفيـذ والاوراق مدفـوعـه
يوجه ما يوجَّـه منفـرد بالـراي والتوجيـهيحلّ اوضاع غيره ما ابتحل في حل موضوعه
ليا منّه تنهّض زلـزل الغبـرا تحـت رجليـهيامكبر هيبته والارض تستكلم تحـت طوعـه
سعوديٍ ملا الكرسي صحيح ومنصبه ماليـهليا زمجر وطالع بالسبـاع تخـر مفجوعـه
تليق به القياده والسيـاده والامـن مضفيـهعلى شبه الجزيرة ساد تشريعه ومشروعـه
بلاده ما يقارب ربـع قـرن بساعـده يبنيـهولايَتبع فهـد يُتبـع فهـد وخطـاه متبوعـه
يعود الراي لاهل الراي واخذ الراي من راعيهيعـد اريـاه مفتولـه ومثنيـه ومربـوعـه
بتوع ليا مضى يمضي بسيف العدل ما يثنيـهليا عدوا قواطيع السيـوف ابتـر وقاطوعـه
ليا اشتد الخصيم بخصمته من حكمته ينهيـهينوخ للحقـوق وتصبـح الحقـاد مرجوعـه
جبل راسي ومن طبع الجبل ما يحترك راسيـهذرى المفزوع واللي طار عنها الستر مفجوعه
جنودك يافهد شعبك لياطـق الحـدى حاديـهفداك الامن يفداك الحرس والجيش وفروعـه
عليك براس الافعى ما دفق سمه وكيف وليـهيروّجها الغبي واللـي ثقتنـا منـه منزوعـه
من الضربه يطيح من اوله والحق على تاليهقبل فتك الافاعي خلها في البيـض مخلوعـه
عصابه يا بوفيصل بثت التشويش والتشويـهعلى ارضك ما لها بيعه ومن بيعتك مخلوعه
على يمناك اخوك اللي مناظيم السرب تتليـهعلى اكتافه كبار الواجبات اليـوم موضوعـه
تصدى من تعدى ويتحـدى والوطـن يعنيـهتعبّر كلمـةٍ فـي نشـرة الاخبـار مذيوعـه
صدق راعي المثل لاركبت حر ارقد ولا توصيهولو حددت له رحلة شهر ياتيـك باسبوعـه
نرحب فـي ولـي العهـد ونحييـه وتحييـهجماهير تردد لـه بيـوت الشعـر مبدوعـه
هلا يامرحبا واهلين يارجـل الوطـن ذاويـهبعد هذا الزعيم انت الوطن وحمـاه ودروعـه
علينا عهد لك ياسيدي والعهـد مـا نصخيـهعواتقنا قلايدهـا العهـد بايمـان مقطوعـه
معك سلطان حماي الحدود ليا احتمى صاليـهيجيب لك القلايع من يديـن القـوم مقلوعـه
يسلـم ثالـث الاثنيـن ويعافيـه ويـدوّيـهابوخالد لـه الهامـات بالتقديـر مخضوعـه
على الارهاب شنوا حرب شعوا واقطعوا طاريهتموت الشجرة اللي من عروق الجذع مقطوعه
على من روّع الصيام خزي ولعنـة تخزيـهعسى من راعهم رب الفلق يبـلاه ويروعـه
تموت اطفال وتموت النسا فعل طغى طاغيـهبكل الوصف وحش مفترس ويغيـر بفزوعـه
جريمة ما تشبه بالجرايـم يصعـب التشبيـهعقول للحدث ما استوعبت خرقا ومصدوعـه
كـلام للبعيـد وللقريـب يسمعـه باذنـيـهلعلـه يستفيـد ويستقـر العلـم باسموعـه
نجابه طغمة بـان الـردى منهـا ولاتخفيـههذا والله هو الارهاب مهمـا يختلـف نوعـه
خذت عدوى وجتنا بالوبا من تلمسـه تعديـهكفى الله شرها وبقـدرة الرحمـن مقلوعـه
ملغمة المصاحف ما لها بين الرجـال وجيـههبت والله وجيـه للهوى وابليـس مركوعـه

[alwalah]

صـــ لسانك ـــح


عيوني وعساك ماتحرمنا من مشاركاتك

يالغلا ويعطيك ألف عافيه

[البرنس9500]

شـــــــــــــكــــــــــــــــرآ على المرور نرجسيه

[البرنس9500]

شـــــــــــكـــــــــرآ على المرور يالوله
وبصراحه اخجلتيني بالرد

[KaY]

صح لسانك ولسان الشعراء
تسلم خيوو
ولا تحرمنا من المشاركاتك الروعه
:)

[البرنس9500]

شكرآ على المرور
<==== ههههههه مايعرف شنو نكج

[جيكر حلو]

ياسلاام يا البرنس

تسلم عالقصايد اللي بجد بجد روعه

وخاصه اول قصيده

وما تقصر

وانشالله لمزيدك

[عنوسه ^_~ ماتهاب]

صح لسانك اخوي قصائد جميله :)

[البرنس9500]

شكرآ على مروركم

[البرنس9500]

بعد التحيه انا ادري ان الخطئ خطئي لاني شاركت بكذا مشاركه وما انتظرت الردود بس حرام تنقتل هالقصايد هذي

[@عاشق الريم@]

مشكور حبيبي على هذا المزاج الرايق


والله يحفضك ويرعاك

بس أخوي قصيدة خلف بن هذال كانها مسجلة عندك تسجيل صوتي تكفى نزلها


وعساك على القوة أخوي