قصائد على مزاجي 2 والرجاء الردود ياجماعه مايصير جذي

[البرنس9500]

(( اسنان الندم ))


أثرني من سنين أحرثْ بذور أرضٍ ماهيب أرضـي

غبي .. ياللي نوى يجني ثمار أرضٍ ماهيب ..أرضه

حزن كلي .. يكابر لو سكن بعض الفـرح بعضـي

دخيل الله من مثلـي خنـق كلـه .. فـرح بعضـه

ياليتي ماخذيـت مـن اصبـع أمـي خاتـمٍ فضـي

باأبدلّه بذهب .. والغبـن : ضـاع الخاتـم الفضـه

ألا ياهشم قلبي لاازهمت: قـم يـا ولـدي وضّـي

الا يابري حالـي كـم طفـت لـي جمـرةٍ غضـه

كذوبه يابروق الصيف طول الصيف وانـا امضـي

وراك ولا حصل لي من سنـا نـورك ولا ومضـه

بعـذرك عضـي الأبهـام يااسنـان النـدم عضـي

ومن مثلي خلـع ظفـره نـدم مـن كثـر ماعضـه

من حراب التجـارب قلـت لـك يانفسـي أتعظـي

مـدام انـاّ بوقـتٍ يكـذب الوعـاظ فـي وعظـه

اعـرف النافلـه واتحمـد الله حـافـظٍ فـرضـي

ولا نـي ملـزمٍ باالفاسـق اللـي تـاركٍ فرضـه

حسافـه ماجنيـت الاّ عجـاج البيـد ياركـضـي

حسافـه ياكحيـلان الكديـش ينـافـس بركـضـه

رحم عودٍ مربينـي علـى ان المرجلـه عرضـي

لابوهـا ديـرةٍ فيهـا السنافـي هاتـكٍ عـرضـه

وجيـهٍ غاضبـه لاهيـب لا ترضـى ولا ترضـي

واذا فيهم توفى العود كـان أبلـغ عـزاء عرضـه

تهجيـت المكـان بعيـن شرهـة نورهـا الغضـي

وشوفي كـل مااسترسـل بحلـمٍ توقضـه غمضـه

أنا اللي سولف النحس بغرابـه عـن ردى حظـي

ونسى نفسه وقال : اماّ الدحيمي لعـن ابـو حظّـه



للمراسله [email protected]

[البرنس9500]

2

وجـــــــــنـــــــــــة ســــمـــيـــــــــره


شاعر(ن) تل القوافي في طواريقه وغنا

00000000000ناشدٍ عني تراني من عرب شبه الجزيره

ياسلام الله سلام الطيب والطيب يتثنا

0000000000يا قصيدي وانت راع الأوله قبل الأخيره

يوم ساقتني هجوسي ياولد منا ومنا

00000000000قلت ارد الشان للرحمان وادعي بالستيره

ما تكبدت الخساير من وطنا في وطنا

0000000000باخس طيري ومن له بالقنص يبخص بطيره

والله انا ما طففنا الكيل يوم انا وزنا

0000000000ولا ذخرنا جاهل كالوا بلا صاع شعيره

ماتعودت الحق اطلب للخوي إلا تمنا

00000000دام لي وجه يمون وكل نشمي يستعيره

علم اللي طاح ما بين المغيره والمثنا

0000000أن سلم سيف المثني ما سلم سيف المغيره

يحسب انه يلحق (منيره) وهو يلحق(مهنا)

0000000الخبل يلحق (مهنا) يحسب (مهنا ) 00(منيره)

كان ظنه ما وصلنا علموه انا وصلنا

00000000ما يموت من الظما مطوي رشا غبه لبيره

والغبينه لا علي النذر مثله ما غبنا

00000000كل حب له رحاه وكل سيف له جفيره

من (جحا ولا حميره ) وش علينا ما اشتحنا

0000000دام حدينا فرسنا من (جحا والاحميره)

إن بغاها بالمراجل ينشد القالات عنا

000000ويدري انا لا انتخنا البزر قمنا له عشيره

ما ذخرنا إلا الحميا والوفاء وسلوم اهلنا

000000يوم ولد اللاش يذخر قلة الشيمه ذخيره

واكبر اهل الدار لو ما وصل حد الشيب سنا

000000شايب لا اعمومست الأريا نجيه
ونستشيره

يا جملنا ما جهلك ( الزير سالم ) يا جملنا

0000ايهبا ( داحس) على ( الغبرا) على ( سالم وزيره)

قد وسمتك وسم جدي لا غفلت ولا جهلنا

00000وكل مطنوخ يوسم وسم جدانه بميره

والهنوف اللي زهت بكفوفها نقشات حنا

000000روحت بقلوب بعض الناس من ديره لديره

وافضحت وجنة (سميره) خوة اللي ممتحنا

000000بايع الخوه بحبة خال في وجنة( سميره)

صاحبي لو تأخذك في اللاش شرهة حسن ظنا

000000 عدها شرهة ضميرٍ حي في ميت ضميره

صاحبي ما كل وردٍ يعجبك شكله يجنا

0000 ولا خبرت اعمى بصيره جا يقود اعمى بصيره

والدحيمي يوم تل القاف هيجن به وغنا

000000 يا سلام الله على ربعي عرب شبه الجزيره





mailto:[email protected]

[البرنس9500]

3

التعقيب رجاء خاص ياجماعه

[البرنس9500]

4


(( ريحـــــــة أمــــــــي ؟؟؟ ))






العيد غربه .. والفرح ثوب مشقوق
يالمّة الخـلاّن ... ياريحـة أمـي
من عادة العاشق يناجيـه معشـوق
وانا التناجي بيـن عينـي وفمـي
النوم : حلمٍ تطرده لهفـة الشـوق
والوجـد بعروقـي يخاويـه دمـي
واليوم مثل البارح غروب وشروق
لمّي ثمـار العمـر يـاروح لمّـي
احدي هجوسي مثل من يحدي النوق
واحمل عناقيد النـدم وسـط كمـي
وارقب نجوم الليل بعيون مخنـوق
والفجر لا حولـي ولا هـو بيمّـي
أماّ زماني ساقنـي للشقـا سـوق
أو زادني هم ٍ علـى غيـر همـي
ثوبي جديدٍ .. مير ياعيد مشقـوق
ياعيد : ما تسوى بلا.. ريحة أمـي


اتمنى اني وفيت وكفيت

هذا محمد الدحيمي شاعر من بيشه

ويا جماعه إن قلت لكم ان هذا ولا شي عند اللي يكتبه هالشاعر انا ظلمته جدآ جدآ جدآ


وهذي ردي للدحيمي في احدى روائعه

يجونك ناس والدنيا معاك ريال تسوى رجال ... واجيك ولا معاي الا قصيدة حب منثوره

[شيخة العوب]

نسـيتني عـلـمني شـلون ابـاانساك
************************في هالزمـن نـسـيان الأحـباب عـادي
وشـلون لامـرت على البال ذكــــراك
************************وطيـفك سرق مـني لـذيـــذ الـرقـادي
وشـلون لاقـالوالي الـناس وش جاك
************************مـن كـنت في لـذة مـنامـك تــنــادي؟
وشـلون اعـيـش اللي بقالي بليــاك
************************لامـن غـديـنا كـل واحــــــد بــــــــوادي
لـوقـلـت أداوي جـرحـي اللي تباطاك
************************مـاكـل جــــرح يــفـيــد فـيــه الضمادي
أعـلـنت حـبــــك لـيــن كـل تـــمناك
************************غـلـطه وغـيري مـن خــطاي استفادي
لـو لـي مـثل قلبك تـمنـيت فـرقـــاك
************************وأكـيــد قـبلك بـالجـفـا صـــرت بـــادي
حـلوه عــذاريبك وحـلــوه مــزايـــــاك
************************حــتى بــيــوم فــراقـــنــا كنت هـــادي
كـن الـلـيــالي ودهــاتكسب إرضـاك
************************وأنـا يـــطول مـــع الـلـــيالي جـــهـادي
فـي ذمـتي مـاهـي غـريـبه خطاياك
************************مـبـطي وقـلـبك لـــو تــنـبـهـت غــادي
سـهـله عـلى من كان مثلك وشرواك
************************مـثـل الـثـيـاب يـــغــيـرون الـمــبــــادي
عـلـمـني اكـره ذكــريــاتـك وطــريــاك
*************************ونـسى مـن الـلـيـله صدوق الودادي
ولانــي بـقـايل عـقـبـها وين أبـالـقـاك
*************************راضـي لـو ان جـروح قـلبي جــــدادي
والا الـقـصـايـد جـعلـها مـن فــــداياك
*************************لـبـسـتـها مبطي ثــيـاب الـحــــدادي
بـاكـر عـلى الـمخـطي يـدرون الافلاك

*************************ونـشـوف مـن يـصــعب عـليه البعادي

[شيخة العوب]

اخوي البرنس والله قصائد مزاجك لا يعلى عليها وذوق
يسلمو على هالقصايد الرائعه
وصح لسانك




اخــــــــــــــــــــــتـــــــــــــــــــــــــ ــكـ :

شيخة العوب :)

[عنوسه ^_~ ماتهاب]

صح لسانك اخوي لا هنت

[البرنس9500]

شكرآ على المرور

الاخت الغاليه شيخة العوب

والعزيزه الغاليه عنوسه ماتهاب

الف الف شكر اخوكم الصغير البرنس 9500