:::مجــــــــــــــــرمة حــب :::

[عنوسه ^_~ ماتهاب]

بعد فتره مـن غيابـك.. ليـه بالله اتصلتـي ؟

من ثلاث شهور شاللي رجّعك يعنـي وصـار

ما انتي عشتي كل هالفتـره ولا حتـى سألتـ ي

وش حصل هالحين قولي ..علميني باختصـار

ليه دام انك رجعتي اليوم ليه اصـلاً رحلتـي؟

يعني الدعـوه بكيفـك .. او مزاجيـة صغـار

وإلا يمكن صار لـك حاجـه بعقلـك وانهبلتـ ي

وانقلب وضع العلاقه مـن علـوّه.. لإنحـدار

والاّ ما صدقتي اني اعشقـك .. حتـى ثقلتـي

أو كلام الليل فعـلاً .. معـك يمحيـه النهـار

يوم قررتي .. بليّا سابـق انـذار .. اعتزلتـي

جاحدتني.. كن مالي دور فـي صنـع القـرار

وادري انك لا صملتي في قراراتك .. صملتي

ما تردك دمعتين .. وكسر خاطـر.. واعتـذار

إحتملت اللي لو انك في مكانـي مـا احتملتـي

وووالله لولا اني عرفتك .. ما عرفـت الإنهيـار

إنكسار وضيق صدر ومشكلـه لامـن زعلتـي

وإن رضيتي فالمصيبه .. ضيق صدر وإنكسار

ضعت مدري ويش اسوّي فيك لكنـك وصلتـي

مرحله خلتني انسى .. كبريائـي .. والوقـار !

صدقيني لو فعلتي في حياتـي .. مـا فعلتـي

ما بيدّي غير احبك .. واعشقك اكثر.. واغـار

يكذب اللي قال: عندي لا طلعتـي ولا نزلتـي

واعتبارك في عيوني مـا يجاريـه .. اعتبـار

إنتي اصلاً من وطيتي في مساحاتـي وحللتـي

صرت احس أني مساحه من بياض ومن خضار

مثل الاسطوره واظنك من خلال اسمي دخلتـي

صفحة التاريخ لكن كنتـي .. إسطـورة دمـار

مجرمة حب وقتلتيني .. لـو انـك مـا قتلتـي

يكفي اني قمت احس برغبتـي فـي الإنتحـار

كلما أذكر كلامك لي على الجـوال .. قلتـي:

كل واحد في طريقه .. لي مسار.. ولك مسار

اذكر اني كنت ساكت وقتهـا .. حتـى قفلتـي ....

واختنقت .. وما دريت الا وانا أفـك الـزرار

والقط انفاسي وانا اسأل: ليه ياروحـي فشلتـي؟

هذي اول تجربه.. معقول اسـأت الإختيـار؟؟

إفترقنا .. واعتقد من بعد فرقـاي .. انشغلتـي

وافتكرتيني .. بعد ما جـار وقتـك واستـدار

إتصلتي .. تسأليني: كيف حالـك؟.. وانتشلتـي

جثتي من قبل اموت من القهـر .. والإنتظـار

إيه أنا في خير لكن ودي اعرف .. ويش نلتي؟

من سواتك.. لا ضربتي بعشرتي عرض الجدار

إنفصلتي .. واستقريتـي لحالـك .. وانتقلتـي

طالعه وبرغبتك من دار .. واصبحتـي بـدار

بس انا في نار عشت وتهت من يومك رحلتـي

حتى في لحظة كتابة هالقصيده .. عشـت نـار

عندما غبتـي ثـلاث شهـور ماحتـى سألتـي

قلت: اجل آن الآوان.. ويفترض سدل الستـار

وقبل ما اغمض عيوني .. وبثواني .. إتصلتـي

لجل تنعاد الحكايه.. و كن مابه شـيء صـار

(مختاره)

[وصف الغزال]

رووووووووووووووووووووووووووووووووووووووووووووووووو وووووووووووعه عنوووسه...

تسلمين عالنقل ياقلبي.....

وصح لسانج ولسان شاعرهاا...


chaaaaaaaaaaaw

[عنوسه ^_~ ماتهاب]

صح بدنج يا غلاتي ربي يسلمج

[الشوووووووق]

صح اللسانج عنوووووس عمري ولاهنتي

صراحه قصيده روعه بس تكسر الخاطر والله

[خالدخالد]

عنووووووسة


شنووووو هالرووعه

شنوووووووو هالمحاظرة

بجد صارلي اكثر من شهور ماقريت شي

من الاشعار يحسسني برغبة اني اكمل القراءة حتي النهاية

غير هالقصيدة الروووعه بجد قريتها اكثر من مرة وسجلتها عندي

للامانة راح انا شخصيا اتعلم منها كل شي فيها جديد وجزلة

بس اذا ممكن اعرف منو صاحبها الرائع

عنووووووووووسة مشكوووووورة على النقلة الموفقة جدا

ويعطيج العافية

[جيكر حلو]

تسلم ايدج عالقصيده قمر


وبصراحه روعه :)

ولاهنتي

والله لا يحرمنا من مزيدج :)

[AsMaRaNe_iRaQi]

صح السانج الله الله كلام ولا اروووووع


يسلمووو خيتووو علي القصيده الحلوه




تحياتي

[همسات]

صح لساااانج ولا هنتي يالغلاااااااااا

[قلـ الأسـد ـب]

مثل الاسطوره واظنك من خلال اسمي دخلتـي

صفحة التاريخ لكن كنتـي .. إسطـورة دمـار

مجرمة حب وقتلتيني .. لـو انـك مـا قتلتـي

يكفي اني قمت احس برغبتـي فـي الإنتحـار

ــــــــــــــــــــــــــــــــــــــــــــــــــ ــــــــــ
يسلموووووووو عنوسه علي النقل الرايع يا عاليه بمنتدانا تحياتي لج يا الغاليه وبقولج بيتين من عندي


يا طير عالي بالمسافات
......... ما عينت لي طير حلياك
شفتك ترتفع والغلا وراك ما مات
.......... تري المراجل ما تعيش الا بشوفاك

[alwalah]

[glint]الله هاالله

روعه روعه عنوستي

صــ لسانج ولسان شاعرها ـــح

فعلاً قصيده جميله ومعناها حزين بس كلماتها فضيعه

تسلمين على هالنقل وتسلميين على اختيارج الذووق والعسل

تقبلي كل التحيه وسجلي اعجابي بالكلمات البراقه[/glint]

[عنوسه ^_~ ماتهاب]

صح بدنج يا شوق قلبي

[عنوسه ^_~ ماتهاب]

اخوي خالد ربي يسلمك ويخليك وتسلم ع الكلمات الحلوه

بس وربي ما اعرف شاعرها لانها شدتني صج كلمتها
حبيت انقلها لكم
تفداك يا غناتي

[عنوسه ^_~ ماتهاب]

الله يسلمك يا مشرفنا لا هنت

[MmLoOo7]

صح السانج ولاهنتي


وربي روعه ومعبره


وجزله



والله لا يحرمنااااا منج يارب :)



لمزيدج


تحيـاتي / ممــلوح

[عنوسه ^_~ ماتهاب]

الله يسلمك اخوي تايغر