ما عليك الا تختار

[BadBoy]

السلام عليكم

هذي تصلح مسجات وتواقيع وما عليك الا تختار
. حـب
ياليتنى رسـام ارسمك وأمحيك .. وأرسمك مره ثانيه واحتفظ بك .. وأرفعك فوق النجم وأرجع اوطيك .. وأرفعك مرة ثانيه وأفتخربك .. وأشعلك شمعة للمحبين وأطفيك وأشعلك مرة ثانية وأحترق بــــك
***
قالت بدو... قلت البدو يابنت... هم صالي النار قالت برضو بدو ... قلت البدو يابنت ... هم روس الاخيار قالت أجل بدو ...قلت البدو ... تاج الفخر سر وجهار قالت أجل بدو ... قلت البدو ... تاج الفخر سر وجهار قالت خل البدو ...قلت البدو ...هم منبع الطيب والكار قالت بدو بدو ... قلت البدو يابنت سترك من العار قالت نعم البدو ... قلت البدو حلويين لصغار وكبار قالت عز البدو ... قلت البدو سمحين للضيف والجار قالت عفوا بدو ... قلت السماحة طبعنا وقت الاعذار
***
اهرج معي يامحلا الهرج في فمك....ياللي هروجك خاطري يشتهيها
***
صرتى وصرنا .. ملوك وعبيد .. دنيا كل لحظه .. قانون بديل .. حياتنا مرسومة بدساتير .. واقع حروفة طلاسيم .. جنة .. وأسير .. نار .. وجليد .. جرح لتاريخ الزمن يعيد .. يملى أوراقى صديد ..عالم غريب .. بسرعته عجيب . . الشجاعة صا ر لها قيود وحديد ؟؟ .. عبــيد .. أفراحنا ممزوجة بنحيب .. أهوال لها رأس يشيب .. نرفـض واقع عنيد .. نطمح بمستقبل قديم .. نروية بدم جديد .. ولكل حاقد نكيد .. مستقبل لازم يكون طـفل وليد
***
القضية إنى بدون .. بدون أحساس وشعور .. بدون .. ماضى ومستقبل .. وحاضرى مجنون .. وين اتدارى عن العيون ؟ .. صرت أحلم .. ياليتنى مدفون .. همت ابحث عن نفسى بين العصور .. أنصدمت .. بواقع صعب .. ومغرور ...دنية كئيبة .. دمعه حزينه ..حياة عنيدة .. صرخة يتيمة .. وقتة يهينة .. قوة عظيمة ..تهدم كل اللى إنبنى من معتقدات بالية ...وقديمة
***
أكلمها عن الفرقا عن الشكوى عن الحرمان عن احساس المحب وغربة الهجران وغموضه تكلمني عن المكياج وتذكر لي شكل فستان واحدث ما نزل في عالم التسريح والموضه افهمها عن السلوى عن النجوى عن الهجران عن اسرار الهوى واخطار ذاك الشوق وعروضه تكلمني عن التظليل والاصباغ والالوان عن عطورات فرنسية جديدة جات معروضة أكلمها عن الأحداث والامراض والادمان عن حروب ومجاعات ودسايس حقد مغروضة تكلمني عن الشانيل تذكر لي لحن فنان وتشرح لي عن الديسكو واغاني الروك وافروضه
***
تغيرتي وكل شيء تغير أظنك عن لظى شوقي كبرتى أنا ماني على كيفك مسير أنا الربحـان وانتي اللي خسرتي عرفت الناس باطباعي مخير زرعت الحب وانتي وش بذرتي نسيتي يوم بالحب نتحير ؟ نسيتي ؟ داري بك ما ذكرتي دريتي شالذي فينا تغير ؟ أنا آمنت بك وانتي كفرتي
***
الصداقه.. ماهي باقه ترسل من اقصى البلاد.. او بطاقه ترسل في عيد ميلاد.. الصداقه شي اكثر شي اكبر هي علاقه صعب تتفسر.. مثل حب الام او حب البلاد
***
قالت كويتي قالتها بكل احتقار...سمعنا عنكم انكم انتم ترف...قلت لها كويتي نعم بكل افتخار...ولي ولج ومن نكلمه له الشرف...حنا عشنا فوق ارضنا احرار...وانتم بوطنكم يرمى عليكم العلف...حنا بوقت الشدايدمن عيونا يقبس شرار ...وبوقت الرخا الضعيف بيننا مايحس بكلف...نزلت راسها تدور كلمة اعتذار...قلت لا الوطن اغلى من كلمة اسف
***
موتي ارحم ولا اعيش حياه مغبون ***** مكرمه للنفوس اللي تعاف المهونه جيت ادورك في نفسي لقيت الظنون *** اشغلتني اعرف اللي هدفكم تبونه جيت ادورك في صحوي لقيت العيون **** حلمها فيك غايه وصل صدق ترونه جيت ادورك في عقلي لقيتك جنون *** آه ياكيف في المجنون حبك يخونه جيت ادورك في عمر من اجلك يهون *** جف وقتك وجاك العمر تمطر مزونه جيت ادورك في ليلي لقيتك سكون **** يهجع القلب في قربك وتبري طعونه جيت ادورك في همي لقيتك حنون ****مدله لي عساك تعيش لعمر كله
***
افتقدنا الصدق في هذا الزمان ... مابقى للحب معنى للأسف... الوفي عقب الوفى جافا وخان... والردي اخطا وكابر ماعترف... مايببيلي يوم ابحكي ترجمان... اكتشفت اني متوهم بالصدف... الكذب والغش والتقصير بان..بين زيف العاطفه وحب الترف.. كان ياما كان ياما كان كان..الغرام اللي عرفناه اختلف..من يبيله حب لازمله ظمان ... يفرق المعدن عن اشكال الخزف..آه يا قلبٍ من الأحزان هان... والعذاب اللي يشوفه ما نوصف...ليتنا نرجع لهاك الزمان ..نعشق من القلب ونحب ونعف
***
يادار خلى لية خلى مجافيك****اسالك انا باللة رد علية***يا دار لية اعلن رحيلة معاديك***واقفى وخلانى قبالى خلية ******يادار يادار الفلس فات ماضيك ***مات انتهى ماعاد لك قابلية ***عفتك بعد ما غادروا منك اهاليك ***اهل الشرف والجود واهل الحمية
***
بشكيك لله يا سبب موت دنياي ... يامحطم جسور الأمل في فؤادي... ياللي حرقت اوراق عمري وذكراي... وخليتيني مابين هم وعنادي... ياللي سفهت وجيت وعشت وياي... قصدك تسلي نفسك بحبٍ رمادي.. ومن زود لهفاتي وصادق نواياي... اعطيك من عمري وشوقي وودادي... وخليتلك كل مملك وبرظاي... تجرح على كيفك ونا قول عادي... ومتفنن بصدمات قلبي ولاماي... ومتربعٍ بالقلب رايح وغادي... ومن دون مدري يا سبب كل بلواي... اثريك تلعبي وناوي ابعادي... واليوم مالي غير صبري وشكواي... واني اقول بداخلي وب نادر انا من الناس مثلي وشرواي... ومن البشر مثلك ترى الحين عادي
***
انثر سجودي لعطش وافصل الضيقاء ثياب ....من وسعاهن ضاق الفضاء والمعطف قلب بليد ........وركع على ذنب خذه الزمان خرج وزهاب ....وبصط كفوفي مسئله تطرح بها وجيه للعبيد .....يامن جرحة ابي اشفق المزوده توي شباب ....اتركلي الخبزاء قذاء او شبرين من خصل الجليد
***
مايهمنى حياتى بكل مافيها ..لكن يهمنى حياتى كلمه قلتيها ..مهما يقولون اموت وافديها ..كلمة احبك حبيبى بكل مافيها..للآسف بجهلك انتى جرحتيها ..سمعت منك لغيرى خافى معانيها ..دورى غيرى يشترى اغانيها ..نصيحتى لك لو كان قصدك تبيعها.. ولو كان ودك تشترينى بدمعك قوليها.. راجيك روحك حرام مطلوبها تحرميها.. بانتظر ردك على شفتى بشفتك تكتبيها ..وبانتظر منك تراضينى او ارجوك تناسيها
***
الله عليها عودة وانا احسب الغالي نساء الله عليها لا بقت مايطفي الشمس المساء هلت سحابة وصلها على حياتي وزهرت وهتز قلبي بنبات والحب زهر وقتساء يا وصلها الغالي هلا حيت يا عز الطلب دخيل برقه وهو ماذاق طعمه وحتساء يا حلم الايام الشقاء يا حلم الايام الليل ابطيت اقول الله كريم ابطيت والكلمه عساء
***
حتي ولو ماعندي احد يساويك *** لاشك تسوي كل حب الكرامه ان زرتني مشتاق لي ياهلا فيك *** وان غبت مرخص شوفتي بالسلامه مادمت تحمل لي موده فانا اغليك *** ويعطيك قلبي كل صادق غرامه وان صد قلبك واصبح البعد طاريك ** قللي ولايلحقك مني ملامه لاطالبك ترجع ولاقايل ابكيك *** علي المقفي كيف احس بندامه
***
حبنا قبل امس شيعت جثمانه *** بدمعتن حمرا علي الخد من عيني مات من تأثير حزنه وحرمانه *** واقتله شخص حياته بوجهيني شخص من اقراب خلي وخلانه *** ما يخاف الله يحطم حياتيني انقتل حبي وسرى بكتمانه *** ربنا يرعاه كم كان يغليني كم تقلبت التعازي علي شانه *** من سمع في موتته جا يعزيني عقب حبي القلب قفلت بيبانه *** عن حياتي لي حياتي تسليني
***
واقول ما أنسى دام انا فيه هايم ان غاب عن عيني تكفّيني ذكـراه وحلو قليل أحلى مـن المر دايم ان غاب عني يوم يومـين بلقـاه ويصفى لنا الجو بعد ما كن غايم حـب جمـعنا وفي وفـانا بـنيناه حب جمـعنا سـنين للحين قايم ا تعذلـون الـقلب ما جـاه كفّـاه
***
دع الأيام تفعل ما تشـــاء *** وطب نفسا إذا حكم القضاء ولا تجـــزع لحادثة الليالي *** فمـــا لحوادث الدنيا بقاء وكن رجلا على الأهوال جلدا *** وشيمتك السماحة والوفــاء وإن كثرت عيوبك في البرايا *** وسرك أن يكون لهـا غطاء تستر بالسخــاء فكل عيب *** يغطيه كمــا قيل السخـاء ولا تر للأعـــادي قط ذلا *** فإن شماتة الأعــداء بـلاء
***
اسمحيلي يالغرام العف ياالوجه السموح ان لزمت الصمت أو حتى لبست الاقنعه اعترفلك ما بقي من عالي الهمه سفوح انحدر كلي كما طفل تحدر مدمعه من يبي بالله يفتحلي غلق صدره وابوح ضاقت الدنيا بشاعر طيب قلبه ضيعه ما قبلنا الحظ.. قولي وين ابرحل وين أروح الصبر ياهو يعذب والأماني موجعه آه يا جود الحزن وياي والفرحه شحوح ضايع بهمومي الغبرا بوسط المعمعه اشتكي لوسادتي دنياي واسمعها تنوح كنها بعضي . وبعضي وين هو منهو معه ايه انا والعالم المغرور والياس اللحوح خايض حرب الرياح اللي تسوق الأشرعه مختلط في عبرتي حبر الشقا ودم الجروح ومستوي في نظرتي غرب الوجود ومطلعه عودي المبري ما بقابه من عطايا الوقت روح وفصل خامس حاير بين الف
***
غلاك من قدك غلاك تكبر وهو يكبر معاك وياك بالصح والغلط شف وين وداني غلاك من كثر ما حبك وبيك وانت معاي اوله عليك واعذرك لو مالك عذر من كثر ما حبك وابيك ابيــــــــــــــــــــك
***
راجع بشوقي ولفهتي راجع راجع لربعي وديرتي راجع وباكر اكيد بنلتقي باكر اكيد وارسم معاك خطوتي باكر اكيد
***
تاكد ياوعد ولا ترى لا جيت ابتغلا وبتاخر ولو لحظه واجيك اسابق اللحظه ولا غمض ولا غمضه تفوت من سناك ومضه وانتظرت ازمان في ظل الوعد
***
مايغلا عليك الهرج اللي يزيل همك ///هرج بدا والسالفه مبتديها
***
بلحظة غضب قلت ابتعد بس مابيك والا الحقيقه وش حياتي بدونك نعم احبك واعترف لك واهدّيك حيث الغضب بالدمع يبلي عيونك لا لا يهمك كل عمري بياديك منهو الذي يسوى عشانه أخونك ليابعدت ورحت قلبي يناديك يبغي حنانك عايشن لك يصونك والله أحبك وانشغل فيك وأغليك وانت الغلا واللي ذبحني ضنونك مشتاق ابي فرحك ابسمر لياليك مشتاق ابي صوتك وحشني جنونك ادري غلط وقلت انا بس مابيك ادري غلط وقلت انا بس مابيك لكن ابفهم وش حياتي بدونك اللي اعتقادات الخلايق فرقها العيب عند الناس مكروه راعيه وانا الوحيد اللي عيوبه عشقها
***
اشتقت لك يا اصدق انسان باحساس تعال وقــّف بين همّــي وبيني في غيـبتك تسأل عن غيابي الناس لاجــي لأحد بعدك ولا حد يجيني واللي بقى من عاشقك عظم وانفاس وهمــوم تهدم ماتقاست سنيني بنيت باحـزاني سكـن انـت الاساس وصنــت حبك والوفا عيب فيني ان كـان ذا بعض التغلّي فـلا باس وان كان به غير قتلني حنيني
***
اسود شعرها يشابه لون شيلتها………..تضحك تشيله عن الارداف بيديها……….مغروره لاشتبك باطراف غرتها…………صاحت عليها البشر من شان ترخيها………………مع هزت الصدر كل الناس نادتها ………..ياهو كل البشر بالورد ترميها…………….ثم ابتدت في دلعها وابتسامتها…………….مع نظره تذبح اللي يلتفت فيها…………..غصب على الطار ياقف عند وقفتها……………..كنه على كيفها بالصوت يرضيها…………….والناس قامت لها من شان هيبتها
***
احبك ما بقى للحب باقي ... ودام الدمع مابين المآقي .... احبك ما بقى في الروح نشوه .. وفزة قلب في يوم التلاقي .... احبك ما بقى في الكون عاشق ... شكى ثم بكى حر الفراقي .... ولو طال النوى وشطت ديارك .. وصرت افغيبتك كل وشاقي .... احبك في حضورك وفي غيابك ... عزيز النفس ما اخون اتفاقي .... ولا قلبي يتوقف لانسان غيرك .... ولا فكر يحب مهما يلاقي .. وعلشانك حبيبه ... احبك ما بقى للحب باقي..
***
إحترقت الشوق والشوق احترقني *** من غدا كلن عن الثاني غريب @@@ للشقى حظي مشى فيني وسبقني *** أه يا ظلم الهوى وظلم النصيب @@@ السهر من عشقتك قصبن عشقني *** يا عنيدن يا بعيدن يا قريب @@@ سال من عيني قصيدي ولا نطقتي *** والسواد اللي توحشني كئيب @@@ صرت له كلي وعي ما عتقني *** وإن تفزعت بنهارك ما يصيب @@@ انت وينك يا السروق اللي سرقني *** ردلي روحي وخلني منك اطيب @@@ الزمان اللي على دروبك رشقني *** كني الديمه على القاع الجديد @@@ يوم جيب اتذكره لا ما صدقني *** قال لي انت البشر تخطي وتصيب
***
الله من ليلٍ لعبت بشعرها .... فى لحظتٍ فيها المخاليق نيام ...لهمت مبسمها وغصت بنحرها ..... واصبحت مثل الى على الخمر سهران... والله مزيونة وحلوٍ نضرها ... لا شافها الكافر دخل دين الاسلام ....طلعت منها خايف من خبرها .. واصبحت افكر بالجريمة والاعدام .... لا برب الكون بامره سترها ... والله سترنى من ملفات الاجرام ..... حلفت حلف انى لا شقق صورها ....... وامحى جميع الى كتبتة بالااقلام
***
طارت عيوني يوم رحت الفنار بالسالمية*البنت الكويتية إنقلبت أجنبية*الكويتية كانت زمان خوش إبنيه*حلوه بالعباية والبوشية*الحجاب فرنسي والقذلة بره موشويه*والبس لي الركبه والموديلات الغربية*إطلعة البنت مع ربعها شويه*وراحو يفترون وخورونها بأسواق السالمية*سألها الأبو وين كنتي يابنيا*ردت قالت إنتناقش بالأمور الثقافية*وهاذي موضه الكويتية طالعة فيها*يشوف الكتب عباله كتب مدرسيه*ومايدري اللي داخلها أرقام خمه وسرسريه*يشوف الأشرطه عباله أشرطه دينية*ومايدري إنها مدونا
***
يابنت يوم امطر غلاك بقلب وسقى ....تدرين وش سبة شقاه وسبة الجرح العميق....يابنت مادام البدو تخلف هقاوى من هقى...وانا بدوى منى يشيل من الزمن مالا يطيق... ابفتخر حنا بدو نعشق على وضح النقا ....حنى بدو فينا الولد للقمه العليا عشيق .....حنا بدو فينا الولد لو شاف موته ماتقى ....حنا بدو فينا الولد يرقى ولو ماله رفيق....يابنت جيتك والثمن عمرى ابى لحظة لقى ...اما كذا ولا بلاش من الصداقه والصديق ...وساعة تبسمتى وشفت الثلج والجمر اصدقا .
***
يا جعل عين حبتك تفقد الشوف … كرهي لموتي مثل كرهي خيالك … اللي زرعني في طريق العنا ظروف … زود على غربة سنيني وصالك … ياللي غرامك عايفه خافقي عوف … بعيد زولي عن مرامي منالك … يكفي مذله ما طلب سمعي حلوف … ليتك تحاول تجمع اللي بقالك … اليوم دونك كل عمري بلا خوف … غيرك صفالي وانت منهو صفالك … صحيح يومي كنت احبك بلا شوف … اليوم صبحي في عيونك مسأ لك
***
حاسبي نفسك قبل لا تحاسبيني *** لا يودينا عنادك للنهايه @@@ وقسمي الكلمات ما بينك وبيني *** وناقشيني في خطاك وفي خطايه @@@ من سهر بالليل عينك ولا عيني *** من تسبب بالعذاب امن البدايه @@@ جاوبي عن سؤالي ثم أسئليني *** حسي بوناتي عيشي في شقايه @@@ عن غرامك عن مرامك كلميني *** وش يخفيلي قلبج من نوايه @@@ حبك اللي في عذابه مبتليني *** خبريني وين بره ووين مايه @@@ وأعرفي أنك سبب ما صار فيني *** أنتى جرحي أنتى طبي مع دوايه
فكـاهى
***
أباشرب من الدله ولو كلها سم ماهز فنجالك ولاقول كافي مادام من يمناك وتقول لي سم باسم الله اشرب كل سمك عوافي
***
لي صاحبٍ منّه تبي تطلع الروح خبلٍ ومن هي مولعه فيه خبله عامين المّح له مع الجد ومزوح وأقول ياعنتر تناديك عبله طال المدى ثم قلت انا اغليك يالوح مجروحةٍ جرحٍ مخاطره عجله دنّق وقال أنا من العام مجروح وأشر لجرحٍ مبطيٍ وسط رجله
***
فكرت مرة أسرق البنك واعتاش وصممت من قلبي أنفذ قراري وجهزت نفسي في مسدس ورشاش ثم استعديت لجميع الطواري لكن قبل لا اسرق البنك واعتاش احترت بين المركزي والتجاري
***
ما ابيه طويل فوق المعدل يفشلني .. ولا قصير يحسبونه ولدي .. ما ابيه متين من اول يوم يفعصني .. ولا ضعيف من ذره هوا يضيع مني .. ما ابيه شين في الليل يخوفني .. ولا حلو بيومين يطير منــــــــــي .. ولا ابيه غني باهله يعيرني .. ولا فقير يجي كل يوم يطر مني

[عنوسه ^_~ ماتهاب]

قالت بدو... قلت البدو يابنت... هم صالي النار قالت برضو بدو ... قلت البدو يابنت ... هم روس الاخيار قالت أجل بدو ...قلت البدو ... تاج الفخر سر وجهار قالت أجل بدو ... قلت البدو ... تاج الفخر سر وجهار قالت خل البدو ...قلت البدو ...هم منبع الطيب والكار قالت بدو بدو ... قلت البدو يابنت سترك من العار قالت نعم البدو ... قلت البدو حلويين لصغار وكبار قالت عز البدو ... قلت البدو سمحين للضيف والجار قالت عفوا بدو ... قلت السماحة طبعنا وقت الاعذار



تسلم اخوي فيصل لا هنت

[ننوسة الكويت]

ياليتنى رسـام ارسمك وأمحيك .. وأرسمك مره ثانيه واحتفظ بك .. وأرفعك فوق النجم وأرجع اوطيك .. وأرفعك مرة ثانيه وأفتخربك .. وأشعلك شمعة للمحبين وأطفيك وأشعلك مرة ثانية وأحترق بــــك

هذا النك حلو يسلمووو باخذه اذا ما عليك امر

[BadBoy]

تسلمووون حبااايبي على المروور


ننووسه تستااااهلين اللي تبينه

ما حطيتهم الا عشااانكم :)

[alwalah]

تسلم عيوني باد ع لمجهود الطيب منك

يعطيك العافيه الشيخ كلمات روعه عجبني


مايهمنى حياتى بكل مافيها ..لكن يهمنى حياتى كلمه قلتيها ..مهما يقولون اموت وافديها ..كلمة احبك حبيبى بكل مافيها..للآسف بجهلك انتى جرحتيها ..سمعت منك لغيرى خافى معانيها ..دورى غيرى يشترى اغانيها ..نصيحتى لك لو كان قصدك تبيعها.. ولو كان ودك تشترينى بدمعك قوليها.. راجيك روحك حرام مطلوبها تحرميها.. بانتظر ردك على شفتى بشفتك تكتبيها ..وبانتظر منك تراضينى او ارجوك تناسيها


روعه روعه تسلم يالغلا

[BadBoy]

تسلمين يا الغلا على المرووووور


تحياااااااتي لج

[الشوووووووق]

قالت بدو... قلت البدو يابنت... هم صالي النار قالت برضو بدو ... قلت البدو يابنت ... هم روس الاخيار قالت أجل بدو ...قلت البدو ... تاج الفخر سر وجهار قالت أجل بدو ... قلت البدو ... تاج الفخر سر وجهار قالت خل البدو ...قلت البدو ...هم منبع الطيب والكار قالت بدو بدو ... قلت البدو يابنت سترك من العار قالت نعم البدو ... قلت البدو حلويين لصغار وكبار قالت عز البدو ... قلت البدو سمحين للضيف والجار قالت عفوا بدو ... قلت السماحة طبعنا وقت الاعذار

يسلموووووو يالامير على الكلمات الحلووه

[BadBoy]

ايسلمج ربي يا الغلالالالا

يعطيييج العافيه على المروووور

[صعب مثلي تعشقين]

السلام عليكم ورحمة الله وبركاته ..

في البدايه أشكرك أخوي BadBoy
على الموضوع الأكثر من رائـع وصراحه متعوب عليه وجميع الابياااات المكتوبه أعجبتني
وصراحه أول مره ألاقي موضوع يشدك بهذي الطريقه وأنا أقصد من ناحيت أختيار الكم الهائل من الابيات الرجوليه أو الفكاهيه أو الغنائـيـه .........والخ
وثاني شي أنا صراحه وقفت عند أبيات أعجبتني جداً ( قاعد يضـحـك )
وهي:

لي صاحبٍ منّه تبي تطلع الروح خبلٍ ومن هي مولعه فيه خبله عامين المّح له مع الجد ومزوح وأقول ياعنتر تناديك عبله طال المدى ثم قلت انا اغليك يالوح مجروحةٍ جرحٍ مخاطره عجله دنّق وقال أنا من العام مجروح وأشر لجرحٍ مبطيٍ وسط رجله

وفي الاخير أشكرك مره ثاني اخوي BadBoy على الموضوع والله يعطيك الف الف عافيه.


اخوك : صعب مثلي تعشقيـن.

[BadBoy]

اخوي الغالي : صعب مثلي تعشقين

مرورك يا الغلالا هو اللي محلي الابيااات

يعطيك العافيه يا الغلالالالا

أخوك : فيصل