أنا على المقناص قلبي يرفي

[عيسىالمطيرى]

السلام عليكم و رحمه الله وبركااته


هذى قصيده اعجبتنىى وان شاء الله تعجبكم


انا على المقناص قلبي يرفي
بكره ونرجع يم آهلنا منا كيف
بديار لفروق الحبارى اتلفي
جنوب من حزم الجلاميد وطريف
الطير هو غاية غرامي وشفي
اقدره تقدير الاجواد للضيف
من كبر قدره شايله فوق كفي
وراعاه تسع اشهور بالقيظ والصيف
ودهنه لاشفت ريشه مصفي
على الدعاء وخفف النسر تخفيف
نقله يشرفني وشوفه يكفي
عن شوف ناس ما تعرف المعاريف
لاشفت لي نو ابروقه ترفي
نويت اجهز موتري للتكاليف
القيظ كله جالس ومتعفي
برد المكيف نشف الدم تنشيف
متى سموم القيظ عنا تقفي
وسهيل قبل يعمد الفجر قد شيف
والنار يصلح شبها للتدفي
البرد نوجس من نسيمه هفاهيف
قمنا لعزبتنا نشيل ونظفي
ونكمل الناقص ونملا المظاريف
اللي نشيل من اللوازم امكفي
امكتفين العفش بالحبل تكتيف
يمكن ليا جينا البقاله انوفي
حاجات نشريها كمالة مصاريف
والصبح من حزم ابرقيه امقفي
صوب المعظم والهضاب المواقيف
بديار جعل اشجارها ما تجفي
تعلها غر المزون المراديف
في رفقة اللي نارهم ما تطفي
على الشرف والجود ربع مواليف
مجلاس طلقين الشوارب امصفي
على الدلال اللي بهن ساخن الكيف
خويهم ما وجس كلام يحفي
غير المزوح الطيبه والسواليف
عقال وزن عقولهم ما يخفي
ولاهم على الفاظي خفاف وملاقيف

وسلامتكممم

للشاعر بدر الحربي

[فهوؤد العـنزى]

بديار جعل اشجارها ما تجفي
تعلها غر المزون المراديف
في رفقة اللي نارهم ما تطفي
على الشرف والجود ربع مواليف
مجلاس طلقين الشوارب امصفي
على الدلال اللي بهن ساخن الكيف
خويهم ما وجس كلام يحفي
غير المزوح الطيبه والسواليف
عقال وزن عقولهم ما يخفي
ولاهم على الفاظي خفاف وملاقيف

لاهنت يأعيسى على القصيدااا

تقبل تحيأتى اخوؤوؤوك فهـد العنزـزى

[عنوسه ^_~ ماتهاب]

صح لسانك اخوي لا هنت

[أسهر أعد النجوم]

صح لسانك ولا هنت يا سنايدي تحياتي لكـ
أخوك : برهوم الشمري

[عيسىالمطيرى]

صح آبدانكم

وحياكم الله واشكركم ع المرور حبايبي


وفديت يابرهوم :$

[» STyLeyO «]

يسلمو

على

الموضوع

[الشوووووووق]

صــــ اللسانك ولاهنت ــــــح