جيت اتصفــــــــــــــــــــــح دفتر العمر ؟

[عيسىالمطيرى]

آن شاء الله تعجبكم هالقصيده الرائعه


جيت آتصفّح دفتر العمر واقراه واستذكر اللي في زماني جرالي

صفحه ورا صفحه تلازمني الآهآهٍ بكت حظي ومتعوس حالي

في الفصل الأول بين قوسين تلقاه حرمان طفلٍ خالفته الليالي

ما بين طياته رضيعٍ تولاّه جور الزمن وفراق غالي لغالي

يصرخ بوسط الليل والكل خلاّه لا صدر يعطف لا ولا حضن والي

يكبر وتكبر قسوة الوقت ويّاه واكبر حلومه " يمتلك له عقالي "

******

وفي فصله الثاني على السطر تقراه مراهقٍ ما يقبل بأي حالي

ما بين طيّاته لذيذ المعاناه وعناد ما قد صار باول وتالي

جامح بدرسه والجميع إيتحداه مير البلا محدٍ لجهده يبالي

عدّت سنينه والأمل فيه يحداه" يسلك طريق اللي وصل للعلالي "

*****
وفي فصله الثالث على الطرس مرساه متمردٍ يهوى علوم الرجالي

ما بين طيّاته صميلٍ تحدّاه قسا زمانٍ ما عطا له مجالي

يسهر بوسط الليل يحلم بهقواه يبني قصورٍ ساسها من خيالي

واليا لفاه الصبح شدد مطاياه على أمل يوصل حدود المعالي

سافر وله حلمٍ على الدوم خاواه "يلقى غزالٍ زايدٍ بالدلالي "

*******

والحين أبطوي دفتر العمر واسلاه وابحكي اللي من زماني بدالي

وأرّخك .. يا فصل رابع تحرّاه باقي الفصول اللي طواها مقالي

وبهالقلم ببدا وكلٍ بمبداه شاعر وعاشق للبيوت الجزالي

تطرب له الونات لا من تغشّاه ليل المشاعر والهوى والغوالي

غريق حبٍ واللقاء دوم يجفاه ما قد تهنى مرةٍ بالوصالي

يمسي ولا مرّه تهنى بممساه يلعبّه الهوجاس والليل طالي

يعطي ولا تدري يساره بيمناه ما قد عرف سلم الزلل والهزالي

امشبّبٍ ينصى المراجل وتنصاه متربعٍ في نايفات الجبالي

لكنِّ حظه ما أبد يوم لبّاه والجور يندهله ترا الفال فالي

عايش بدنياً ما بها غير الأفواه وان جا بيشكي قال واعزتالي

********

واليوم أنا جسمٍ همومه تولاّه لكنِّ صبري لا عدمته بقالي

والله00 والله يا عرب ثم والله لاشرب قراح الوقت واقول حالي

والله لبيّض وجهي اللي تحلاّه راسٍ أبد ما ينحني للثقالي

واركّعه جور الزمن ثمٍ آطاه واسيّره حظي على ما صفالي





الشآعر : محمد حــزام


اخوكم : عيسى المطيرى

[عنوسه ^_~ ماتهاب]

في الفصل الأول بين قوسين تلقاه حرمان طفلٍ خالفته الليالي

ما بين طياته رضيعٍ تولاّه جور الزمن وفراق غالي لغالي

يصرخ بوسط الليل والكل خلاّه لا صدر يعطف لا ولا حضن والي

يكبر وتكبر قسوة الوقت ويّاه واكبر حلومه " يمتلك له عقالي "


صح لسانك ولسان شاعرها

وربي احس انها من من اجمل ما قرات


:)

[miss lonely]

في الفصل الأول بين قوسين تلقاه حرمان طفلٍ خالفته الليالي

ما بين طياته رضيعٍ تولاّه جور الزمن وفراق غالي لغالي

يصرخ بوسط الليل والكل خلاّه لا صدر يعطف لا ولا حضن والي

يكبر وتكبر قسوة الوقت ويّاه واكبر حلومه " يمتلك له عقالي "

ااااااااااااااااااااااالله عليك ياقلبي ياروحي ياعمري يامدري شنو بعد

صـــ لـــســأنك ولاهنت ـــــــــح

وتسلم يمناااااااك وعسااااااااك ع القوه


واننتظر منك المزيد

[عيسىالمطيرى]

صح ابدانكم وحيااكم الله


واكيد انها اجمل ماقرأتي لانها من شاعر مبدع


اخوكم : عيسى المطيرى

[أسهر أعد النجوم]

ياروحي ع الكلمات الروعه الي نفسكـ يا عويس وصح لسانك ولا هنت
أخوك : برهوم الشمري