((لا تعذبني معاك الله يرحم والدينك))

[Emre]

دامني ما اخترت في درب الهوى شخص بدالك
لا تعذبني معاك الله يرحم والدينك

ولا تذل القلب في دنيا المحبين بجمالك
و اعتبرني من خلقك الله مكتوب بجـبـيـنك

ولا تخليني مجرد شخص يمر بخيالك
خلها عشرة غرام قوم حط ايدي بدينك

ولا تخلي الهجر تفكير الزمان وراس مالك
والله ان تندم على ما فات من ماضي سنينك

تدري انك في عيوني ند خلق الله لحالك
وشلك بدرب الفراق وقول وش بيني وبينك

ان غلطت بحقك ابشر والله ان نشبع دلالك
وان غلطت بحقي مسامحك والله لا يهينك

ولا تقول الا الحقيقه واعتبرني وسط بالك
وان غلطت بحرف واحد قلت لك عيني بعينك

وبعدها لازم تعرف ان الحشا كله صفالك
والمعاليق بجميع اللي فعلت مسامحينك

خلنا نبدا الحياه وجعل فالي مثل فالك
دامني منك وفيك وديني يطابق لدينك

الحشا والروح تدري كلبو عمري حلالك
سو ما يحلو بعمري بس لا تقطع حنينك

دام قلبي يوم جيت براحة الكفين شالك
وشعليك انت الوحيد اللي كفوفي شايلينك

بس بشرني عسى ناوي يواصلني وصالك
يا بشاير خير جعل الله على حلمك يعينك

قال لي تبغا الحقيقه فيه شي ماطرالك
خلني في حالتي والله يرحم والدينك

[AL7LOO]

صح السانك ولا هنت ويعطيك العافيه

[أسهر أعد النجوم]

صح لسانك ولا هنت يا قلبي

[مسير]

صح لسانك يبا

فيكم شعر واايد والله انتم :>

[وصف الغزال]

صح لسانك ولاهنت





chaaaaaaaaaaaw

[مزاجيـــه]

صح لسانك ولا هنت

[فيــونه]

صــــــــــــــــح لسسسسسسسسسسسسسسسانك ولا هنـــــــــــــــــــــــــــــت

[Emre]

صح بدنكم ولاانتم تشكرون على الطله الجميله حبايبي