لو غزى صدام بغزي معه

[جمعان بوند]

لو غزى صدام مره ثانيــــه بأغزي معــــــــاه


--------------------------------------------------------------------------------

للـــشـاعر محمد بن ذيبـــــ


يا سليم ثنيــن قهوة تركي وواحد بكيت ### موشتــه لا سبيل ابن العراقي لا ملاه

استريت إن جيتك وإن رحت استريت ### قالها واحد من العالم وانا واقف حذاه

والتفت وقلت يا قلب التعاســه وش بغيت ### لو غرامك شربة الدخان ياحي الشلاه

البلا آلما يزعج الخفاق ونينك فالمبيت ### لين يرفع لي اذان الفجر وتقام الصلاه

اصلب من الكنكري إن خلطناه بالسميت ### صدمة الشيخان لا ذلوا .. لهم عيال الرعاه

والدفاع الصلب يكسره الهجوم المستميت ### والشجاع اللي يقارن مستواي بمستواه

يأهل الدوحه نصيحة كان رحتوا للكويت ### جنبوا عن سوق شرق حسبا الله وعلاه

فيه بنت الهاص طاغية على بنت السبيت ### وإن لقاها شيبة الديمن تعثر في عصاه

من هنوف حبها قفى علي وما دريت ### حطني في وجهة المدفع ولقاني قفــــاه

اتصل بارك الله فيك لا منك قضيت ### والجهاز اللي تنادي لي معه عطني نداه

ذا كلامك يوم اسمعك القاصيد بيت بيت ### في الصميم وكل بيت ازين من اللي وراه

الله اكبر يوم وكدت لي الوعد وضويت جيت ### من تولن وبديتتك على وادي المياه

انصدمت بعنف في مالا توقعت وغديت ### دمع كاهل ماعرف طعم السعاده في صباه

كل ما قلت اللقا قلتي اصول الاتكيت ### ما يجوز موعد العشاق اسبق له لقــــــاه

لو حجزتي لي جناح ملكي والا سويت ### اللقا لا بارك الله فيك لو فرض خلاه

موقع في الارض ما لج فيه ذكرى لو فنيت### الظما والوجوع لعيونك ولا زاده وماه

كن في قلبي مثل شجاره اجنوط الونيت ### لا شحطها اللي ظروف الوقت باحثت خفاه

اطعنيني لاجل اقول آه بوصالك لا حييت ### وإن رحلتي ما طعنتيني بعد ما اقول آه

سرع ما رحتي وانا توي من الاعماق جيت ### قلت اعشقك من جديد وما يأست من الحياه

والحقيقة ما بغيت ابكي ولكني بكيت ### سالتـــــــــ ادموعي على ذيه وذااااااااااااااااه

ادري إن ما عاد منها شي لكني استحيت ### تحسبين اني بدون احساس وان قلبي صفاه

ان رحلتي والغلا له في ركون القلب بيت ### يحفظك من سخر الهدهد لبلقيسة سبـــــــاه

لو ملكتي غطرسة هتلر وحنكه لزا بيت ### ما تناسيتي ليالي الوصل والحب وجفاه

اندهي واقولك لبيه يا روحي فديتـــ ### ضحكة كنها مساء الخير من حلو الشفاه

انتي انتي سبة الغــزو العراقي للكويت ### ولــو غزى صدام مرة ثانيـــة بغزي معاه


ســـلامــــتـــكــــم

[Z@G®†éY]

صح اللسانك ولاهنت.......

[جمعان بوند]

حياااااك ولو

[paradies_q8]

كلك ذوق يا ضي المنتدي
لاهنت وتسلم اناملك يا عطر الندي





مهاجر للمناره
paradies_q8
عـــــــــــــــــــــــــــــــــــــــز

[GZAL]

صح السانك يالغالي

ومشكوووور

[BiShOw]

صح لسانك



... الشعر هذا دوخني معناه محزن و كلماته تضحك شوي :\

[جمعان بوند]

صح بدنكم حــيـــاكـــم

[مزاجيـــه]

مادري اهو يسب ولا يمدح

كلامه مو مفهوم


لكن يعطيك العافيه اخوي

:)

[جمعان بوند]

الله يعافيج.............

[طفوليه حدي]

صح الساااااااااااااااااااااانك حتاتي

[أمــوووت بالحريبي]

صح لسانك اخوي جمعان

خووش كلمات حلووة

:)

[جمعان بوند]

العفو الأروع مروركم الحلوووو


:)