الصراحه

[راكان العجمي]

السلام عليكم...
صبحكم الله بالخير كلن بسمه...
هذي اول مشاركه لي وارجو ...
ان تعجبكم...
_______
قـول الصراحـه دام تبغى الصراحه &&& ريـّح ضميـرك لأ جـل تنسى وترتـاح

صدق المشاعر تجعل الهم راحــــه &&& ألعب على المكشوف والهم ينـــزاح

هذا كلامك زاد قلبي أرتياحـــــــه &&& وجيت أعترفلك داخلي هم وأجراح

في بحر حبك ماعرفت السباحــــه &&& تلعبي أمواجك على الكيف ياصاح

قلبي جرحته وماأكتفيت بجراحـه &&& تسرق قلوب الناس وتحصد بالأرواح

بأنهي أنا حبك وأعيد أكتساحه &&& دنيا بدونك تعني أفراح بأفــــراح

طيرك تراه ألحين فارد جناحــــه &&& لالا تنادي لا شلـع فــوق ثـــــم راح

قلت الصراحه وأنت تبغى الصراحه &&& ساعـه بدونك خلت القلب يرتـــاح



وسلامتكم
اخوكم:راكان العجمي

[عبد العزيز]

صح لسااانك يا شاعرنا

[راكان العجمي]

صح بدنك ياالعزيز
واشكرك علي الرد

[أسيره الشوق]

صح لسانك على هالمشاركه الحلوه

[راكان العجمي]

أسيره الشوق

صح بدنش

[الحسناء]

هلا فيك اخوي راكان
ومرحبا والفين ترحيب

واول مشاركاتك كانت جدا رائعه

واتمنى المشاركات الاروع

اختك الحسناء:)

[راكان العجمي]

الحسناء

هلا فيش
والبقا وانشالله راح اكون موفق معكم

[صهيل الخيل]

صح لسانك

ويعطيك العافيه على القصيد.

وانشاء الله تشارك في قصايد احلى


اخوك صهيل الخيل