إلى صديقة عمري

[جبتها عالجرح]

( الى صديقة عمري )
0 ف؟؟
0


ياف؟؟أبستعين الله وابدا القصيده
عليك حرز الله امن وسكينه

خلك من اللي يزرع الشوك بيده
باكر حصاد الشوك يدمي يدينه

هذاك لو غنى يبكي نشيده
لاتسمعينه واسمعي من تبينه

اعماله السودا ترى ماتفيده
والحب ماياتي بقوة يمينه

اما يجي برضاك وانتي سعيده
والاعساه فداك لاتذكرينه

ماينفعه مكر الخفى والمكيده
والله يجازي من وقف له يعينه

والبيت من طينه ترى لويشيده
بيطيح ذاك البيت ويسف طينه

شي سرى بالدم قصي وريده
انسي مواعيده وذكرى سنينه

اتمردي ياف؟؟ ماانتي بصيده
ولاهوب سجانك ولاانتي سجينه

صلي وصومي لايهمك وعيده
واقري الفلق والناس تبقي حصينه

الله فرق ما بين جمله عبيده
قلوب فيها الخير وقلوب شينه

خلك على قلبك بعقلك شديده
لاتقبلين العيش وانتي رهينه

خلك على وصله عزيزه عنيده
وان غاب عنك لاتقولين وينه

نصيحتي تبدين صفحه جديده
لايغلبك بالصوت ورموش عينه

الوقت يمضي مير مانستعيده
والعمر وش يسوى وروحك حزينه

خلك مع اللي بالخصال الحميده
اللي كتبكي فوق راحه جبينه

اللي يثمنكي وقدرك يزيده
ماسام فيك ولاحمل لك ضغينه

يرضي غرورك والمشاعر اكيده
ماله هدف ولانوايا دفينه

كتبت لك شعر وانا مااجيده
يالله عساكي تقدري تسمعينه

كتبت لك ابيات ماهي فريده
يقدر عليها كل فاقد حنينه

مالي مطامع من وراها بعيده
انتي طلبتي والطلب تاخذينه

[شـــيـخـة الزيــــن]

اللي يثمنكي وقدرك يزيده
ماسام فيك ولاحمل لك ضغينه


ابياااااات رووعه يعطيك العافيه أخوي جبتهاا ع الجرح

وصح لسانك ولسان قاايلهاا

لااتحرمنااا من المزيد,,,


تقبل تحيااتي// شيخة الزين,,

[CHOCOLATE]

كلمات روعه ومعبره



يعطيك العافيه

[g Jiii11- J7W]

[frame="7 80"]


نصيحتي تبدين صفحه جديده لايغلبك بالصوت ورموش عينه
الوقت يمضي مير مانستعيده والعمر وش يسوى وروحك حزينه



(( جبتها عالجرح ))

مليووون جد قصيدة حلوة
أتمنى ذكر منقوول إن كانت ليست لك
وإن كانت لك
فأهلاً بقلم راقي بأوساطنا...
ننتظر منك الزوووود

تقبل مني أرق التحاااايااااا


[/frame]

[ام البيبيات]

صح لسانك جبتها عالجرح والله يعطيك الف عافيه كلمات جدا رائعه