قلطة بين بوش بن بوش مع بلير بن بريطانيا ماعرف اسم أبوه

[حفيد الطنايا]

هذي محاوره بين بوش وبلير ..
في البدايه ....
جاء بلير الى امريكا لحضور المؤتمر الثنائي مع بوش وعندما دخل على بوش في صالة الاجتماعات بدا هذه المحاورة وقام بوش بالرد عليه



بليــــر :-

اللة لايجزاك بالخـــير يابــوش *** ورطتنا في حرب صـــدام ورطة
عزمتـني تـقول بـترول وقـروش *** بس الحقيقة روحتي معك غـلطة



بــــوش:-

يابلير رد العلم عن بوش بن بوش *** الله خلقـــــنا للمقاريد سلـطة
وابوي عنده للرياجيل دنبـــوش *** كم واحد شلنا فلـــوسه ونفطه



بليــــــــر:-

ابوك والنعمين مير انت مربوش *** تمــوت بالبترول وتحب شفطـه
صحيح عندك مال وسلاح وجيوش *** مير اتوقع لك تدهور وسقطــة



بـــوش :-

يابلير كانك خفت يوم احتمى الهوش *** حرام ماتاخذ من النفط نقطـــة
قبلك ترى شيراك قد راح مكـروش *** شوفه يصرح كل يـوم بمحطة



بليــــــــــــــر:-

وراك ماتعطي لشيراك عرمـوش *** تراه مشغلنا بشيله وحطـــــه
وليا انتهى موضوعنا نرسل طـروش *** ونجمع المبلغ من الربع قطـة



بــــــــــوش:-

شيراك هذا عنده الفكر مغشـــوش *** فرط علي في مجلس الامن فرطة
يدزه اليــابان والصين ويطــوش *** ومجهز الفيتـــو لتحقيق شـرطه



بليــــر:-

يابوش انا مرهق وخايف ومدهــوش *** وانته تقول الحرب خــدعة وخطة
اسرآي واسراك امتلا منهم الحــوش *** عز الله انه صابني منك جلــــطة



بــــــوش:-

ماقلت لك كم فيه اذاعات ودشـــوش *** لاتكشف المعنى وانا اقول غلطة
وان قالوا انا علوج واصحابنا جحوش *** ماهمنا الصحاف ولي يحــــطه


منقول

[جيكر حلو]

لوووووول

صح لسانهم

تسلم حفيد عالقلطه الطريفه

ولاهنت :)

[GZAL]

لووووووووـوووووووووـووووووووول

صح السانهم


تسلم حفيد الطنايا على القلطه الظريف

ننتظر جديدك

لاهنت

[حفيد الطنايا]

الله يسلمكم ومشكورين على المرور

[صعب المنال؟؟]

صح لسانك حفيد الطنايا

هههههههههههههههههه
ضحكتني الله يسعدك

قلطه ولا احلى

الله يدمرهم الاثنين

[حفيد الطنايا]

هلابك يالسنافي


صح بدنك ولاهنت على المرور