سجين من قبيلة يام يستنجد بمشايخ شمر ... شوفو أفعال شمر

[حفيد الطنايا]

سجين يامي يستنجد بمشايخ شمر





السلام عليكم ورحمة الله وبركاته
يعطيكم العافية جميع في الحقيقة آني سمعت هذه القصيدة وهي تدور حول رجل من قبيلة يام محكوم عليه بالإعدام ونقل من سجون منطقة نجران إلى سجون حائل لتنفيذ حكم القصاص به واستنجد بمشايخ شمر بهذه القصيدة وكان ذلك قبل نحو ما يزيد عن عشرين عاماً وهو الشاعر السجين سابقا محمد بن جهير ال فطيح الوعيلي اليامي وبعد قصيدته تدخلوا شيوخ شمر عند الامير عبد الله وشمله العفو..... والبيضاء مر فوعه لقبيلة شمر من جميع قبائل يام

اشكي على شمر عيال السناعيس ... زبن الغريب اللي بلته الليالـي
روس الرجال اللي تعرف النواميس ... لطامـة العايل بروس السلالي
انخى شيوخٍ ذكرها لـه تداريـس ...باول تواريخ العرب له مجالـي
تاريخهم يكتـب ببيـض القراطيـس ... ويكتب على روس الجبـال العوالـي
وانخى الشيوخ اللي يفحمون المحاميس ... ومـزوديـن هيلـهـم بـالـدلالـي
انخى عبدالله اللي له المـدح تأسيـس ... ابـن رشيـد اللـي عزيـزٍ وغالـي
وانخى ابن جبرين ودرزي بتحميـس ... نخوة حمـس تهتـز منهـا الجبالـي
وانخى بيعجان العلي ممـن العيـس ... وممـن الخلفـات باقصـى المفالـي
وانخاك ياشبـل الاسـود النواعيـس ... انخـاك انـت ياطـلال الرمـالـي
نخيتكـم وانـا غريـب المحابيـس ... من سجن نجـرانٍ لسجـن الشمالـي
اقسم لكـم باللـي يهـب النسانيـس ... لـو واحـدٍ منكـم محلـي بـدالـي
ويزورني منه خطـوط ورواسيـس ... لاعجبـه واسـوق حالـي ومـالـي
واطلع به اللـي ماتجيـه القرانيـس ... واحـط منزالـه علـى راس عالـي
اقولها وانا يامـي رمتـه المقابيـس ... شيخٍ ولـد شيـخٍ عمامـي خوالـي
قصيرنـا يامـن بليـا حـواريـس ... وخوينـا يشـرب قـراحٍ زلالــي


منقول

[جيكر حلو]

ونعم فيهم شمر معروفين بفضايلهم وافعالهم

عالعموم تسلم حفيد

ولاهنت يالغالي

يستاهلون شمر

..

تحياتي / جيكر حلو

[حفيد الطنايا]

هلابك يالغالي

وماعليك زود

وأشكرك على مرورك المتميز

تحياااااااتي لك

[مملوح كوول]

يسلمو حبوبي حفيد الطنايا الحمدلله ترخنا يا شمر يشهدلنا ولا هنت يا قلبي على الموضوع

[كتكووته^^مكتكته]

شمر هل الطولات

صح السانك حفيد الطنايا

وشمر خيرهم وفعايلهم تتكلم عنهم
مو اهمي يتكلمون

تسلم وعساك عالقوة

[حفيد الطنايا]

ولا انت يامزيوون كووول

ونورتنا ياولد العم بمرورك

******

بنت العم الغالية كتكوتة

أشكرج يابعد حيي على مرورج المتميز


وتحياااااااتي يالطنايا

[مــايــهــاب]

صح لسااااانك ولاهنت


والله والف نعم في شمر


ويستهلوون والله كل خير

[paradies_q8]

لاهنت
يا خوي علي النقل الجميل

وتسلم يدك اللي سطرتها بالمنتدي

ولي من الرد شيئ


-------



ردي ماهو عتب ولا فيه تدنيس ..... ردي من الاعجاب زادلك يا حفيدي
مابي اكثر من المدح بس زادني التحميس ..... يستاهل اللي نختله شمر لو هو يامي
معروف ولافيه قصور(ن) عن سناعيس ..... سناعيس طلبهم كل قاصي وداني
وانا عز يا حفيد الطنايا كتبلك بقراطيس ..... تراني اسلمي جيتك بكل ماكتبته يدي







عز

[RUSsi]

صح لسانك:)
وهذا شي مو جديد على افعال شمر
شممر كلهم طيبه:)
يعطيك العافيه
تحياتي لك
ر
و
س
ي

[حفيد الطنايا]

الله حيووووووه


نورتونا ياشباااااااب


وأشكركم على المرور المتميز

[Z@G®†éY]

ونعم والله بقبيلتي

يعطيك العافيه وماقصرت

[حفيد الطنايا]

هلابك ياولد عمي


أسعدني مرورك يابعد حيي ولاهنت

[عزتي في شموخي]

ونعم والله بقبايل شمر
معروفين بهالشي
وتسلم يا حفيد الطنايا و يعطيك الف عافيه

تحياتي لك...

[حفيد الطنايا]

ماعليج زود


ومشكوره على المرور

[نرجسيييييه]

ونعم القبائل ولاتهون القبائل الاخرى وتسلم يالغلا على النقل الجميل