ياليتني عن حب مثلك ترفعت

[كتكووته^^مكتكته]

مساء الخير


قصيده.. حلوة ..

اتمنى انها تحوز على رضاكم

لقيتها بأرشيفي الخاص

مع فائق الاحترام لشاعرها





أسفه أنا في جيتي لك تسرعت
************************** ظنيت ألاقي فيك شي فقدته


كنت أحسبك مجروح مثلي تولعت
************************** جربت فرقى شخص قلبك وهبته


كنت أحسبك من مر جرحك تجرعت
********************** ** حبيت فيك أحساس طفل لمحته


لو قلت آآآه بوسط روحي توجعت
************************ ولو شفت دمعاتك شعوري سكبته


ولو تطلب أعيوني أبد ماتمنعت
*********************** وأعطيك قلبي لو بعد ماطلبته


وصلت بك أعلى مكان وتربعت
******************** ** وفي قلب غيري يالغضي ماوصلته


وأصبر على صدك وأشوفك تدلعت
********************** وأعطيك ود وما ظنك حسبته


أذهلتني بطباعك اللي تطبعت
******************* ** حتى قصيدي فيك أبد مافهمته


لو كان غاياتك حروفي فأنا بعت
******************** وأفرح بجرح الشاعر اللي جرحته


وأرجوك من صدك تراني تشبعت
******************** خلك مع اللي عاجبك أو عجبته


يكفي قهر في جيتي لك تواضعت
******************* تركت غيرك لجل عينك وبعته


ياليتني عن حب مثلك ترفعت
**************** ** ياليت قلبي قبل أعرفك دفنته


لكن أبي أبعد دامني بك توهقت
******************* الله يرحم حبنا اللي ذبحته


أنا شريت الود والحين أنا بعت
********************* وأنا عطيتك قلبي اللي قهرته


في يوم جيتك أطلب ود وأقنعت
******************** نفسي بأنك شخص عادي عرفته


كمل حياتك مثل ما أنا توقعت
******************* تبقى أسير الماضي الي فرضته


ولا يحزنك أني جبان وتراجعت
***************** ** حولك بدالي ألف شخص عجبته


أما أنا لايمكن أخضع ولاطعت
******************** يحرم علي أعطيك قلبٍ خذلته


باريحك من شوفتي يوم قاطعت
******************* ** أسلوبك اللي به تجامل كرهته


غلطان يالمقفي أنا ماتتبعت
******************** غيرك يتابع خطوتي ماتبعته


ماينحني راسي لو أنت تقطعت
******************** وماهوب أنا من لا رميته لقطته


وأن كان غرك حكي عذالك وطعت
******************** الله يعلم كيف قلبي سكنته


اللي ملا قلبك علي وتسمعت
******************* خله يعوض شخص مثلي خسرته


أنا بمافيه الكفايه تولعت
****************** واللي بقى من قلب فيني حرقته


وأن شفتني صدفه بعينك تطلعت
*************** ** ذكرتني بإنسان غالي فقدته


بأول لقا سلمته أحساسي وضعت
***************** غلطت حياتي يوم قلبي سلبته


وأستسمحك فالبعد كاني تراجعت
****** ********* ماعاد أبلقى فيك شي فقدته


طبعك مثل غيرك وطبعي كما كنت
*************** أحب شخص ولا تركته تركته




صح السان شاعرها/ شاعرتها

فعلا معبره

احس انها تتكلم عني وعن احساسي

انشاءالله تعجبكم

[مــايــهــاب]

الحين ماتحسف وانتي تعرفين شنو اقصد


الله الله



عليج وع نقلج المتميز دااايم




فصح لسااان الشاعره


والله لايحرني من جديد نقلج


مع تحياتي لج بالتوفيق

[كتكووته^^مكتكته]

مايهاب

:)

مره ثانيه مافهمت قصدك!!

تمنيتك توضح شوي بس

تسلم عالمروريالغلا

لا خلا ولا عدم

[paradies_q8]

تكتك
ويبقي الحال كما هو عليه
وعلينا اللجؤ لقضائج يا الغلااااااا

ابدعتي ومو شي يديد
--

لو اعرفها بقول والله ما تمسكنت
****************** بس شي(ن) جاني يومني طلبته

يا تكتك بأختيارج اشهدني تمتعت
****************** ولا يهمني العالم لو اني خسرته

ولو لي من الضنا كان لهم سولفت
****************** عنك وعن شي(ن) فيج لمحته












عز
ابصرو النور فلم تعد الدنيا بعدهم كما كانت

[كتكووته^^مكتكته]

عز المنتدى وفخره

تحريتك على احر من الجمر

وماخذلتني

دايما موجود

يشرفني وجودك ويزيدني تألقا


صح السانك

[ام البيبيات]

الله يعطيج العافيه كتكوته وتسلمين اختيارموفق

[كتكووته^^مكتكته]

الله يعافيج


ام البيبيات

يالغاليه

[أمونه]

الله يعطيج العافيه كتكوته ع القصيده الحلوه

[ابو كفاش]

كتكوته


انتى مبدعه بكل صفاتج


وانتى مبدعه لخيارج هذى البيات


وانتى مبدعه بعذب كلامج وحترامج




ودام قلمج منور بنورج العالى


وتمنى للج وللجميع كل الخير والحب








تحياتى
ابو
كفاش

[كتكووته^^مكتكته]

امونه


تسلمين ياحلوة

منوره

[كتكووته^^مكتكته]

بو كفاش

تسلم على هالاطراء

احرجتني كلماتك

شوف ويهي صار احمر
:)

منور يالغالي