O؛°‘¨ كـذبـك والـغـرام ¨‘°؛o

[أمونه]

اللـي مثلـك يـا حبيبـي مـا يـلام !
قوم وانسى الدمع .. وانساني معـه !!

لا تحاتي الليـل ! ودعنـي .. ونـااام
السهر مـا هـو بضيـق الا سعـه ؟؟

خلّنـي مابيـن كـذبـك !! والـغـرام
بنثـره وآخـر طموحـي اجمـعـه ..

بك ( ختمت المسك ) يا ( مسك الختام )
واحفظ ( اغلى ) بيت وانسى ( مطلعه )

( شاعرك ) لا شحّ صوتـه بالكـلام ؟
ناظـر عيونـه كـلامـه تسمـعـه !!

مـا ورى هـاك الطعـون الا الخصـام
ومـاورى وصلـك وقربـك منفعـه ..

عدّني مـا كنـت وانسانـي .. مـدام
الفراق اصبح : ( جهاتي الاربعـه ! )

خابـرك حسّـاس وتخـاف الزحـام !
خـاف قلـب ٍ بـه همـوم مجمعـه !!

إعتـقـه لله !! واتـركـه بـســلام
ما بقى بـه عـرق تقـدر تقطعـه ؟!

ضامي واطرد سرابك ( نصـف عـام )
حالتـي حالـه ! واجامـل واتبعـه ..

كل ما طـاح ( الامـل ) شلتـه وقـام
لين طحت ! ولا لقـى مـن يرفعـه ؟!

غلطتـي كنـت انتظـر منـك اهتمـام
وغلطتك ( بُعدي ) ثمنها و ( ادفعـه )

لا تقـول البُعـد والفرقـا حــرام ؟؟
الحرام : اعطيك ( عمـر ) تضيّعـه !!

لــ محمد الجار الله

[جيكر حلو]

صح السانج ولسان شاعرها

قصيده جزله وجميله

لاهنتي يا امونه

وانشالله لمزيدج

..

تحياتي / جيكر حلو

[أمونه]

شاكره تواصلك اخوي جيكر حلوو

[AWRAD]

غلطتـي كنـت انتظـر منـك اهتمـام
وغلطتك ( بُعدي ) ثمنها و ( ادفعـه )

لا تقـول البُعـد والفرقـا حــرام ؟؟
الحرام : اعطيك ( عمـر ) تضيّعـه !!


اختيار روعه يا امونه

يعطيج الف عافيه .. عساج عالقوه

[أمونه]

مشكوره حبيبتي اوراد ع المرور الحلوو

[مــايــهــاب]

صح لساان شاعرهاا

[كتكووته^^مكتكته]

امونه


صح السان شاعرها

وسلمت يمناك عالنقل

تسلمين حبيبتي

[هَـ م ـَكُ تَـ عُ ـذبًـنُـًىّىً ؟]

صح لساان محمد الجار الله

ومشكووره عالنقل يالغلااا

[أمونه]

ما يهاب

صح ابدنك

وشاكره مرورك

[أمونه]

كتكوته تسلمين والله

صح ابدنج ولا هنتي

شاكره مرورج

[أمونه]

كويتاوي صح ابدنك ولا هنت

شاكره مرورك يالغلا