مدح في قناة الجزيره !!!

[كتكووته^^مكتكته]

قصيده مو طبيعيه لفارسي الاول
طلال السعيد

قالها في قناة الجزيره بعد كثره الاعتداءات التي طالت الكويت بسببها

اترككم مع الكلمات
وانشاءالله تعجبكم

[align=justify]حنا ابتلينا في قناة الجزيره ... تشب نار وتطفي النار بالنار
ماتستريح الا ان شبت سعيره ... ترتاح من شوف العلاقات تنهار
تحب حد الاخوين يسحب سفيره ... كل يدورله مع الشط معبار
والعذر تبحث عن قضايا مثيره ... على ظهرنا بتكسب اصحاب وانصار
متصورين ان ايدينا قصيره واليا ... ضربنا الارض مانطير غبار
لعبه لعبتوها تراها خطيره ... ماعندكم غير الكويتي مع الجار؟
لوين ممشاكم بعكس المسيره ... كل الخليج يمين بس انتم يسار
راي (ن) معاكس فكركم من يديره ... يمشي حسب رغبات كاظم وجبار
من باع نفسه مايخونك عبيره .... لاحولو بحسابهم جم دولار
عزي لمن هو صار هذا نصيره ... الوجه عابس واخر الاسم عازار
وسميح سمح خاطره يا خشيره ... ولا اخر الحداد في ركبهم سار
وفيصل معاهم دش نفس الحظيره ... صاعد ونازل ياكل القرش منشار
تجمعو والمائده مستديره ... شي (ن) يخلي صاحي الفكر يحتار
من عقب ماهم يفرشون الحصيره ... من سبنا صارو زناقيل تجار
صارول لراعي الظلم عون وذخيره ... ويساعدون الجار حتى ولو جار
يا المحترم راعي العباة القصيره ... ياللي مقاضيبك عظيمات وكبار
يوم ان صاحبك المدافع تديره ... ماشافلك فزعه ولا شافلك كار
واليوم اذا فيكم حميه وغيره ... بالفعل مامن فعل بالحجي شطار
الميل واضح والنوايا خطيره ... بطل جريمه ظلم يوزع ادوار
لوكان واحدكم يحكم ضميره ... ماصف مع زمرة هل الظلم الاشرار
حنا مابعنا بلادنا والعشيره ... ولا قبضنا قيمة الارض دينار
لوين ممشاكم بنفس الوتيره ... غش بنقل اخبار كذب بالخبار
كذبه كذبتوها كذبه كبيره ... من عقول صغيره تضليل للي متابع عبر الاقمار
مايقتنع فيكم سوى اعمى البصيره .... تبون رفع حصار من يرفع حصار
وهو السؤال الصعب هذا نثيره ... من استباح الارض من دنس الدار
من عيش الاطفال عيشه مريره ... رغم حداثة سنهم شافو اضرار
الطفل مرت به ظروف عسيره ... بالظلم يحرم طفل من والد بار
بالليل دمعاته تبلل سريره ... والام من زود الالم تجرع امرار
عديت بلوى من بلاوي كثيره ... اللي حصل ببلادنا مابعد صار
نبي الاسير ونبي الاخت الاسيره ... ونبي مطالبنا تحقق بالاصرار
يالمحترم قول لقناة الجزيره ... حنا هل الثار مانترك الثار[/align]

[مملوح كوول]

يسلمو حبوبتي كتكوته ولاا هنتي

وبسراحه اذا بطلع الاخبر ولاا شي احط قناة الجزيره غيرها لا لئن قناة الجزيره اهي الوحيده تبث كل
شي على الحقيقته

[ام البيبيات]

الله يعطيج العافيه حبوبه كتكوتي

[مــايــهــاب]

قصيده مو طبيعيه لفارسي الاول
طلال السعيد



صح لساااان شاعرهاااا بو بندر شاعرج الاول



وسلمتج يمنااااج ع النقل

[AWRAD]

صح لسان طلال السعيد

تسلمين كتكوته على الاختيار.. الله يعطيج العافيه

[كتكووته^^مكتكته]

مزيون

اي عاد تصدق

قناة الجزيره عندها ذمه وضمير بشكل موطبيعي

وتنقل الحدث مثل ماهو بدون تحريف ولاتبديل

:)

والله امر يضحك

شاكرتلك طلتك

[كتكووته^^مكتكته]

ام البيبيات

الله يعافيج ويخليج قلب

منوره

[كتكووته^^مكتكته]

ما يهاب

اي والله فارس

عجيب فعلا طلال السعيد

منور يالغلا

[كتكووته^^مكتكته]

اوراد

شاكرتلج طلتج الحلوة

قلبوشه

[paradies_q8]

تكتك

:)

هذي سياسه مالي فيها بس عشانج برد :)



يقولون فلقصف مبنى قناة الجزيره فهم علي شاكلتها
عاد منو الله اعلم
:)





حلو النقل يا الغلا وحلو القصيد منه

دااااااااايما تيينا بشي غير

بذكر الله ( لا اله الا الله عليج ) يسلمووووو

:)











عز
ابصرو النور فلم تعد الدنيا بعدهم كما كانت

[كتكووته^^مكتكته]

عز المنتدى وفخره


نورتني


ادري انك ماتحسد


فديتك