طلال الرشيد في باريـــــس

[كتكووته^^مكتكته]

مساء الخير


ادري مقصره وايد معاكم

بس اوعدكم عن قريب راح تتشوفون اخر قصيده لي

بس اخليكم الحين مع بونواف رحمة الله عليه




واحد خايب .. حظه تعيس
سافر تقسيط لـ باريس
كذب على أم العيال
رايح أدور عمال
جمع الورث
حصاد الحرث
وقبل يسافر يا سادة
سجل في نادي كالعادة
يسوي برنامج تخسيس
* * *
قام يدور شنطة تكفي
وكل هدومه قبل يصفي
عشرة فنايل علاقي
وشورت وشراب ماقيس
قالت أم عياله تكفى
خذ لك لبس شوي يدفي
قال في باله يا مسكينه
والله قدامي اللي يدفي
قام يودعها وقالت له
خذ بالك يا نور عيوني
وتعوذ دوم من إبليس
قال في باله يا مسكينه
وأنا من عازمني غيره
ناطرني إبليس في باريس
سافر صاحبنا بطيارة
وأسبوع انقطعت أخباره
ماحد يدري وين دياره
وأم عياله بأصعب حاله
تحسب وتعدد وتقيس
وفي ليلة دق التليفون
جا صوته مبحوح ومرخي
لا له طعم ولا لون
يتكلم من غير حروف
عنده حرف الراء محذوف
قالت أم عياله وش بك ؟
صوتك خافت كنه حسي
قال انتبهي ظنك يشطح
بس كنت شوي أحكي فرنسي
قالت عفيه يا كحيلان
وش أخبارك يا بو فلان
قال حصان
شفت اللي ما شاف إنسان
شفت الربع
سبع وضبع
في العصر شيوخ تتشامخ
وفي الليل أحلا طقة أصبع
* * *
وفي الشانزليزيه نصف الليل
يافلانه شفت أم محمد
وش تسوي ؟
تتهجد !!
وش هو هذا الشانزليزيه ؟
هذا شارع رايح جاي
بأول هذا الشارع قهوه
فيها كل شياب الربع
كل واحد يشرب من نبع
واحد راجع غصب للهوه
وواحد يقرا (القدس) (معارض)
يشتم كل أمه وما تهوه
وشايب لا هذا ولا هذا
لا عقل وقلب ولا شهوه
أم عياله جابت راسه
غصب يوديها لباريس
يمكن تلقى البنت عريس
* * *
والبنات
آه يالبنات
أبو فلان ...... إش فيك
يأم عيالي صاير شيء
صاير لبس الناس شوي !!
وعينك ماتقدر تمنها
ومن ضيق هدوم البنات
تحلف أن الملبوسات
للأخت اللي أصغر منها
ومن كثر المكياج الخادع
شفت بعيني شيء ما شفته
شفت فلان يغازل أخته
* * *
وأنت وش تسوي يمناي ؟
أنا مع هالناس خطاي
يوم يتحقق لي مناي
ويوم ما ألقى حد حداي
لكن من حبي لهالشارع
دايم ودي أني اثنين
واحد رايح واحد جاي
* * *
وعيال الديرة....اسم الله
أيه
كل واحد جهز له حكاية
كذبه على البنت المسكينة
ضحكه وقصيدة وسكينه
بجيب مشط وجيب مرايه
يمشي وراه الحمايه
مو حبيب أمه مهم
واحد يسوي أمم
لازم نأمن عليه
يمشي من خلفه عبيد
ويمشي قدامه علم
* * *
وشفت يأم فلان ذاك الشاعر اللي
يشتري بالمال شعره للتسلي
يشتري حتى المشاعر
من أهل بيع المشاعر
اللي كل شعره جديد
والصحافة له عبيد
واللي إحساسه نشيد
تعرفينه...اللي حتى مايعرف يلقي القصيد
إيه عرفته...تقصد طلال الرشيد
لا !
أدري أدري !
كنت أحسبك يا حبيبي شخص ثاقب
أنت مو بكره بتجي ؟
تبغى كم مره تعاقب ؟
أنت ما تعرف يا غالي
إنه تلفونك مراقب!!!

[AWRAD]

والله روعـــــــه

المشكله هذا الحال هالايام

الله يرحم بو نواف .. صدق بكل كلمه قالها


تسلمين كتكوتي على الاختيار القمــــــه
الله يعطيج العافيه

:)

[xxSALMANxx]

والله روعــة

الله يرحم بو نواف .. صدق بكل كلمه قالها


تسلمين كتكوتة مكتكتة يالغالية على الاختيار القـمـة
يعطيج الف عافية ووماقصرتي

:)

[ام البيبيات]

الله يعطيج العافيه كتكوتي وتسلمين علي الاختيارالرائع لهالقصيده الله يرحمك ياطلال

[ŋαŋ]

صـج عليــه أبــداع مــا يوصــف ما غلطــ يوم عشقـت أشعارهــ

الله يرحمــك بو نــوااف

كلمــات روعــة من جــد



:+: حبيبــة الكــل :+:

صــج لســانج .. ع النقل الروعــة مثلج

[كتكووته^^مكتكته]

~*¤ô§ô¤*~ورودتي~*¤ô§ô¤*~

الله يرحمه كان عنده بعد نظر

وما قال الا حال هالايام

رحمة الله عليك يالملتاع

منورتني فديتج

[كتكووته^^مكتكته]

xxSALMANxx


منور اختك يالغالي


صح بدنك والله يسلمك من كل شر
ويرحمك يا بونواف يالغالي

[كتكووته^^مكتكته]

|--*¨®¨*--|ام البيبيات|--*¨®¨*--|


يعافيج ربي من كل شر يالغاليه

تسلمين عالطله

وشاكرتلج هالتواصل

[كتكووته^^مكتكته]

~*¤ô§ô¤*~عيون حبيبة الكل~*¤ô§ô¤*~


انتي عشقتي اشعاره
انا عشقته حي وميت

منورتني غلاتي

لا خلا ولا عدم

[مــايــهــاب]

صح لسان شاعرهااااا



الامير طللال الرشيد



طيب الله ثرا



يخجل التعبير




لاهنتي كتكوته

[كتكووته^^مكتكته]

~*¤ô§ô¤*~ما يهاب~*¤ô§ô¤*~


الف رحمة عليه

تسلم على حضورك

[HoNeY RoSe]

صح لسان شاعرها

وتسلم ايدج كت كت ..

ربي يعطيج العافية يا الغالية

والله يرحمه

[كتكووته^^مكتكته]

~*¤ô§ô¤*~امراه~*¤ô§ô¤*~


صح بدنج يالغلا

الف رحمه عليه يارب
منورتني

[كويـتي][F.B.I][]

صح لسانه ولسان الناقله

وعليه الف رحمه طلال الرشيد

[كتكووته^^مكتكته]

~*¤ô§ô¤*~اف بي اي~*¤ô§ô¤*~


الف رحمة عليه


شاكرتلك هالتواصل