إعـــــــلان

تقليص
لا يوجد إعلان حتى الآن.

ذم بنـات الخليــج ..! ومـن صوب آآخر مـدح لـهم ..!

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ذم بنـات الخليــج ..! ومـن صوب آآخر مـدح لـهم ..!

    السلام عليكم ورحمة الله وبركاته

    شلونكم شخباركم ,,

    أدري حيل مقصره بهالقسم ومن زمان ما نزلت شي بس هالمره جايبه لكم شعرين مو واحد

    الأول ما أدري منو قايله بس يتكلم عن ذم البنات الخليجيات و رد عليه الشاعر طلال السعيد رحمة الله عليـه

    رد عليـه بأبيات حلوه ومعانيها جزلـه وكلمـات روعـه وبصراحـه عجبني رده صج شاعر بمعنى الكلمه الله يرحمه

    يللا نبــدأ

    هنـا الــذم

    ::::

    ياللي تنشّد عن علوم الذي طاف..كل البحور وكل دولة وديرة

    خذ من علومي علم أوصافه أوصاف.....جزلٍ سمين يشتعل له سعيره

    الزين عقب المغربيات ينعاف..غيدٍ لهن بالزين ذكره وسيره

    فيهن حلا طاغي ولين وتعطاف....وفيهن حنانٍ يشعل القلب غيره

    حلوات وصف وفاهماتٍ بالاعراف...زينات منطق صافيات السريرة

    بنات قومٍ طيبهم غصب ينشاف....اولاد مغرب بالليالي العسيرة

    ياللي تنشّد عن علومي بالانصاف...هرجي يكفي صامله عن كثيره

    الزين في لميا وتغريد والطاف...ماهوب في حصة وكشرة منيرة

    ^^^
    ^^
    ^

    غلطــــــــــــان

    ^
    ^^
    ^^^

    وهنــــــــــا الـرد

    ::::

    يابن الحلال ان طعتني خل الاســـراف .... واترك جمال الغيد لاهـــل البصيــــره

    الزين موبس في الملامح والاوصـــــاف .... الزين روح وعفه وطيــب سيــــــــره

    مانيب من يهوى سريا وانصـــــــــــــاف .... انا هواي وبس بنت الجزيــــــــــره

    بنت الخليج اللي تماري بالاعــــــــراف .... وحنا نماري باسمها كـل ديــــــــره

    مالي غرام بقول وخا وبالـــــــــــــــزاف .... اذبحتني عند الطرحه المستديــــره

    احب قولة ياهلا وعل وماخــــــــــــلاف .... من بنت ثوبي بنت الارض النضيــــره

    اللي تحلاها الظبي حلو الاطــــــــراف .... جمال في عفــه ورقه وغيــــــــــــره

    واللي بها سحر مهو سحر عــــــــراف .... ياعل عين ماتراها ضريــــــــــــــــره

    عطف وحنان وذوق في لين الاعطــاف ....والى كشفت لثامها شفــــت أميـــره

    صعب على اللي بالردي شاف ماعاف ....وحلوه علىاللي سنـــــه الله ضميــره

    شمس الى من اشرقت والدجا طـاف. ...غابت نجومك غصب لو هـــــــي كثيــره

    السيف مايزهى سوى كف سيـــــاف .... والخيل دون حصانهـــا مستخيـــــــره

    بس أنت دورلك على قدك لحــــــــاف ....وان طعتني دور بدلنــا عشيـــــــــره

    ----
    صــــــــــح لســــــــــانه مليووووون ولاهان من قال لا هنت

    تحياتي :: والسموحه ع القصور يالغالين
    الوداع

  • #2
    السلام عليكم ورحمة الله وبركاته


    ابيات متألقه ،، ومعاني ساميه .. الرجال صنفين ،، صنف يتبع للقصيده الاولى ،، والصنف الاخر

    يتبع القصيده الثانيه .


    بنت الخليج فعلا عفه وستر ،، والجمال الروحي يسبق جمالها الجسدي .


    عزيزتي امونه .. فعلا احسنت الاخيار .. ووفقتي بالنقل

    ونتمتى الميزد من المشاركات المتألقه الهادفه .



    مانيب من يهوى سريا وانصـــــــــــــاف .... انا هواي وبس بنت الجزيــــــــــره

    بنت الخليج اللي تماري بالاعــــــــراف .... وحنا نماري باسمها كـل ديــــــــره





    دمتي بود
    يا .. من .. تراني .. ولا .. اراك
    انظر .. الي .. بعين .. رضاك

    تعليق


    • #3
      هــــلا وغـــــلا الهــــــارف

      نورتني يالغـلا بطلتـــك الحلــوه

      وشـاكره لك ردكـ و وجهة نظـرك الجميله

      وحيـاك الله ودمت بود يالغالي
      الوداع

      تعليق


      • #4
        صــــــــــح الســـــــــانج

        تعليق


        • #5
          امونه



          صح الله لسان شاعريهااا ولاهنتي


          صح الله نقلج


          صدى وصوت روعه من نوع فريد

          تعليق


          • #6
            ..

            امونتــــــــي


            والله ولهنا على مشاركاتج بالقسم
            واخيرا عطفتي علينا بهالمشاركه

            :)

            تسلمين على النقل الروعـــــة والمميز حبوبه
            لكن في ملاحظة بسيطه
            الرد للشاعر طلال الرشيد ( الملتاع) .. مو طلال السعيد
            اتوقع ان خطأ مطبعي .. فديتج

            :)


            نورتينا .. ولا تحرمينا مره ثانيه


            ..
            ..


            ولا تمش فوق الارض إلا ( تواضعـــًـا )
            فكم من تحتها ( قوم ) هم منك أرفع

            فإن كنت في عــز و حرز و متعة
            فكـم مات من ( قوم ) هم منك أمتع

            ..

            تعليق


            • #7
              دلوعة الكويت

              صح ابدنج

              شكرا ع المرور
              الوداع

              تعليق


              • #8
                مــــــــــــــــا تهـــــــــــــــــاب

                مبدعنـا صح ابدنك

                نورتي ولاهنت يالغلا
                الوداع

                تعليق


                • #9
                  ورودتـــــــــــي

                  السمووووحه منج غناتي و منورتي بردج العـســل

                  ولا تحاييين انا بطــيــّح بالقســـــــم عشانج

                  صح ابدنج ولاهنتي يا قلبي

                  شاكره مرورج الكيووووووووووت
                  الوداع

                  تعليق


                  • #10
                    الله يعطيج العافيه امونتي وتسلمين علي النقل ومثل ماقالت اوراد الرد للراحل طلال الرشيد اختيارموفق

                    تعليق


                    • #11
                      صح الله لسان شاعريهااا ولاهنتي


                      صح الله نقلج


                      صدى وصوت روعه من نوع فريد

                      تعليق


                      • #12
                        ممااتي

                        الله يعافيج ويسلمج

                        دايييييييمن منورتني ياغلاتي

                        تسلمين ع المرور
                        الوداع

                        تعليق


                        • #13
                          اختي الغاليه دلوووعتي

                          تسلمين انتي عالمرور الروعه

                          وصح ابدنج ولاهنتي
                          الوداع

                          تعليق


                          • #14
                            இأمونهஇ

                            والله قصيده تعبر عن جمال بنات الخليج

                            والحقيقه انا والله ماذبحني غير عيون بنات الخليج وشيلتهم

                            والله زينكم يسوى جمال الكون

                            فديتكم ...

                            تعليق


                            • #15
                              شكرا اختي على النقل المميز وعلى اختيار الأشعار
                              [/]

                              تعليق

                              يعمل...
                              X