وقفه مع شاعـر ...!!

[*الهــــارف*]

السلام عليكم ورحمة الله


لكل شاعر تميز بلون من الشعر..تراه يبدع ويتميز فيه .. أكثر من الوان الشعر الاخرى ..
والغريب .. أن ترى شاعر متميز بجميع ألون الشعر في وقتنا الحاضر ..


وقفه مع شاعر اقتطفت فيها لكم نخبة من اجمل قصائد شاعرنا

الشاعر الامير / خالدالفيصل


أبدأها بقصيدة حكمه بعنوان
( أحـذر عــدوك )


كل يعود لاصل جده ومرباه
راعي الشرف يشرف والانذال يهبون

الفرع من عوده شرابه ومسقاه
والحنظله مره ولو تشرب مزون

الطيب كايد.. والمناعير تقواه
والهون هين .. تدنع النفس وتهون

ناس.ن. على كسب المراجل مضراه
وناس.ن. على كسب الفشيله يضرون

هذا على وضح النقا.. كل ممشاه
وهذا الا شافوه ربعه يصدون

لا تامن الخوان ولو زخرف احكاه
من خان بك مره باكر يبي يخون

وافطن ترا زول الرجاجيل.. تــواه
كم واحدن يعجبك زوله واهو دون

يا طيب الشارات من يوم منشاه
أحذر عدوك لا يغرك على الهون

ترى عدوك غايته فيك ومناه
يزرع بصدرك من قنا رمحه طعون

واللي رضع لبوة عدوك توقاه
والجرو ولد اللبوه .. اللي تعرفون

للطير يالصقار بالريش مغـواه
الجاهل اللي بكثر الريش مفتون

للحر .. والشبوط ماطر ومجناه
والفرق بالافعال لو هم يطيرون

----------------------

والأخرى تبين اللون الاخرالذي يتميز فيه شاعرنا ..
وهي بعنوان ( يا حاسدي )
.
.
.
يا حاسدي حتى على لبسة الكوت
وش لون لو تدري وش الله عطاني ؟

عطاني الايمان .. ما اجزع من الموت
ولا تحسر.. لو تقلب زمــانـي

وأحب كل الناس .. وأرفع ببها الصوت
والكره ماله في فؤادي مكــاني

يا حاسدي ترى العمر فايت.ن. فوت
يهديك رب.ن. للمحبه هـــــداني ..



-----------------------



وهنا يبرز لنا شاعرنا بقصيده يعكس فيها وجهة نظره عن .. النسيان
وقصيده بعنوان ( صــوت )
.
.
.
يا نعمة النسيان يا رحمة الله
~~ لولاك أنا عزاه .. وش كان سويت ؟

لولا أذكر اللي كان دقه وجله
~~ ماكان ساعه في حياتي تهنيت

ولولاي اسلي خاطري جاه عله
~~ولا ارتاح ليله من كثير التناهيت

لو ضعت بالنسيان .. قلبي يدله
~~وياليت يا وقت العنا .. كيف عييت ؟

خل الفكر يرتاح .. والقلب خله
~~ في خيمة النسيان يلقى بها بيت

اسج بعض الوقت .. ماهو بكله
~~ وأعود .. ماكني عن الحال سجيت

وأشوف كل.ن. ثابت.ن. في محله
~~ عن واقع الايام ماكني اقفيت

هذا ضحى شمسي وهذا ضله
~~ والليل رمشه ساريات المواقيت



------------------



(فدوة عيونك )




فـــدوة عيــونك لــو غــدت روح مغلــيك
وش عــاد لــو راحــت لعينك عشـــاير..!

أبيـــع ما يغلى على الناس وأشريــــك
وأســوق لي جتنـــي علومك بشــايــر

وأزعل جميــع الناس بالحيل .. وأرضيــك
وأصبــــر.. ولــو دارت عـلــي الــــدوايـــر

وآخـــذ من أيامــي ..لك ايام وأعطيــــك
وأن راح عمــري لك فـــلاهـو خســـــايـر

أحب أنا صــوتـك .. وشــوفـك ..وطـاريـك
دايــم وفكـــري فيــك هــايـم .. وحــايـر

بالصمــت أهوجـس بك.. وبالصوت أناديك
والــلــه.. عـلـيــــم البـيـنــه والـســرايــر

أنـا.. وقلــبـي.. والـهـــوى بيـن ايـاديــك
عـنــدك مـفــاتـيـح الـهــنـا والـضـمــايــر

من روحـي احبـك .. ومن ورحي افديـك
يـامــن غـرامــه والحســن فيـه .. ثــايـر



--------------------




وبالنهــــايه آمل ان أكون وفقت بأختيار القصائد .. وطرحي لها



ولكم مني أعذب التحـــــــايا

[AWRAD]

..

صباحك فل وياسمين
يــــــــــــــــــــا
الهارف


اهنيك على هذا الاختيار
شاعر وامير قدر يأسر القلوب بكلماته العذبه

الف شكر لك على هذه الوقفه الفريده مع شاعر فريد من نوعه
وبانتظار المزيد من مواضيعك المميزة

تقبل مني ارق التحايا

:)

..

[خالد العنزي]

[size=5]صح لسانك

ويعطيك العافيه

[*الهــــارف*]

أوراد
افرحني مرورك الكريم .. وكلماتك المعطره . دائما ما يكون حديث المشاعر مأثرا ومعبرا
خاصة وان كان من يتحدث به الامير خالد الفيصل . ولا تسع هذه الوقفه ان تستوعب كل
ما جادت به نفس هذا العلم وانما هي لمحة صغيره لمجهود كبير .
انتمى ان تكون الوقفه قد لاقت استحسانك عزيزتي
لك من ارق التحايا

[*الهــــارف*]

خالد العنزي


افرحني مرورك الكريم .. اتمنى ان تكون هذه المشاركه بدايه للتواصل ..


فشكرا لك ولمرورك عزيزي

[كتكووته^^مكتكته]

الهـــــارف


اختيار ذوق

لشاعر ذوق


تسلم لنا الايدي اللي انقلت
والاحاسيس اللي اسطرت

لا تحرمينا من جديدك

[*الهــــارف*]

كتكوته


مرورك اضاف اللمسه السحريه للوقفه .. وحضورك هي بمثابة بصمه نجاح


شكرا للمرور .. وكرم الحضور عزيزتي



دمتي بحفظ الله

[جرح الزمن 1]

صح لسانك وشكرا

[*الهــــارف*]

صح بدنك وحياك

[BiShOw]

صح الله لسانك و لسان الشاعر ولا هنتوا ^_^

ترا دزيته بالايميل ^_^

[*الهــــارف*]

بيشو


شكرا لك لهذا المرور الجميل . واعد ان تتعب اناملك من كثرة المواضيع التي سوف

ترسلينها عبر الايميل . شكرا لهذه الاطلاله الجميله .



تقبلي صادق ودي

[عاشقــ تويتي ـة]

إختـــيار جميل لشـاعر وأمير أجمل

إستطاع أن يحتل مسااحة من قلــووب رواد الشعـر

تسلم وما تقصر

[*الهــــارف*]

عاشقه


اسعدني مرورك .. وكلماتك الجميله .. شكرا لك على هذه الكلمات الجميله

وخالد الفيصل صرح شعري كبير .. لا نستطيع جمع كل ما قدمه للشعر والشعراء


دمتي بود عزيزتي

[! احلى ^ شمري !]

اخووي الهااارف

ياذووق والله

واختيارلك لهالشااعرر ييدل على ذووقك يالغلاا

وصح لسانك والسان شاعرهاا

ونـقله حلووه منك
والى الامام

ولاتحرمنا من جديدك يابعد خشم جدي

فديتكم اخوكم //عذووب

[*الهــــارف*]

عذب .


اسعدني جدا مرورك المعطاء واشادتك الرفيعه .. فعلا اضفت الشيء الكثير في مشاركتك

وانا عزيزي لا يسعني الا ان اقف احتراما لك .. ولكلماتك العذبه الصادقه .. وهذي هي عادة

المبدعين .. يضيفون النشوه و ولمسات الابداع في كل شيء يلامسونه .



شكرا لك عزيزي .. ودمت بود