تويت
من اول ما رجعت من السفر ما شفت لج بينه
وانا اللي كنت احسبج قبل ادوس ارض المطار تجين
تكونين انتي اول شخص عيني تحتضن عينه
وكنت اتخيلج من زود فرحت رجعتي تبكين
واشوف بدمعتج حكيج واعرفه قبل تحكينه
واجيب احلى من اللي بتحكينه واتركج تحكين
تقولين الوطن نور واقول بنور مضوينه
تقوليلي غديت احلى واقول عيونج الحلوين
كلام النام بشفاهج وخفتي لا تصحينه
ذخرتيه الغرام اللي ينام ويتركج تصحين
تغانمتي غيابي لين رجعتي موازينه
تعلم من يدج لمس الكفوف وعلمج تجفين
وليتج لاقية به شي فيني ماتلاقينه
ماهو بغرور لكن خابرج مالج امل تلقين
تغافلج بغلا ولا الحلا ماهو من زينه
تزينه الصور والصحيح ابن الحلال زوين
وانا ماني بناقص عنه يوم إنج اتبدينه
نصيبي هو نصيبي لو يسددها من الصوبين
قنوع بمظهري والسم ما يذبح ثعابينه
على قول المثل ماني حلو لكن ماني شين
اذا اهداج الزهر مره فآنا اهديتج بساتينه
واذا الهاج بفرح ليله فآنا تهت لبكاج سنين
واذا استضعفتج املاكه وشتتج ملايينه
انا حتى فتات الخبزة اقسمها معج نصين
طموحي بس اجي واظفر بشي تستحقينه
تدينته تسلفته سرقته مو مهم منين
كآني من كثر ما ارضى بكل اللي اتمنينه
لو انج تطلبين الله يعنيني بقول آمين
انا ما العب على الحبلين وقت الطيش وسنينه
تبين الحين يوم إني كبرت العب على الحبلين ؟
ترى عند البدو بالذات عيب اللي تسوينه
حلاتج لا عشقتيني تعشقيني ليوم الدين
غرامن نسكن ضلوعه حشيمه من مجانينه
جفا يجمع معزتنا ولا عشق يذل اثنين
اكثار اللي تحدوني وقالو لي تحبينه
امانه لا تخليني صغير بعينهم تكفين
لآني كل ما قالو تخون اقول مسكييينه
عليج الله وامانه علميهم منهو المسكين
انا خايف ليا طاح الجمل تكثر سكاكينه
وانا ماعادت ضلوعي تتحمل طعنة السكين
مثل ما قالو المكتوب واضح من عناوينه
لو ارحل منج للغربه بسافر من ظلامج وين
كفايه كل حلم يمر برقادي تزورينه
كفايه من تفارقنا وانا ما غمضت لي عين
قبل يومين شفتج بالمنام وقمت من حينه
ونمت امس ورجع نفس المنام اللي قبل يومين
[/]
تعليق