توافق من كلام اخته وصوره اربعه بستــــــه !!!!

[كتكووته^^مكتكته]

مساء الخــــــــــــــير




ثلاث سنين وانا اخطط لهذا اليوم يابو سعود
تيسر حالي وجاهز اوفي وعدي بوقته
وفجأه... جتني تتعذر تقول تأخرت الوعود
وانا مستغرب واسمع كأني وعدها خنته
حسبت انها تمازحني وتتصنع جفا وصدود
ضحكت بوجهها من قلب مع انها بايخة النكته ,,
وقالت ,, ارضى بالواقع .. قلبي ما هو المعهود
تغير كل شي صوبك نصيبي ما اظن انته
كنت بيوم محبوبي ولكن ما اظن نعود
وصل من قبل ما توصل وانا ذاك الصبر عفته
ولكن ,, تكفه صدقني ويشهد ربي المعبود
ترى ما خنتك بغفله ولا كلمته او شفته
صراحه.. اهلي قالولي بأنه ولد اصل وجود
وجتني امه بالصورة وبكلمات المدح اختــه
سكت وقلت هي فرصه مدام الجود في الموجود
وقالو كل من حولي علامات الرضا سكته
وانا فكرت دام امه واخته ما عليهم زود
اكيد اني براضيهم اذا وافقت واخترته
واراضي اهلي واخواني مدام ان الفرح مقصود
عطيت الناس انا كلمه ومعاهم وقتي حددته
ولا اقدر اغيرها ترى عند العرب منقود
اوافق واعتذر باجر واقول الراي غيرته


تبي تشرح لي المنقــود ,, تصدق عاد يابو سعود!!
تبيني اقتنع وارضى بحالن عمري ما عشته
انا ماني بقايلها عسى يفرش ثراها ورود
بعد ما حطمت قلبي وطعم الموت جربته
عسى بفستانها اشواك وفي ثوبه عقارب سود
ونارن تحرق الكوشه وتحرق بيتهم حتى
وموت بليلة الدخله يبرد حرتي يا كود
ولا احس انه بحظنه يلامس خد لامسته
علي اهون اذا ماتو ولا بنفس السرير رقود
ترى صعبن علي اتخيل اللي ما تخيلته
عسى قاع الثرى يقسى ويتحول صخر جلمود
وحفار القبر يرفض يسوي فوق مقدرته
ترى دفنة عديم الذات تلوع حتى جبد الدود
ومن خان العهود ومات تعافه حتى مقبرته
عسى ربي يجازيهم بحبلن من مسد ممدود
يعلقهم من اطرافه وفوقه نارن وتحته
انا ماني حقود وشين ولاني من نسل نمرود
ومن حط نفسه بوضعي يقول اللي انا قلته
مدام الفعل له ردة فعل والله ابشري بردود
بدعي دامني حيين وبغرس للدعا نبته
وبسقيها نزيف القلب ودمعن ما رحم الخدود
وتكبر والثمر ثاري من اللي خانني وصنته
انا نذرن علي اكتب وافجر هالقصيد رعود
واسمع كل بشر صوتي عجبته والا زعلته
واردد للي يسمعني اذا حبيت حط حدود
انا حبيت دون حدود وشوف اللي تكبدته
ثلاث سنين انا ابني وجت صوره بكل برود
خذت مني شقا عمري وحلمن قلت حققته
ثلاث سنين انا اخطط لهذا اليوم يا بوسعود
توافق من كلام اخته وصوره اربعه بستـــــــه !!!!
وسلامتكم
القصيده كما قيل لي للشاعر نصار الظفيري ,,
كلمات رائعه ونهايه محزنه لحبيبين جمعها الحب العذري والوعد بالزواج ,, ثم تأتي المفاجأه وتوافق المحبوبه علفى عريس اخر بمجرد رؤيه صورته وسماع سيرته من اخته وامه
الله يكون بعون كل من مر بمثل هالتجربه

[شمري شاب النار]

أولا يشرفني أكون أول من رد على هالجلب الطيب

ثانيا

صح لسانج ملااايين ولسان الشاعر الكبير نصار


وتسلمين يابعد زوليـ على هالجلب

دمتيـ كمـا أنتيـ

[كتكووته^^مكتكته]

وانا اتشرف يا ولد العم انك اول الرادين

حياك الله
اسعدني تواصلك

[! احلى ^ شمري !]

الله الله عليج

وربي اليوم بتليفوني اسمعهاا وناوي اكتبها اهنيه بس سبقتيني

((تسبقيني بالجنه انشالله يالغلاا))

وتسلمين وصح لساانج ولاهنتي ع النقل : )

حمد الشمرري

[AWRAD]

..

كتكوتي


تسلمين اناملج على النقل الروعه
كلماتها قـــمة .. وتعور القلب

صح لسان شاعرها
ولا تحرمينا من جديدج حبيبتي


:)

..

[كتكووته^^مكتكته]

عذب بكلامي

انا وانت واحد
واثنينه بالجنه يا رب
منورني دوم

[كتكووته^^مكتكته]

ورودتي

سلامة قلبج يالغلا
دوم منوره حبيبة قلبي
لا خلا ولا عدم

[3boOod]

سامعها هاذي عووار قلب

وصح لسانج كتكوووته

وتسلمين على الشعر

[طفوليه حدي]

صــــــــــــــــــــــــــح السانك الي ينقط عسل

؛)

بانتظار جديدك حــوؤبي

[عاشقــ تويتي ـة]

وااي انا هالقصيدة تعذبني وانتي أدرى


كله كوم وهالبيت كوم

(( تبي تشرح لي المنقود ... تصدق عاد يابو سعود ))


كت كت الله يعطيج العافية

[عيميه^بدويه]

تسلمين غناتي عالنقل الرائع فعلا كلمات رائعه من واقع نشوف ونسمع عنه كل يوم الله يكون بعونهم وتسلمين مره ثانيه

[paradies_q8]

السلطااااااااااااااااااانه



ولي من فيكي ظله وبعض وروده


مو طماع
:)




ت س ل م
اناملج







نقرأ للكـــــثير بس عند السلطاااااانه نــــــعود
لجـــل هي اللي اغرست لطيــــب بذرتــــــــه
اصل .... فصل .... ونـــــعم الجــــــــود
هي اللي لا صحت من نومها للصباح زعلته












عـــــــــــــ المناره ــــــــــــز
ابصرو النور فلم تعد الدنيا بعدهم كما كانت

[مرريوومه]

يسلممممممممممو علي الشعر

[كتكووته^^مكتكته]

عبود
صح ابدنك
منور يالغلا

[كتكووته^^مكتكته]

طفطف

يسلمج ربي من كل شر حبي
منوره دوووووووووووم