هذه ريوف الشمري ترد على صاحب القصيدة التي أنتشرت عبر أثير الجوالات

[بدوية]

يالله انـك لاتـعـود العسكـريـه = النصيب اللي على البدلـه حدانـي
لبسونـي لبسـة ٍ ماهيـب لـيـه = درعونـي باللبـوس المشبهانـي
دربونـا مثـل تدريـب المطـيـه = والصعـب منـا يعـود مطوعانـي
يالله انــك لاتحملـنـا زريــه = حيـث حنـا للمعاصـي ماندانـي
ياوجودي وجـد حمـر ٍ عيدهيـه = ساقط ٍ فيها الحقب ويـا البطانـي
فوقهـا قـرم ٍ ببـا كـور ٍ قويـه = من ورى العارض يبي دار شهراني
قطـر القربـه وقدمـه قيهمـيـه = مع زوال الظهر يوم الشوف دانـي
هسها العرقـوب والديـره رديـه = لين دم الجوف بالذرعـان حانـي
او وجودي وجد عرب ٍ فوق طيـه = في لهيب القيظ معطيـت ٍ ثمانـي
هملـن عيالهـن بـارض ٍ خليـه = واصبحـن اعيالهنـه ذيهبـانـي
يوم جـن البيـر لياهـي جاهليـه = مـا عليهـا لا ورود ولا محانـي
بركن بالشمس تصهرهـن شويـه = كل منهن كنها الخـرص الهلالـي
لو بغيت ادله طرى الطاري عليـه = واستحس القلب والهاجوس جانـي
يوم اشوف الدين مرتجـدا ً عليـه = والظهر عريان والجـوع يحدانـي
طالبك رزق ٍ تحطه فـي يـد يـه = ماعلى بابـه شريـف ولا هدانـي [/poem]

للشاعر /عواض بن ضيف الله الشـــلوي




واليكم رد ريوف الشمري على هذه القصيده

وسِّـع الملعـب لقـاف الشمريـه = وسّعه للحـق أنـا بطْلِـق عنانـي
خلني لا تْحِـط قيـدك فـي يديَّـه = ولَّعَـتْ ألفـاظ شعـري و المعانـي
جمـرةٍ كتمانهـا صعـبٍ علـيّـه = كل شاعر لا كِتـم شعـره يعانـي
يشتِعل من شـان يسْتهـدي بضيّـه = كلّ طرقي في دروب الليـل عانـي
هزّنـي شاعـر سمعتَـه فـي عَشيّـه = (عسكريٍ) يشتكـي مـرّ الزمـانِ
قـال (ربـي لا تعـود العسكريـه) = (و الزمان اللي على البدله حدانـي)
قلت أكيد الرجل واقـع فـي بِليّـه = أو مصيبـه صكِّتـه بيـن المحـانـي
قـال وشـو (درّبونـي كالمطيّـه) = و اتِضح مقصود شعـره لـي وِ بـانِ
طار قلبي و أثـري الدعـوى كِذَيَّـه = ما أقول إلا يـا دانـه دانـي دانـي
استلمها جَتْك نِصـح اخـتٍ لِخيَّـه = ولا أبي من وقتـك إلا لـي ثوانـي
قُمْ وِ صلي و اردع النفـس الشِقيّـه = و احمد اللي يرتجيـه إنـسٍ و جـانِ
الله اللي مـدّ لـك رزق و عطيّـه = حـرِّك بحمـده يدينـك و اللسـانِ
كان شغل (العسكري) متعب شِويَّـه = قبلك اللي من التعب عـضّ البنـانِ
الرجـال اللـي يخوضـون المنـيّـه = كلّ صعـبٍ يَحْمِلُـون إلا الهـوانِ
إسأل الصحرا وِ صمـت المهمهيّـه = عن فعايلهـم وِخِـذْ منهـا البيـانِ
كيف شقّوا بالصخر مجـرى وِ مَيّـه = كيف عاشـوا مِـعْ ذيابتهـا بأمـانِ
صادقوا في مشْيُهـم شمسـه وِ فَيّـه = وِ عْقِدوا مَعْ بـرّده و قيظـه رهـانِ
كلّ من له نفـس صبَّـاره و حَيَّـه = بإذن ربـي يقطـف ورود الأمانـي
لا تِشَكّى ... أشهـد إن العسكريـه = غِصن رزقٍ وارفٍ رطْـبٍ وِ دانـي
كَمِّ بيتٍ من وراهـا شـبِّ ضيِّـه = يغْرِفـون اللحـم دايـم بالصوانـي
و كم راسـب بالفصـول المدرسيّـه = ما لقى فـي غيرهـا رزق و مكـانِ
(جندي) و راتِبْه خمسُ وكـم ميّـه = نعمـةٍ مـا يجحـده غيـر الجبـانِ
اضربوا (للعسكـري) أحـلا تحيّـه = لَوْ هُ (جندي) أشهد إنـه راعِ شـانِ
حَيِّ (عَينه) لا غَفـتْ عيـن البريّـه = أسْهَرَه لجل الوطـن حـبّ و تفانـي
اللي لا صِحْنا رمى (روحـه) هديّـه = يوم غيره مـن غـلا روحـه أنانـي
لا تلومونـي بـحـب العسكـريـه = لو أغنـي دَهْـر حُبـه مـا كِفانـي
خيرهـا طَـوّق بَعَـد ربـي يِديّـه = رزق (ابوي) وْ شِغل (اخوي) بهالزمانِ
و أنـا بنـتٍ لا جحـود ولا غبيـه = و احمد اللي بالرضـا دايـم كسانـي
في ردودي دوم لي ب(النصـح) نِيّـه = لا طلب شهره ولا هـو شـي ثانـي
عِنْد هـذا البيـت وَقَّفـتْ المطيّـه = وِ اكتمل ردي عسى المقصـود بـانِ [/poem]

اتمنى ان تنال على اعجابكم



منقووووووووووووووول

[! احلى ^ شمري !]

كيف شقّوا بالصخر مجـرى وِ مَيّـه = كيف عاشـوا مِـعْ ذيابتهـا بأمـانِ
صادقوا في مشْيُهـم شمسـه وِ فَيّـه = وِ عْقِدوا مَعْ بـرّده و قيظـه رهـانِ

اللــــــــــــــــــــــــــــــه علييييييييج يابدويـه يالغلااا

نقله موفقـه وصح لسانج ولساان شاعرتهاا ولاهنتي ولاهاان نقلج

يسعدني ويشرفني اكون اول من يرد على موضوعج الراائع وعلى القصيده المميزه

وتسلمين دمتي كما انتي يالغلاا

[بدوية]

صح بدنك اخووي عذب
انا اللي اتشرف بردك يالغلا

[غلايا]

حَيِّ (عَينه) لا غَفـتْ عيـن البريّـه = أسْهَرَه لجل الوطـن حـبّ و تفانـي
اللي لا صِحْنا رمى (روحـه) هديّـه = يوم غيره مـن غـلا روحـه أنانـي

أنا أشهد ..صح لسانها ولسانج ..يالغلا بدوية ودامت لنا مواضيعج الحلوة
وتسلمين لأني حبيت القصيدة اللي ردت فيها عليه يسلم لسانها ولاهانت..:)

[kaka 22]

ياسلام والله روووعه


صح لسانج ولسان الشمريه


يعطيج العافيه ع النقل

[AWRAD]

..

بدويه


تسلمين حبوبتي على هذه المشاركه
وايد عجبني رد ريوف

لا تحرمينا من المزيد من مشاركاتج
بانتظار جديدج

لا تحرمينا

:)

..

[بدوية]

غلايا صح بدنج مشكووره حبيبتي ع المروور العسل

[بدوية]

صح بدنك كاكا اسعدني مرورك

[بدوية]

اوراد مشرفتنا الغاليه تشرفت بمرورك صح بدنج يالغلا

[كتكووته^^مكتكته]

تشكرين غلاتي بدويه
والنعم والله بالشمريه وبكل القبايل

بانتظار جديدج

[بدوية]

مشكووره كتكوته ع المرور العسل ماعليج زود يالغلا

[paradies_q8]

بدويــــــــــــــــــــه



مسائج كرز
و
تشكرين علي النقل الفريد وتسلم ايدج

واسعدنا تواجدج


ولي رد علي الاثنين وان اصبت فيه خليه وان اخطأت شطبيه
---


يا عواض حياتك شقا وانت بالعسكريه ------ وياشينها لاصرت حارس للمعسكر وحداني
ان كان علي الرزق تراه من رب البريه ------ واطلب العافيه دام لك عقل(ن) ولسانـــي
وانتي يا ريوف ان كنتي حضريه ولا شمريه ------ تري حب الوظيفه بهالزمن ينعد الثاني
وخلكم الاثنين ونصيحتي لهذى البنت البدويه ------ تراج توفقتي وكسبتي معاي الرهانــي















والله ماوراء القصد
عـــــــــــــــ المناره ـــــــــــــز
ابصرنا النور فلم تعد الدنيا بعدنا كما كانت

[بدوية]

ولي رد علي الاثنين وان اصبت فيه خليه وان اخطأت شطبيه
---


يا عواض حياتك شقا وانت بالعسكريه ------ وياشينها لاصرت حارس للمعسكر وحداني
ان كان علي الرزق تراه من رب البريه ------ واطلب العافيه دام لك عقل(ن) ولسانـــي
وانتي يا ريوف ان كنتي حضريه ولا شمريه ------ تري حب الوظيفه بهالزمن ينعد الثاني
وخلكم الاثنين ونصيحتي لهذى البنت البدويه ------ تراج توفقتي وكسبتي معاي الرهانــي

تسلم اخووي اسعدني مرورك العذب لاخلا ولاعدم