قالو مغرور وقالو وقالو ومـآهمني ما قالو..

[ميلاني]

قالوا ترى بالامـْسيه فيه جمهور

قلت البلى هو يقبل الشعـْـر منـّـي


قالوا تخاطر .. ليه ما أنته بمجبور

قلت المخاطر طبع من صغـْر سنـّي


قالوا ولو يمكن يقولون مغرور

قلت الغرور أبعد من الشمس عنـّـي


قالوا و صوتك ما يساعدْك بظهور

قلت إمـْـسيه ما نيب طالع أغنـّـي


قالوا طموحك ودّك إتصير مشهور

قلت إمـْـنيه و آنا كثير التمنـّـي


قالوا قصيدك فيه ضعف و به إقصور

قلت القصيد إفنون و العشق فنـّـي


يكفي قصيدي كله إحساس و إشعور

طالع من الخاطر و لا به تجنـّـي


أكتب قصايد حب عاشق و مقهور

من قلبه اللي في غرامه يونـّـي


و لو إمتلى كل المدرّج بجمهور

ترى الحضور إعيال ديره و منـّـي

[MiSs-GuCci]

أكتب قصايد حب عاشق و مقهور
من قلبه اللي في غرامه يونـّـي

صــح لســانك ولاهنــــت يالــغلا
حرووف بهــا ثقه كبيــره
كلــمات رائــعه وأكثر من رائـعه
واحساس مـرهف من قلــم مبدع
كــــــــقلمك..

لك ارق تحياتي

[ميلاني]

هلا ميس قوتشي مشكووره عالردود وعساج عالقوه وانتي االاحلى والله خيتوو مشكووره

[يسوف زيران]

يسلموووو على القصيده النايس لاخلا ولاعدم

[ميلاني]

يسلمك ربي ويخليك ومشكور عالمرور

[ŋαŋ]

يكفي قصيدي كله إحساس و إشعور

طالع من الخاطر و لا به تجنـّـي


أكتب قصايد حب عاشق و مقهور

من قلبه اللي في غرامه يونـّـي


---

روعــــــــه


ميلاني

صح لسآنك ولا هنت يا الغلا

تسلم أيدينك

[AWRAD]

..

ميلاني


تسلم ايدك على النقل
ولو اني كنت اتمنى انك تذكر انها منقوله

الله يعطيك العافيه على هذا الاختيار
نورتنا بوجودك وحضورك المميز

الف شكر لك

..