تويت
صراحه عندي قصيدة جميــله في احسـاسها .. وحزيـنه في معانيها .. وللأسف ماعرف صاحب القصيده هذي .. بس الله يعطيه العافيه كاتب الكليمات الجميـله .. سواء كان رجل آمــ آمرأه .....
وين أنت ياحمدان أمك تناديك
...
وراك ماتسمع شكايا وندايا
...
يامسندي قلبي على الدوام يطريك
...
ماغبت عن عيني وطيفك سمايا
...
هذي ثلاث سنين والعين تبكيك
...
ماشفت زولك زاير يا ضنايا
...
تذكر حياتي يو اشيلك واداريك
...
والاعبك دايم وتمشي ورايا
...
ترقد على صوتي وحضني يدفيك
...
ماغيرك احد ساكن في حشايا
...
واليا مرضت اسهر بقربك واداريك
...
ماذوق طعم النوم صبح ومسايا
...
ياما عطيتك من حناني وبعطيك
...
تكبر وتكبر بالأمل يامنايا
...
لكن خساره بعتني اليوم وشفيك
...
وأخلصت للزوجة وانا لي شقايا
...
انا ادري انها قاسيه ماتخليك
...
قالت عجوزك ماأبيها معايا
...
خليتيني وسط المصحه وانا ارجيك
...
هذا جزا المعروف وهذا جزايا
...
ياليتني خدامة بين اياديك
...
من شان أشوفك كل يوم برضايا
...
مشكور ياولدي وتشكر مساعيك
...
وادعي لك الله دايم بالهدايا
...
حمدان ياحمدان أمك توصيك
...
اخاف من تلحق تشوف الوصايا
...
اوصيت دكتور المصحه بيعطيك
...
رسالتي واحروفها من بكايا
...
وان مت لاتبخل علي بدعاويك
...
واطلب لي الغفران وهذا رجايا
...
وامطر تراب القبر بدموع عينيك
...
ماعاد ينفعك الندم والنعايا
وســلامتـــكم
تعليق