يبا شلونك؟؟

[السندريلا]

السلام عليكم

قصيده مليئه بالدموع اعجبتني فحبيت ان تقراؤوها


مرثية الشاعر ناصر الدوسري في والده ( رحمه الله )

مرثيه جميله في معانيها ومؤثره في نفس الوقت شاركوني جمالها


يبه شلونك

ملل هالكون من دونك ..

يبه شلونك ؟؟

وتمضي رحلة الدنيا..

بليا طلة عيونك..

يبه شلونك ؟؟

وشلون المرض وياك ؟؟

بعد ماهدك بدنياك..

عساها تغمض جفونك ؟؟

تبي تدري عن احبابك ؟؟

عن عيون تغنا بك ؟؟

عن قلوب دفنها الشوق..

واذا جاها الغفا جابك ؟؟

.. يبه امي تخيلك دوم

تغني لك مع القمرا..

يبه واللي خذاك بيوم..

خذا بكريتك عفرا..

خذا.. وياماخذا.. وياما..

خذا ناس يحبونك

يبه حنا غدينا كبار..

توفقنا وتخرجنا..

يبه ماعاد فيه صغار..

يموج بهالزمن كل شي..

وحنا ماتموجنا..

على ذاك العهد نسري..

نبيع العمر والدنيا..


ولا تخلف بنا ظنونك

يبه شلونك ؟؟

تبي تدري عن اخباري ؟؟

عن افكاري وتذكاري ؟؟

اشيلك داخلي جمره ..

وبعيون الحزن عبره..

تغرقني .. وتحرقني..

اشوفك نجمة تجبر..

مراعيها .. يراعيها..

واشوفك للرجوله اسم..

اذا شد الزمن تقسى..

واحلم من معاني الحلم..

احسك مقبل بكرى..

وعيا لايجي بكرى !!

يبه تذكر زمان مر؟؟

لاقالو عمر؟؟

هو احلى مابهذا العمر..

يبه تذكر مجالسنا ؟

مقلطنا ومجلسنا ؟

وحارتنا ومسجدنا ؟

يبه تذكر هدايا العيد ؟

صلاة العيد؟ وبشت العيد؟

يبه تذكر سوالفنا ؟

لاجل هذا ..

وكل هذا ..

اقول اليوم يابيي ..

ملل هالكون من دونك

[صريح..!!]

الله على روعة الكلام من قلب مليان حب وحنان وحزن على فرقه ابوه

الله يعينه ويعين الجميع


مشكوره على النقل الجميل


دمتي لنا سالمه ان شاءالله من كل شر يارب

مع السلامه

[دلــ بزياده ـــع]

ثانكس يـ جوريه روعه

فعلن كلمات في قمة الروعه والتعبير القوي

اختيار موفق لـ القصيده

..

[AWRAD]

..


مرثية مؤثرة جدا .. وكلماتها في قمة الحزن

صعب ان الانسان يفقد شخص عزيز .. خصوصا الاب .. وبعدها تمر عليه لحظات .. يتذكر مواقف .. يتمنى ان هذا الانسان معاه .. يناديه .. يدوره .. لكن ما يلاقيه



جوري


اختيار موفق حبوبه
شكرا لهذه المشاركه اللي نثرت الورد في القسم
وعطرته باجمل العطور

بانتظار جديدج
لا تحرمينا من تواصلج

..

[بـخـأطـرك]

رحـمـة الله عليه

ومرثية مؤثرة

سلمتي أختي ألجوري

ولاهنتي

[كتكووته^^مكتكته]

جوريه

تسلمين حبيبتي والله يعطيج العافيه
ويديم حس ابوج يارب ويخليه لج
وله ولج طولة العمر

[عمـري]

شكرا اختي على الكلمات الجميله


وصح لسانج


وننتظر المزيد

[السندريلا]

ما احب اليهال

العفو اخوي

فعلا ما يقول هالكلام المعبر الا القلب المليان حب وعطف

[السندريلا]

دلوعه ماما

العفو


منوره بطلتج

[السندريلا]

صح اوراد مو سهل فقدان شخص عزيز وصعب جدا جدا وخصوصا للي جربوا هالشعور

والي يكفينا الشر

مشكوره وما تقصرين

[السندريلا]

شمري

الله يسلمك اخوي

اشكرلك مرورك

[السندريلا]

كتكوته

الله يسلمج والله يخليه انشالله

ويطولي بعمره يا رب

[السندريلا]

العفو اخوي عمري

وصح ابدنك


يسلملي مرورك

[علي العبداني]

السلام عليكم ورحمه الله وبركاته

قال تعالى((انك ميت وانهم ميتون))
رحم الله اموات المسلمون جميعا

ومرثيه حقا محزنه وساميه في معانيها
والف شكر لج اختي الجوري ووفقتي في اخيارك
وتقبلي مني
ارق التحيه
اخوك
علي العبداني