قصــيــده محـــزنـــه جــداً (الــقـــصـــاص) ..!

[أمونه]

مســـاء الخيـــر

... اقروهـااا كاملــه راح تعجبكـــــــــــم ...


هذه قصيده تحكي معاناة انساااان بسبب غلطه غير مقصوودة انتهت حياته ..

سلطااان بن رباح كان له اخ لم تلده امه اخ دين ودنيااااااااا .. هووو محمد بن عقيل ..

كان اخوتهم على وضح النقااا .. ومن زود ما يغلي محمد سمّى ولده البكر محمد على اسم خويه ..

كانوااا يعشقووون الصيد .. وفي رحلة من رحلاتهم وفي فتره الظهيره ..

كان محمد يجهز الغداء وسلطان ينظف السلااااح ومن غير قصد وبدون علم بوجود الطلقه في

مخزن السلاااح انطلقت الرصاصه

لتسكن في قلب محمد وترديه صريعاااااا ..

ولم يكن عندهم احد ..

وضع سلطان في السجن .. وبدات المشايخ بالوفود على اهل محمد لكي يصفحووو عن سلطان

ولكن بدون فائده ..

وصدر الحكم عليه بالقصاص ....

وبعد التنفيذ .. ومصادفة ً صار قبر سلطان في جنب قبر محمد ..

وصلتني القصة وتأثرت بهااا ونظمت هذه القصيده التي تحكي واقع القصه ..

لا اطيل عليكم .. هذه القصيده بين ايديكم ..


::


يا فلاح الهـم خيّـم فـوق قلبـي يـا فـلاح
كيف تبغاني اسولـف وانـت خابرنـي عليـل

ويش قولك في عليل ٍ في حياتـه مـا ستـراح
تنتثر دمعـة عيونـه لاظلـم الليـل الطويـل

حالته لا ما تباعد حـال ( سلطـان الربـاح )
بالخطا راحـت حياتـه والخطـا مالـه مثيـل

كان ويّا صاحبـه اثنيـن فـي أرض ٍ بـراح
يطردون الصيد دايم من صبـح ليـن المقيـل

اجمعتهم صحبة الدنيـااا علـى جـد ومـزاح
مـا يهابـون الليالـي والحمـول اللـي تميـل

ما قتل عامـد ولكـن ثـوّر ابليـس السـلاح
بالخطا ثـار السـلاح ويـن يلقـى لـه دليـل

انعقد سجنه .. وربعـه تنتظـر فـك السـراح
والاكيد انه سجين وما رضـووا ربـع القتيـل

هل دمعـه يـوم صلّـى ركعتيـن فالصبـاح
في نهار الجمعه اللي مـن ثقيـل ٍ فـي ثقيـل

هلّل وكبّـر .. ونفسـه تذكـر اللـي راح راح
كان في ربعه عزيز .. وذلّـه الوقـت الذليـل

(لا محمد لا تهانـي لا سعـود ولا صـلاح )
كلهم كانوا على بالـه وهمّـه فـي ( هديـل )

طفلة ٍ مـا كمّلـت عاميـن صايبهـا كسـاح
وانتثـر دمعـه وحالـه مـن سبايبهـا نحيـل

حان تنفيذ القصاص .. وغطوا الراس بوشـاح
وجاك سيّافه يشيل السيف ابـو حـد ٍ صقيـل

ارتخى راسه .. وزاد الموقف الحامي صيـاح
بين نوح وبين دمع وبيـن صيحـات وعويـل

وارتفع صوت الحشود .. وزاده محمد وصـاح
يا يبه تكفـى دخيلـك تستمـع قـول الدخيـل

يا يبه وشلون نصبر كيـف نهجـع بارتيـاح
وانت من دنيااا عيالك ماخـذك مـر الرحيـل

يا محمد .. هاك علمي واحفظه قبـل المـراح
انتبـه لاخوانـك وبالـك عليهـم لا تعـيـل

والله الله .. فالصـلاة وفالصيـام وفالصـلاح
والله الله .. ف( امكم ) والله لكم بعـدي كفيـل

غمّـض عيونـه ونفسـه تطلـب الله السمـاح
رافـع ٍ سبابتـه .. ( مظلـوم ) والله الوكيـل

سل سيّـاف الصفـا سيفـه ودقـه ثـم طـاح
راس (سلطان المراجل ) وانتثـر دمـه يسيـل

غسلوه .. وكفنوه .. وفاح طيب السـدر فـاح
وبالمصادف صار قبره جنب قبر ( ابن العقيل )

يا فلاح .. الكارثه ما هي سوالـف يـا فـلاح
خلنـي ساكـت ودوّر غيـر هالقصـه بديـل

::

للشــاعر القمــه : جزاء البقمي

[انسان اخر]

ما قتل عامـد ولكـن ثـوّر ابليـس السـلاح
بالخطا ثـار السـلاح ويـن يلقـى لـه دليـل
صح لسانة

والله يرحمهم وفعلن قصة محزنة
وانشا الله صدقين في الدنيا وصديقين في الجنة باذن الله
وتسلم ايدج علي الكلام الحلوووووووووووووووووووووووو
ناطرين ابداااااااعج وجديدج

[أمونه]

انسان اخر

يسعدلي تواصلك اخوي

الله يسلمك .. لاهنت

نورتني

[علي العبداني]

سل سيّـاف الصفـا سيفـه ودقـه ثـم طـاح
راس (سلطان المراجل ) وانتثـر دمـه يسيـل

غسلوه .. وكفنوه .. وفاح طيب السـدر فـاح
وبالمصادف صار قبره جنب قبر ( ابن العقيل )

..................
صح لسانج اخت
امونه
وصح لسان الشاعر
ولاهنتي على القصيده
حقا انها محزنه بحق
ولقد تاثرت منها جدا
فالقصيده قد جسدت
الموقف وكيف كان
فبحق انه لموقف صعب
وان هذه القصيده لمن اجزل القصائد
والف شكر لك اختي الغاليه
على هذه القصيده
تحياتي

[أمونه]

علي العبداني

يسلملي هالتواصـل اخوي

الله لا يهينــك ولاعدمتـك

نورتني

:)

[نوف شيختكم]

حرااااااااااااااام

والله حزييييييييييينه من قلب جسمي كش منهااااااا

الله يرحمه وتسلميييييييييييييييين

[أمونه]

تسلمين يالغلا نوف عالمرور

لاعدمناااك

[AWRAD]

..

امونه


ابدعتي بالنقل حبيبتي
قصيده مؤثرة ورائعه بنفس الوقت
صح لسان شاعرها
وتسلم ايدج

الف شكر لج
وعساني ما انحرم من نورج

..

[أمونه]

ورودتي

لاهنتي يا غلاي

لا عدمتــــج

[كويتي ذرب]

يسلمموووووو امونه عل القصه او
القصييييده الروعهههه
...........................

[*TanTosHa*]

ألف شكر لج خيتي على القصيدة الرائعه
ومشكورة وما قصرتي
^_^

[BaSKo0Ta]

والله تنتحت


قصه مؤلمه جداً .. وأكثر ما أحزنني وأبكاني ..


غسلوه .. وكفنوه .. وفاح طيب السـدر فـاح
وبالمصادف صار قبره جنب قبر ( ابن العقيل )


شوفي الصدفه عاد !!

ميرسي امونه على القصه والقصيده ..

[المتكتك]

صح لسانج ولسان شاعرها

ويسلمو على النقل الموفق


وشكرا

[kaka 22]

غسلوه .. وكفنوه .. وفاح طيب السـدر فـاح
وبالمصادف صار قبره جنب قبر ( ابن العقيل )

ربع بالدنيا وربع بالاخره

قصه مؤلمه جدا وغلطة الشاطر بالف


يعطيج العافيه امونه

[ميلاني]

صح لسانج خيــتو ويعطيج العافيه على هالقصيده الحلوه والحزينه
حلوه لانها مسطره ومعطره وبجيس عود ودهن من المرشد والعويد والقريشي مبخره من امونه هههههههههههه اعجبج ها
< الله يخلي محمد الويس
وحزينه لانها صج تمثل واقع بحياتنا
وشاكرلج اختي مره تاااااااااانيه تآبريني