ما عـــدت .. تــ ع ــنـيـنـــــي ..!

[عازف السيمفونية]

قصيده ..

لآيفهمها إلا المتخاذلون أمثالي ..

حينما بدأت في كتابتها ، أقصد نزفها ..
أحسست بإني في كل لحظه ، كلمه ، شطر ، بيت ........ أختنق
ورائحة الجرح لا تفارق أنفي ..

ورحمةً منا بالقلوب المرهفه ، صاحبة النبض الهادئ ..
التي لا تحبب الغوص في أعماق شاعر مؤلم ..

يرجى عدم الدخول إلى هنا ..

لإن الرحله مؤلمه ، والطريق سوداوي لا يحتمل المجازفــه ..


أدعكم معها ..

أتمنى أن تحوز على بعض من إستحسانكم ..



شفت الغرام اللي طعنته بيمناك
ما عاد يعنيني ولا عدت أعنيه

إجمع بقايا قصتك مع هداياك
قلب(ن) رميته بالغدر لا توصيه

أزريت أعذرلك وأبرر خطاياك
ومليت من كثر العتب والمشاريه

وأتعبت قلب(ن) بالعنا يتبع خطاك
وإنتي بسلامة خاطرك ماتبعتيه

حتى الحزن من غيبتي يوم ما جاك
كن يوم حزني تنطره وتحتفل فيه

ياما على شانك تجرعت بلواك
وياما على شانك رفيقي أعاديه

وياما طريق(ن) سرتبه لنه ممشاك
وياما تحملت العتب وإنت تشكيه

وياما ( فرح جفني ) بكى يوم فرقاك
وياما ذرفت لغيبتك من مواقيه

وياما تحاليت السقم من عطاياك
وياما فؤادي حسبك وإنت ناسيه

وياما وياما ..... وياما قلبي أعطاك
وإنتا ولا مره تنازلت تعطيه

واليوم مع غيري أشوفك وألقاك ؟
متهني بقربه / وتحبه ، وتغليه

عساه بس يحبك ويطلب رضاك
وعساك في قربه وحبه تهنيه

وعساك ماتذكرني بيوم لا جاك
وتشكيلي خل(ن) بايعك وإنت شاريه

ولا عاد تطريلي سبايب مجافاك
قلب(ن) عشقته بالغلط ..!! لا تطريه

لن الغرام اللي طعنته بيمناك
ما عاد يعنيني ولا عدت أعنيه

وســلامـتـكـــــم ..


ملاحظـه : (( أقسم بالله إنها لي :) )) ..!



ع ـــآزف

[عزيّز العيباني]

ولا عاد تطريلي سبايب مجافاك
قلب(ن) عشقته بالغلط ..!! لا تطريه

هالله هالله ..؛

صـــــح الله لســآآنـَك مليــآآر و لآ تكفـىىىيُ ..؛

و الله لآ يهينـَك يآ غلآآىيُ عليهـآ ..

عسـىى الله يكفيـك شـر الخيـآنـه .. حتىى لو انك ذقتـهـآ عسىىآهـآ تكـؤن خـيرهـ

سـَلمـت أنـآمـَلك علىى هالكتـآبه


تقبـّــل مروري مرور الكرآم

مـ؟ـع التحيـه ^_^

[أمونه]

وياما وياما ..... وياما قلبي أعطاك
وإنتا ولا مره تنازلت تعطيه

واليوم مع غيري أشوفك وألقاك ؟
متهني بقربه / وتحبه ، وتغليه


ع ـــــــــــازفـ ..!

مبـــدع كمــا تعودنــــــا عليك .. لا اله الا الله .. وصح الله لسـانك

ابيــــــــات جميلــــــه وحزينــــــه .. والله يبعـد عنك الاختناق ويسعدكـ :)

نحتـــري المـــــــــــزيد والمـــــــــزيد من ابداعـــــــــاتكــ .. الله لا يهينــــك

[kaka 22]

عازف

والله طلعت مو هين مشاء الله عليك قصيده قمه والله
ولا توقف كتاباتك والله اذا تميت جذي راح يكون لك مستقبل شعري
صح لسانك مليووون

قواك الله

[عازف السيمفونية]

صح بدنك ... خؤني

تسلم طلتك

والله لآيهينك ،،


لـِ مرورك إختلاف .. :)




ع ـــآزف

[كتكووته^^مكتكته]

صح السانك عازف
ولا هنــــت


وليه تقسم ؟؟!
حد يشك بمقدرتك

دايما نتوقع منك الصعب
ومن قالك المتخاذلين هم بس اللي يفهمون
الله يعطيك العافيه

[عازف السيمفونية]

تسلمين .. أمونه

صح بدنك ، ولايهينك على هالتشريف

مشكوره ، على الكلام الطيب ، والطيب منبعه الطيبه
وأظنك أهل لهالطيبه :)

ألف شكر على المرور .. أمونه
لآهنتي


ع ـــآزف

[عازف السيمفونية]

kaka

توك تدري إني مو هين ؟

أنا من زمان مو هين ، ولاني بسيط :p



صح بدنك ، والله لآيهينك

ونحن لا نطمح لـ المستقبل من خلف شعرنا ، دائماً نكتب لإننا نريد الكتابه .. فقط

ربما كانت إنتفاضه لإحساس
وربما نزوه شعريه ..

أجبرتنا على النزف ، الجزف ، العزف ..!

شئ من ذلك :)


تسلم على طلتك ، وإشادتك kaka
محل تقدير ..




ع ـــآزف

[عازف السيمفونية]

صح بدنك .. كتكوتة
ولا يهينك ..


وأنا أقسم ..!! لإني ماعمري كتبت قصيده هنا ومالقيت رد ( شكراً على النقل ) ..!

فـ حبيت إن الصوره تكون باينه و واضحه أكثر ..


والمتخاذلون عزيزتي ..

هم أشباهي ..!
الذين حينما أكتب ويتم نزفي من قبلي ، يستشعرون ما أمر بـه ..

ويتعايشون مع أدوار القصيده كامله ..
وكأنهم هم من كتبوها ..

لذلك أكثر المنصفين لي .. هم أشباهي أصحاب التخاذل الأعظم ..

شكراً على مرورك ..

ودمتي أريجاً .. :)



ع ـــآزف

[فهدون]

:icon_lol: :icon_lol: صح السانك عازف.

وكلاااااااااااام جميييييييييييل المقطوووعه كان الاحساس فيها يعيه المتلقي من ثاني بيت بالكثييييييير.
البيت الاول(المطلع) كان بركاااااااااااااان وصفّقت له كثيرا وكان جدير أنه يختم القصيدة أيضا.
وفااااااااااااااااااااااااااالك المليون

[عازف السيمفونية]

صح بدنك .. فهدون

تسلم على المرور
لآهنت


ع ـــآزف

[العبداني علي]

صح لسانك اخوي
عازف
ولاهنت على القصيده الروعه والجزله
مع انها تحمل في طياتها المعاني المؤلمه
فمالنا الا الصبر ياخوووك
((فصبر جميل ))
والله لا يهينك
لمزيدك يا الغلا
تحياتي
اخوك
/
ارحم يا زعيم

[عازف السيمفونية]

صح بدنك .. إرحم يا زعيم

الله لآيهينك ..


وماعليش تحملوني ، وتحملوا طيش حزني ..


هذه الصفه المتمرده بي ، أبت إلا أن تنعث الجو دمعاً ....!!!!!


تسلم على المرور الطيب



ع ـــآزف

[الـدلـع مبـتليـنـي]

ســــــــــح لسانك على الابيــــــــــات الروعــــــــــــه

[ŋαŋ]

وياما وياما ..... وياما قلبي أعطاك
وإنتا ولا مره تنازلت تعطيه

واليوم مع غيري أشوفك وألقاك ؟
متهني بقربه / وتحبه ، وتغليه

عساه بس يحبك ويطلب رضاك
وعساك في قربه وحبه تهنيه

وعساك ماتذكرني بيوم لا جاك
وتشكيلي خل(ن) بايعك وإنت شاريه

ولا عاد تطريلي سبايب مجافاك
قلب(ن) عشقته بالغلط ..!! لا تطريه

لن الغرام اللي طعنته بيمناك
ما عاد يعنيني ولا عدت أعنيه


--

كلمات تكسر القلب

تسلم أيدينك يا الغلا
وصح لسآنك ..