وش عطـــــــــانا كل تاريخ القبيله؟؟

[كتكووته^^مكتكته]

مســــــــــاكم الله بالخير
قصيده تحكي مر الواقع
وضيق الحال
وكثره المهايــــــــط !! عالفاضي والمليان

شاعرها ابى ان يذكر اسمه!!!
لان اكيد بداخل كل منا ,,
مالكا للقصيده نفسها



وش نفعنا فعل أبوك وفعل جدي
وش عطانا كل تاريخ القبيله
السوالف ماتجيب ولا تودي
والزمن أصبح نهاره مثل ليله
ناظر الدنيا وتفهم ويش قصدي
وين جدك وين هذاك الدليله
ماتذوق العز والحال متردي
لو تشوف الخير ماتقدر تجيله
علمونا نارد الموت ونعدي
مادروا وش صار بياع البليله
علمونا ننزل وبكره نشدي
والديار اليوم بصكوك الفضيله
علمونا نكرم الضيف المعدي
لاجل يذكرنا ويمدحنا قبيله
أكرمه لو كان يصلخ كل جلدي
ما اتعذر لو ما باليد حيله
كرهونا بالتجاره والمكدي
لو شريت وبعت ضيعت الجميله
والصناعه ماتخص عيال نجدي
لو تجي صناع ياكبر الفشيله
والمراجل تنوخذ صبح وهجدي
مادروا وش صار بياع البليله
والدراسه ماوراها خير يبدي
من درس ضيع حلاله عزتي له
ضيعونا والزمن كله تحدي
كيف ناكل عيش بعلوم جزيله
كيف يارث جنب بيت الله هندي
يوم ورثك نخلتين بالمسيله
شيخنا يبلش على تعيين جندي
ينطل بوجهه ملف جا يشيله
والموظف هيثم بن عماد سندي
يطرد الشايب ويلعن سلسفيله
وان درى انه كان فارس مايصدي
شبت النيران بقلوبٍ غليله
والسبايب ذبح خاله نقشبندي
ينتقم من فعل ربعك في وهيله
حنشلٍ من جوعهم محدٍ يعدي
خال هيثم حج وجدك محتسيله
من يروح للحجاز يقول بعدي
العيال وداعة المولى دخيله
يفخرون بكسب حجاج وعبندي
وكسبنا منهم ذنوب وحنظليله
عاد تدري ليه أنا بيحت سدي؟؟؟
لا وظيفه لا فلوس ولا حليله

وسلامتكم !!
وش رايكم صح السانه ..

[تخيل الدنيا]

بسم الله الرحمن الرحيم

السلام عليكم ورحمة الله وبركاتة

صح لسان شاعرها و تسلم يمينك على نقل هالابيات

بس مع احترامي لك و لشاعر القصيده مضمونها عن شخص فاشل و ما عنده حيله

لان اجدادنا هم الي علمونا التجاره و علمونا اشلون نكسب بذراعنا مو من حكومه ( ما يحترم راتب الحكومه )

فلازم نفتخر بجدادنا و بقبيلتنا و كل شخص يفتخر بقبيلته

<<<< الانسان قبلي حد النخااع

و شكرن على نقل الابيات

بالختام

لك مني اجمل سلام

اخوكم

تخيل الدنيا

[يسوف زيران]

ايد كلامك خيووو

مرسو ومرسوااتوو على القصيدو الجميلووو

[ع ـناديهـ]

صح لسانج ولسان شاعرها لا هنتي يالغلا : ))

[عازف السيمفونية]

الله يعطيك العافيه .. كتكوتة

من ناحية صح لسانه ، فـ صح لسانه :)

لإنه باين من قصيدته إنه شاعر متمكن ويملك مخزون معرفي كبير وهو الباين من خلال مفرداته ..

لكن ماعليش ، ويسمحلي شاعرها ..؟!

إني أقول أن الفكر اللي كتب فيه القصيده خاطئ ، وأكبر دليل إنه أخفى إسمه وهذا شئ يحسبله ويحسب لذكائه .. :)

لإنه لو أردف إسمه بنهاية قصيده ، كان ندم إنه كتب قصيده زي ذي ..


فـ مثلاُ ..

علمونا نارد الموت ونعدي < لا أعتقد أن الشاعر لا يعي أن الموت عند البدو كان من أجل الشرف والأرض والكرامه وغيرها من الأمور المشرفه .

علمونا ننزل وبكره نشدي < باين على الشاعر أنه لا يدرك أهمية ( كسب الرزق ) ومعايشة الزمن .

علمونا نكرم الضيف المعدي
لاجل يذكرنا ويمدحنا قبيله

تعدي واضح من قبل الشاعر على قيمة ( إكرام الضيف ) .. وبالتأكيد أنه لم يعلم أن الرسول أوصى بسابع جار وأوصى كذلك بالكرم ، وأن الله كريم ويحب الكرماء .


والمراجل تنوخذ صبح وهجدي < من الواضح أن الشاعر يعاني من نقص حاد في ( المرجله ) لذلك ومن غير لا يشعر كتب هذا الشاعر حالته ومايمر به ، وهو أن المراجل تنوخذ صبح وهجدي :)



ما أقول إلا ( حسبي الله على البطاله ) التي أنتجت لنا نص شعري عقيم


شكراً .. كتكوتة



ع ـــآزف

[العبداني علي]

صح لسانج ماما كتكوته
وصح لسان شاعرها من حيث البدع
اما من حيث المعنا فقد رد عليه الاخوان وكفوو ووفوا
:)

[كويـتي][F.B.I][]

هاذي القصيده اعرف لمنو
لشخص
كانت قبيلته قبل رذيله بالحقيقه
وماودي اذكرها

لانها كانت بالدرجات السفليه
التي نمتنع عن مناسبتهم بالوقت هاذا

وانا بفتخر بفعول حمر النواظر
والمسكين خله يشيل همه

.
تسلمين اختي كتكوته

[كتكووته^^مكتكته]

تخيل الدنيا
بالنهايه الشاعر عبر عن وجهة نظره
تسلم عالمشاركه

[كتكووته^^مكتكته]

عاشق
العفو
تسلم مشاركتك يالغلا

[كتكووته^^مكتكته]

فولتي
شاكره طلتج الحلوة
منورتني يالغلا

[كتكووته^^مكتكته]

عازف

مريـــــت وكفيت :)
تسلم عالتواصل والرد
شاكره طلتك
وكل يغني على ليلاه

[كتكووته^^مكتكته]

ارحم يا زعيم
تسلم عالطله

منورني

[كتكووته^^مكتكته]

اف بي اي
يستحسن انك ما تذكر
عشان ما تندم
الكل يفخر بقبيلته وانتمائه
واذا انت تشوف ان هالقبيله سافله
غيرك يشوفها من فخر القبايل
منور