(((((((((( الـــــــــســـــــــروقــــــــــة )))))))))))

[بـنـتـ وايـلـ]

((( السروقه )))

شعر " هتون الشريف "
ــــــــــــــــــــــــــــــــــ

انا فرسك اللي جموح وسبوقه
............. وانت لها بين الرجاجيل خيّال

قلبي بدونك من يبلل عروقه؟
............. من يعزف اوتاره اغاني وموال؟!

لك كل عشقه لك حنانه وشوقه
............. غمازتين الخد, والخد, والخال

لك نخلة الخافق, وتمرة عذوقه
............... الدم قهوه والشرايين فنجال

لك بنستي ,خصلات شعري, وطوقه
............... الغره, الشلال, والميش, والشال

لمصافحك كفي عجولِِ شفوقه
............... بعض المشاعر بس باللمس تنقال

اظما لصوتك لاتصالك واذوقه
............... لو ما انت ما والله طلعت جوال

غيرك ولو هامور الاسهم وسوقه
............... لو كان جاوز مال قارون بالمال

لو ترزم ارعوده ,وتكشح بروقه
............... ما بيه زوج لي ولا ابيه رجال

(ابسرق) اعجابك واصير السروقه
.................ابملكك كلك من ايمين وشمال

يا موضة الموضه, ويا ذوق ذوقه
................. من سكبة شماغك إلى ميلة عقال


وسلامتكم

[B a t r n]

الله يسلمج .. :)

هاي القصيده عجيبه ..

واصلي ..

[AWRAD]

..

بنت وايـــــــــل


قصيده رائعه
ونقل أروع

تسلمين حبوبه على الاختيار
وشكر خاص على مجهودج الواضح

لمزيدج

..

[kaka 22]

بنت وايل


صح لسانج ولسان بنت الشريف


ولا هنتي

[بـنـتـ وايـلـ]

الف شكر لكم جميعا

مروركم اسعدني وزادني شرف

لا خلا ولا عدم

تقبلوا تحياتي