.+ يا يمه ارجعي تكفين وطفي شمعة الآهات .. ابيك انتي ولاغيرك على موتكـ تعزيني .+

[MiSs-GuCci]

السلام عليكم
انا قريت هالقصيده في منتدى واثرت فيني فحبيت انقلها لكم وانشاء الله تعجبكم
شاب متهور في قيادته .. تعرض ذات مره إلى حادث وكانت معه أمه فتوفيت وبقي هو علي قيد الحياه وكتب هذه القصيده :




يواسيني وانا الميت وحالـي يجبـر الدمعـات
تسيل من الذي فيني ويبكـي وهـو يواسينـي
وانا ابكي واتنهـد وارسـم بالحـزن لوحـات
يجبروني عشان امشي ورجلـي مـا تمشينـي
قتلت رعايتي بيدي قتلـت الحـب والرحمـات
حرمت النفس من حقها وانا ابكيهـا وتبكينـي
وكنه حلـم قدامـي يقيدنـي مـن الصرخـات
ابي اصحـى ولكـن مالقيـت اللـي يصحينـي
فداك القلب يايمه ومهمـا قلـت مـن كلمـات
صغيره في كبر حقـك بـس اتمنـى تعذرينـي
نهبت الفرحه من بيتي صحيح اني خسيس الذات
صحيح اني ولد طايش وكل ما أسمعـه فينـي
تجول عيونهم فينـي تفصـل منـي قياسـات
وتشيح وجوههم عنـي وكنـي غيـرت دينـي
يظنوا حزنهم اكبـر وهـم اصحـاب هالمأسـاة
وانا اتحدى اذا فيهم ربـع مـا يحتـرق فينـي
نقص قدري بعد موتك وغابـت نشـوة اللـذات
وصـار الهـم عكـازي اباكـيـه ويباكيـنـي
عطيتيني بدون حساب ولا سمعتك تقولي هـات
وانا اشرب حيل من دمك ودمـك مـا يكفينـي
يايمه ارجعي كافي ابجلس معـك لـو لحظـات
واقبل ايدك ورجلك وافرش لـك رمـش عينـي
يايمه ما تحملهم يقولوا فـات مـا قـد مـات
تعالي غيري هالقـول واطيعـك باقـي سنينـي
واترك عادة التدخين وانفذ مـا تبـي بسكـات
واصلي الفجر في المسجد قبل منتي تصحينـي
يايمه ارجعي تكفيـن وطفـي شمعـة الآهـات
ابيك انتـي ولا غيـرك علـى موتـك تعزينـي
وضميني وداويني مثـل مـا كانـت الهقـوات
ما ابي احدن يواسيني ابيـك انتـي تواسينـي
دخيلك بس لا تبكي اذا شفتـي بـي الدمعـات
انـا مـقـوى ابكـيـك اذا انـتـي تبكيـنـي



::


منقــولهـ

Miss-Gucci

[كويتي قديم]

لا الله الا الله

لا الله الا الله

ان الله وان اليه راجعون

الله يرحمها يا رب

هذي عبره خل الناس تعتبر

تحصله مار عليك على الخط اليسار واجيك مشوت ويكبس

ولما تفتح له ويمر عليه الا معاه اهله ووراعينه يا اخي حرام ...

صح الله لسانج ولسانه ,,, والله يعينه على مبتلاه

[عاشقــ تويتي ـة]

يايمه ارجعي كافي ابجلس معـك لـو لحظـات
واقبل ايدك ورجلك وافرش لـك رمـش عينـي
يايمه ما تحملهم يقولوا فـات مـا قـد مـات
تعالي غيري هالقـول واطيعـك باقـي سنينـي

صحيح لي فات الفوت ماينفع الصوت

تسلمين حبيبتي على هالنقل

والله يرحمها ان شاءلله

صح السان شاعرها

[MiSs-GuCci]

.+ كويتي قديم .+

شاكرتلك مرورك يالغلا
منور

[MiSs-GuCci]

.+ عشوقه .+
شاكرتلج مرورج ياقلبي
منوره

[كـلـي غـلا]

قصيـده رائعــه ..

عبـرت بشـده عن تجـرع هذا الشـــــاااب للألـم الذي أصـابه من مـوت والدتــه ..

لاهنتي حبيبتي عن جـد رووعه ..!!

[MiSs-GuCci]

.+ كل الذوق .+

يعطيج العافيه
شاكرتلج مرورج