تويت
الــــــــســـــــــلاااام عــــــــــلــــــــيــــــهــــم
الله انك تحييهم
هذي اللي يهوي الصداقه و يبي يتعلم وشهي الصداقه على الحقيقه
قصيده كلها حكم و نصايح و منها تعرف منهو صاحبك و منهو عدوك و منها تمسك معصم الصداقه
ياناشـدن وشلـون معنـى الصـداقـه
أعطيك عن معنى الصداقه تفاصيل
أعطيك عن معنى الصداقـه بطاقـه
بـطـاقـه فـيـهـا رمـــوز وتحـالـيـل
صـداقــه تـبـنـى بـعــرف ولـبـاقـه
وصداقتن تبنى لكسـب المحاصيـل
وتـرا الصداقـه شـد حبـل العـلاقـه
وتبـادل المعـروف بيـن الرجاجيـل
ولالي علي بعض الصداقات فاقـه
حيث ان طبـع الحـر مايقبـل الميـل
والـلـي تـلـزم بالـسـلـوك الـدقـاقـه
مامـيـز المظـهـار قـبـل المداخـيـل
ما كل هرشن له على الحمل طاقه
ولا كل من توفيقه يوفى لـك اكيـل
وانـا احمـد لله يــوم مـالـي عـلاقـه
مـع واحـد شفتـه يشـن المصـاويـل
بالهرج يهدي لـك مـن الـورد باقـه
يحط لك منزل مع الجـدي وسهيـل
لـكــن يـــاراع الـعـلـوم الـسـبـاقـه
بالتجـربـه عشـنـا واخـذنـا دوالـيـل
كابـك مـع الاجـواد عايـش عـلاقـه
الـهـون مانـرضـاه يـابـارد الحـيـل
وان كـان مشروهـك علـى درناقـه
شرهتنـا وصلـت لشـرب الفناجيـل
يـالـلـي تـعـلـم بالـيـتـيـم الـحـلاقــه
علـيـك تكبـيـره وصيـحـه وتهلـيـل
يـاسـارق عـلـوم النشـامـا اسـراقـه
أمـنـالـتـويـبـع ماحـديـذكـرالـسـيـل
لاطــول الله عـمـر ذيــب الرفـاقـه
لمتـابـع الـغـرات يـشـري درابـيـل
تلقـاه فــي وقــت المهـمـات عـاقـه
لاينطـبـخ لاينـشـوي مـثـل مـاقـيـل
هذارلـه فـي كــل جـمـع انطـلاقـه
صاحي وكـل النـاس عنـده مهابيـل
ون شاف حمـل حـط فوقـه وساقـه
ردي حـظ اشعـاره الـقـال والقـيـل
الله يـوفــق كـــل طــيــب فــراقــه
آميـن يـارب دمـر صاحـب الفـيـل
ياللـي تعشقـون المعـالـي اعشـاقـه
الواجـب انـه يعتبـر مـن اسرائـيـل
هـذا منـافـق لــو لــزم عـهـد بـاقـه
ماينقص رجـال المواجيـب لازيـل
اعطيت عن معنى الصداقـه بطاقـه
واعطيك عن راع النقيلي تفاصيـل
للشاعر : علي الحصني الحربي
تعليق