ياذيب انا بوصيك لاتاكل الذيب ... كم ليلة عشاك عقب المجاعه

[كويتي قديم]

شالح بن هدلان القحطاني جبل من جبال الشعر....يعد اول من قام برثاء رجل حي(يكون الرثاء للميت)حيث رثاه بقصيدة طويله مطلعها

ما اذكر به حي بكى حي.....واليوم انا با بكيك لو كنت حيا
وله قصيدة من اجمل قصائدة وهي تثري ابنه "ذيب"ياربعنا يلي على الفطر الشيب ... عز الله انه ضاع منكم وداعه
رحتوا على الطوعات مثل العياسيب ... وجيتو وخليتو لقبي بضاعه
خليتو النادر بدار الاجانيب ... وضاقت بي الافاق عقب اتساعه
تكدرن لي صافيات المشاريب ... وبالعون شفت الذل عقب الشجاعه
ياذيب انا بوصيك لاتاكل الذيب ... كم ليلة عشاك عقب المجاعه
كم ليلة عشاك حرش العراقيب ... وكم شيخ قوم كزته لك ذراعه
كفه بعدوانه شنيع المضاريب ... ويسقي عدوه بالوغى سم ساعه
ويضحك ليا صكت عليه المغاليب ... ويلكد على جمع العدو باندفاعه
وبيته لجيرانه يشيد على الطيب ... والضيف يبني في طويل الرفاعه
جرحي عطيب ولا بقى لي مقاضيب ... وافخت حبل الوصل عقب انقطاعه
كني بعد فقده بحامي اللواهيب ... وكني غريب الدار مالي جماعه
من عقب ذيب الخيل عرج مهاليب ... ياهل الرمك ماعاد فيهن طماعه
قالو تطيب وقلت وش لون ابا طيب ... وطلبت من عند الكريم الشفاعه
انا بنذر اللي من ربوعي يبا الطيب ... لاياخذ الا من بيوت الشجاعه
يجي ولدها مذرب كنه الذيب ... عز لابوه وكل ماقال طاعه
وبنت الردى ياتي ولدها كما الهيب ... غبن لابوه وفاشله بالجماعه
ياكبر زولك عند بيت المعازيب ... متحري متى يقدم متاعه

صح الله لساني :icon_cool: ولسان شالح اسمحولي على القصور يا ربع

[صاحي لهم]

هذه قصيدة من روائع الشعر النبطي إن لم تكن من معلقاته

ولد الشيخ كان فارسا شجاعا

وكان دائما في مقدمة الجيش

والعجيب في القصيدة ان الشيخ كتب القصيدة قبل ان يمووت ابنه لانه توقع له ان يقتل لانه كان صغير بالعمر وشجاع لدرجة انه لايهاب الموت ولا يفر من ساحة القتال

روعه هالقصيده

الله يعطيك الف الف عافيه ياكويتي

مبدع ومتميز دائما

:)

[كويتي قديم]

حياك الله صاحي لهم.....

هالله هالله واله وثلاث انعام ...الله يرحم موتانا وموتى المسلمين.............

وشالح هو اول من رثى حي يمشي على الارض....صدقت......

بس مدري ان كانت هذي القصيدة الي تعنيها ولا غيرها....؟؟

لا هنتي يا الذيب

[عاشق مهزوم]

اخوي كويتي قديم روعه هالقصيده

الله يعطيك العافيه

متميز دايمن

[كويتي قديم]

عفاك الله يا الذيب

حياك الله

منور يا الذيب

[كـلـي غـلا]

الله الله ..

لاهنت يا كـــــــويتي ..!!

ولا تحرمنـا روائعــك ..!!

:)

[MiSs-GuCci]

جرحي عطيب ولا بقى لي مقاضيب ... وافخت حبل الوصل عقب انقطاعه
كني بعد فقده بحامي اللواهيب ... وكني غريب الدار مالي جماعه


روعه والأروع انها منكـ
تسلم ايدك ولاهنت
يعطيك العافيه

[عازف السيمفونية]

يا سلام


صح لسان القحطاني

جزل والله ، . . !

معاني قويه وصلبه ، وقافيه محبوكه


رائعه بمعنى الكلمه


يعطيك العافيه كويتي






ع ـــآزف

[كويتي قديم]

حياكم الله جميعا

من دواع سروري ان القصيدة اعجبتكم

[عنوسه ^_~ ماتهاب]

وبنت الردى ياتي ولدها كما الهيب ... غبن لابوه وفاشله بالجماعه
ياكبر زولك عند بيت المعازيب ... متحري متى يقدم متاعه




صح لسانك اخوي كويتي قديم ولسان شاعرها قصيده مشهوره حيل وقديمه

[كويتي قديم]

صح الله بدنك يا عنوسه

حياك الله

احيانا نرجع للقديم من سخافة الجديد (و لا يهونون الشعار)