محتاجلك

[حلاووووه]

محتاج لك حيـل والله يقطـع الحاجـه
حدتني وجيـت اداري دمعـة عيونـي
باين علي التعـب والضيـق وانتاجـه
منهـار لونـي متغيّـر ماهـو بلونـي
لقيتك .. اللـي يصـد معقـد حجاجـه
وانت اقرب الناس والغالي ومضنونـي
لكن على الله بديه الضيـق وافراجـه
والا انت الله معك خابت بـك ضنونـي
بلاش منك ومـن موقفـك واحراجـه
رح واتبع اللي خـذوا منـي وخلونـي
من صد عني تـرى مانيـب محتاجـه
من دونه اعيش دامه عاش من دونـي
وان قـدر الله مـع الايـام نتـواجـه
تمـر مثلـك مثـل ناسـن يمـرونـي
في عيوني تصير ماتسـوا ولا حاجـه
من عقب ماكنت تسوا الناس في عيوني

ثامر شبيب

[كويتي قديم]

تدرين يا حلاووه وش الا احلا من القصيدة ...؟؟ ان الي كتبها ثامر شبيب ونقلتيها انتي

ثامر شبيب يا سلام عليك يا مبدع له كم بيت حافظم يقول فيهم

انت يومنك تلعب في ايدين المراجيح....انا انطح الضيفان وافرش سماطي
خابرك ما تبعد قريب المراويح.....زايد على العالم بكثر الهياطي
اقصى طموحك لا تعطرت بالريح.....تطلع تمشى بين شاطي وشاطي
عندي سؤال وخابرا فيه تجريح....لكن ضروري تجاوبه بنبساطي
ارفعك للسما ترجع تطيح .....قلي وش اسوي فيك لا صرت واطي

وقاصيده اكثرها جميله وقوية المعنى والهدف....

بالاضافه اني وجت هذا الشخص بقمة التواضع....خلال محادثتي معه بالماسنجر ووسيع بال وعلى قدر كبير من الثقافه واستنتجت هذا من ماقشتي له.....

وانه شخص لا يبحث عن الشهرة وهذا ما نلاحظه من عدم مشاركته بالامسيات او الاصبوحات ....لله درك ثامر

ولله درك يا حلاووه يا متألقه دائما وابدى

[صاحي لهم]

الله الله

قصايد رووعه لهالشاعر الاروع

كويتي ، حلاوه

ربي يعطيكم العافيه

:)

[حلاووووه]

هلابك كويتي


صحيح انا سمعت عنه ان شخص متواضع ولا مايحب الشهرة _

وفي له قصيدة كتبها عن الشهرة ان شالله بنزلها



وربك يعطيك العافيه يامتواضع

[حلاووووه]

صــــاحي ولله انت الروعـــة باطلالتك

[مبيوق قلبه]

يعطيج العافيه اختي العزيزه( حلاووووه) وصح لسانج ولسان شاعرها


وتسلمين على النقل الرائع


والقصيده جميله والاجمل منها انتي الي نقلتيها


وتقبلي مروري

[حلاووووه]

والاجمــل من هذا كل مبيوق مــــــــــنور صفحتي