لغـــــــة العيون!!!!!!!!!!!

[مبيوق قلبه]

قلـت يـا خالـه عوافـي جاوبتنـي قـول بـنـت***أستحيت وقلـت بنـت وقالـت أخلـص وش تبـي
تونـي بسـأل سؤالـي أثـرنـي كـنـي ركـنـت***يـوم خزتنـي وأنـا مـا أحـب خـزات الظـبـي
معركـه بيـن العيـون ولا فـزعـت ولا زبـنـت***بـس أطالـع والفـرح فـي خاطـري قـام يحبـي
يوم شفـت العلـم مـال أقفيـت لنّـي مـا ضمنـت***وكنّـي أسمعهـا تحلطـم وش علامـه ذا الغـبـي
أستفزتنـي وأنــا مـقـرود خــص ٍ لا أهـنـت***جيتهـا وأنــا أقــول بخـاطـري والله تهـبـي
يـوم شافتنـي زعلـت وفــوق هــذا أنغبـنـت***قالـت أتعـوذ مـن الشيطـان وصلـي ع النـبـي
كنـت أمـزح قلـت والله قالـت أيـه والله كـنـت***قلـت عـادي أمزحـي بـيـن الحنـايـا وألعـبـي
نـص ساعـه بعدهـا قالـت أمانـه ايـش انــت***قلت أنـا سـر وعجـز يعرفـه ولـد أمـي وأبـي
أنشـدي عنّـي غـرام ٍ ابـيـدي هــذي دفـنـت***يوم كان الحـب حـب ويـوم كنـت أجهـل صبـي
وأستمرينـا كـذا نضحـك ولا نـت لـي ولـنـت***جيـت أفسرهـا عجـزت أشلـون فـرّت مذهبـي
كيف تغتـال الحيـا فينـي وأنـا اللـي مـا ظننـت***أنـي أملـك هالجـرأه عـنـد هــزات العـبـي
جيت أبمشي قالـت اسمـع جرّهـا دامـك طعنـت***وش تبـي ذا البنـت مـدري بصراحـه وش تبـي

[كويتي قديم]

وانا مقرود خالص

هالله هالله

صح الله لسانك ولا هنت

[كـلـي غـلا]

روعه ..

تســلم يا مبيـــــــووق ..

منــّور القسـم ..!!

[صاحي لهم]

صح لسانك ولسان من قالها

ولا هنت على النقل

:)

[مبيوق قلبه]

يعطيك العافيه بعد راسي اخوي (كويتي قديم ) وتسلم على المرور المشرف


وشاكرلك التواصل

[مبيوق قلبه]

يعطيج العافيه اختي العزيزه(كل الذوق) وتسلمين على المرور المشرف بعد راسي

والنور نورج ونور كويتي

[مبيوق قلبه]

يعطيك العافيه اخوي (صاحي لهم) وتسلم بعد راسي على المرور المشرف

[عاشق مهزوم]

صح ألسانك كلمات جميله إلي الأمام

[مبيوق قلبه]

يعطيك العافيه اخوي (عاشق مهزوم) وتسلم على المرور المشرف بعد راسي