تويت
خَلّوه .. يَجْرَحْنِي و يِرتـاح .. خَلّـوه
يِبُوح .. باشْيَاء ٍ .. قديمَـهْ .. كتمْهـا
لا مَاعَلى .. طَعْنات يَدّيـه .. مَشْـروه
أسْتاهل الطّعْنَهْ .. واجِي .. و اغْتنمْهـا
قُولوا لهْ انّي قلْـت يانـاس .. عانُـوه
ذا .. قَلْبَهْ الغالي .. وروحِـي حَكمْهـا
هُو منْ كسَبْنـي يـوم غيـرَهْ تَحَـدّوه
لو كنْت ( ديرَهْ ) كان قلْبَهْ .. ( عَلمْها )
مَاغرّنـي غيـرَهْ ولا الْغيـر .. غَـرّوه
لكنْ مباني الحـبْ .. حَظّـي هَدَمْهـا
في حفْرَة الضّيقَهْ .. اذا طاح .. شلّـوه
هُو منْ حَيَاتِـي .. بالسّعـادَهْ رسَمْهـا
طلْتَهْ ولا غيري من النّـاس .. طَالـوه
لَهْ هيبة ٍ .. عنّ جـدْ .. انـا أحْترمْهـا
بَقول يَاقلْـب ٍ نفَـعْ نَـاس .. بَاعـوه
زمنْ نفَعْ نَاس ٍ .. و نَـاس ٍ .. ظَلمْهـا
بَرْحَل عنْ ديَارَهْ .. وفالقَلب .. انْسـوه
متْدَفّـي بنَـار ٍ .. فُراقَـهْ فَحمْـهـا
مَجْبُور أجَافِي .. بَسّ وصّوه .. وصّـوه
يَذكرْ لِيالـي .. حبّنـا .. ويْحشمْهـا
مَاجَاه مِنّي .. أيْ غَلْطَـهْ .. ومَكْـرُوه
راح بشموخَهْ .. والمَحَبّـه .. حَسمْهـا
خَلّوه يَنْسانـي .. ويِرْتـاح .. خَلّـوه
مَادامَها .. فَرْقا .. ورَبّـي .. قسَمْهـا
منقول
تقـــبلوا خالـــــص احترامـــــــــــــــي
تحــــــــــــــــــ ღ دلــــــــــــــــــع ღ ـــــــــــــــــــياتي
تعليق