تويت
يُمّـه أبتسـوّل فرح،بالعيـد يـمّـه واطلـبـه
وامدّ له كفي وانـا المجـروح مـن ذلّ السـؤال
يمّه صباح الجرح ولاّ الْفَرْح بـي مـات اغلبـه
يُمّـه صبـاح الدمـع بعيونـي وِكَفّيْنِـكْ رِمَـال
يمّه وكيف افرح وابـوي المـوت عنّـي غيبـه
وماسـدّ بغيابـه وفـا عمـي ولاتطميـن خـال
يمّه عجزت افْرَحْ،وقوس المـوت قلبـي صوّبـه
يمّه وكيف افرح وانا حزني على اغلا الناس طال
يمّه وَلاَ يَعْـرِفْ عـذاب اليُتْـم مـن مَاجَرّّبَـه
اليتـم أقسـى شـي بالدنيـا ولا فيهـا جــدال
أوّاه يَامَيْمَـه يَامُـرّ اليـتـم يـمـه وَاصْعَـبَـه
واليتم محتل ارضي الجدبا مـن العـام احتـلال
يمّه وانا البـارح نِثَـرْت الدمـع وَانْـدَهْ يَايُبَـهْ
بُكْـرَه صبـاح العيـد يابَيـيِ إذا تقـدر تعـال
تعال شف فرحي شَنَقْهْ الوقـت بَعْـدَكْ وَاصْلُبَـهْ
علـى عمـود اليتـم يابيـي وِتَخْنَقْـه الحبـال
تعال شف قلبـي كبـر جرحـه وِفَقْـدَكْ عَذَبَـه
تعال شف صدر الصغير يشيـل هـمٍّ كالجبـال
تعال شف وجهي صباح العيـد والحـزن اقلبـه
تعال شفني كيف اعيش بحالـه مـن الإنفصـال
تعال شف جسمي طواه الويـل والوقـت انْكُبَـه
تَحْرِقْه شمس الصيف من بَعْدَكْ وكنت انت الظلال
تعال شف صدري كواه الجمر واشتـب احْطُبَـهْ
يذوب من جمر الطعون السود وسنينـي اهـزال
تعال شف ريقي نشف بَعْـدَك وروحـي مُجْدِبَـه
تعال انا بَعْـدَكْ حياتـي بائسـه يـاراس مـال
تعال شف عيني ملاها الدمـع وازريـت اسكبـه
تقول شي ٍمَانِطَقْه ال(سانـي) ان سولـف وقـال
تعال ابسقي صـدرك الغالـي سحـابٍ يشربـه
بَسْقَيْه حرقة عينـي اليمنـي ولوعـات الشمـال
تعال شف سَم ّالْحِـزِنْ فينـي وشاهـد عقربـه
شف كيف هي من جوفها تسقيني السـم الزحـال
أبنتظر زولـك يجـي واجلـس هنـا واتْرَقَبَـهْ
على عْ(تَبْة) الباب يَاعَلّه يجـي طيـف وخيـال
وادري يُبَهْ ذا مستحيـل المطلـب اللـي أطلبـه
مـادام وجـه السالفـه قبر/ولَحَدّ/مـوت/وزوال
أدري يُبْـه ،أدري يبـه،أدري يُبَـه،ادري يُبَـه
أن التلاقي بيننا يابَـوْي ضـرب مـن الْمُحَـالْ
لكن ترى نـذر ٍعَلَـيْ إسمـك بدمعـي لاكتبـه
على صباح العيد ذا واقـول عـدت بـأي حـال
يمّه مابين العام والعيـد السنـه مـا مـن شبـه
العام ابويه كان حـي وهالسنـه شـد الرحـال
يمّـه وضمينـي علـى صـدرك هنـا يَاطَيِبَـهْ
خليني انثر في ثرىحضنك هموم وضيـق بـال
خليني اجرّ النفس من جوف صـدري واسحبـه
مادام مالي فرحـةٍ تَظْهَـرْ مثـل بـاق العيـال
منقــوووول
تقـــبلوا خالـــــص احترامـــــــــــــــي
تحــــــــــــــــــ ღ دلــــــــــــــــــع ღ ـــــــــــــــــــياتي
تعليق