تويت
وين انت مبطي عنك يا قرة العين
ياويّ يا وقتٍ مضى معك ياويّ
المشكله ماهيب وينك وانا وين
المشكله في ردّت يدينك إيديّ
كتبت فيك امن القصايد لهالحين
خمسين فارع كلها مستوى ذيّ
معقول ما غنّو عليك المغنّين ؟
منها ولا جاك الخبر بأنها ليّ
ما شفت منك الا الغرابيل والبين
مع كل هذا إمحبتك ..مثل ماهيّ
يا غايتي عطيتك امن الهوى لين
مليت قلبك حب وتشوفه شويّ ؟
ارخصت لك قلب وعروق وشرايين
لكن خذاك الكبر والطيش والغيّ
كنت احسبنّا غير .. بالشين والزين
ونعشق بعض مادمت عايش وانا حيّ
سبحان من تقلب يديه الموازين
اللي يبدّل عتمة الليل بالضيّ
اسخف موادع في سجل المحبّين
حطوه بإسمي والسبب فعلتك فيّ
نبني محبتنا لنا شهور وسنين
وننهي محبتنا بتامر على شيّ ؟
يا ليت عند اهل المحبّه قوانين
ما كان جرحك كيّ واعلاجه الكيّ
منقــــــــــووول
تقـــبلوا خالـــــص احترامـــــــــــــــي
تحــــــــــــــــــ ღ دلــــــــــــــــــع ღ ـــــــــــــــــــياتي
تعليق