يايمه أرجعي تكفين وطفي شمعة الآهات

[مبيوق قلبه]

~~ يواسيني وأنا الميت وحالي يجبر الدمعات ~~

~~ تسيل من الذي فيني ويبكي من يواسيني ~~

~~ وأنا أبكي واتنهد وأرسم بالحزن لوحات ~~

~~ يجبروني عشان أمشي ورجلي ماتمشيني ~~

~~ قتلت رعايتي بيدي قتلت الحب والرحمات ~~

~~ حرمت النفس من حقها وأنا أبكيها وتبكيني ~~

~~ وكنه حلم قدامي يقيدني من الصرخات ~~

~~ أبي أصحى ولكن عجزت ألقى اللي يصحيني ~~

~~ فداك القلب يايمه ومهما قلت من كلمات ~~

~~ صغيره في كبر حقك بس أتمنى تعذريني ~~

~~ نهبت الفرح من بيتي صحيح إني خسيس الذات ~~

~~ صحيح إني ولد طايش وكل ماأسمعه فيني ~~

~~ تجول عيونهم فيني تفصل مني قياسات ~~

~~ وتشيح وجوههم عني وكني غيرت ديني ~~

~~ يظنوا حزنهم أكبر وإنهم أصحاب هالمأساة ~~

~~ وأنا أتحدى إذا فيهم ربع مايحترق فيني ~~

~~ نقص قدري بعد موتك وغابت نشوة اللذات ~~

~~ وصار الهم عكازي أباكيه ويباكيني ~~

~~ عطيتيني بدون حساب ولا سمعتك تقولي هات ~~

~~ وأنا أشرب حيل من دمك ودمك مايكفيني ~~

~~ يايمه ارجعي كافي .. أبجلس معك لو لحظات ~~

~~ أقبل ايدك ورجلك وأفرش لك رمش عيني ~~

~~ يايمه ماأتحملهم يقولوا فات ماقد مات ~~

~~ تعالي غيري هالقول وأطيعك باقي اسنيني ~~

~~ واترك عادة التدخين وأنفذ ماتبي بسكات ~~

~~ وأصلي الفجر بالمسجد قبل منت تصحيني ~~

~~ يايمه أرجعي تكفين وطفي شمعة الآهات ~~

~~ أبيك أنت ولا غيرك على موتك يعزيني ~~

~~ وضميني وداويني مثل ماكانت الهقوات ~~

~~ ماأبي أحد ٍ يواسيني أبيك أنت لتواسيني ~~

~~ دخيلك بس لاتبكي إذا شفتي بي الدمعات ~~

~~ أنا ماأقوى أبكيك إذا إنت تبكيني ~~



اللـــهــ ... يخليلنا .. امهاتنــا يارب .. ولا يحرمنا منهــمـــ اللهم امينـــ

منقـــولـــ ...

[كويتي قديم]

اللهم امين

ويعين راعي القصيدة

صح الله لسانك ولا هنت

[الـدلـع مبـتليـنـي]

امين يارب


سح لسانــــــــــــكـ


تسلم على القسيـــــــــــدهـ

[اللي راح .. راح]

عطيتيني بدون حساب ولا سمعتك تقولي هات ~~

~~ وأنا أشرب حيل من دمك ودمك مايكفيني ~~

رغم وضوح البيـت ,, إلى أن الرمزيه طغت عليه
وقصيده روووووعه , , ,

صح لسـانك ,, ولسان من قالها ,, ,,


,,

[مبيوق قلبه]

يعطيك العافيه اخوي (كويتي قديم )وتسلم بعد راسي على المرور المشرف

[مبيوق قلبه]

يعطيج العافيه اختي العزيزه(الدلع مبتليني)وتسلمين على المرورالمشرف بعد راسي

[مبيوق قلبه]

يعطيك العافه اخوي (نهاية الاحلام) وتسلم على المرور المشرف بعد راسي