حــــــلــوة مــنك

[حلاووووه]

حلوه منّك .. كلمة (إنساني .. خلاص)
تحسِب إن قدرك على قلبي رخيـص؟
لا ياروح أمّك تـرى مالـك منـاص
من غرام اللي على وصلـك حريـص
إن جفيتـك طالَـب القلـب بقصـاص
لا تأمّـل كـان لامالـك بصـيـص
كيف أخلّي صدري بوجـه الرصـاص
مثـل صيـدٍ لاح بعيـون القنيـص؟
من يفرّط بالذهـب لجـل الرخـاص
كنّه اللي شبّه (العـاوي) بـ(نيـص)!
وأنت غالي كالذهب زيـن الخـواص
واللي مثلي حر .. ما يرضى النقيـص
لـك غـرامٍ زايــدٍ دون انتـقـاص
وكنّـه التريـاق لبـدان القـريـص
وجاذبٍ روحي مثـل مـاصٍ لمـاص
وبالغـلا كنّـك ولـد عـمٍ خليـص
وباخصٍ قلبك ولـي فيـه اختصـاص
وأدري أنّك في هـوى بالـك بخيـص
لا تقصّص صفحـة الحـب المقـاص
وْلا يضيع الشوق في حيصٍ وبيـص
مثلما تبعد عن (الخـرج) (النمـاص)
إبعـد أفكـار المفـارق والمحيـص
وخل مكانـي فيـك متميّـز وخـاص
وأقرب امن السلك لـزرار القميـص






محمد الذرعي

[بوقلبين]

صح لسانج ولسان شاعرها
مشكوره

[صاحي لهم]

ياسلام

هذه القصيده التي يقال عنها صيغت من صخر

قافيه صعبه .. أتقن الشاعر عسفها ..

واتقن صياغة الكلمات

الله .. لوحة فنيه رائعه

شكرا حلاوه .. اختيار موفق يدل على ذوق راقي

تحياتي

:)

[كويتي قديم]

هالله هالله

صح الله لسانك ولا هنتي يا بنت الاجواد

[حلاووووه]

بو قلبين
صاحي لهم
كويتي قديم


شكـــــراً لهذي الطله الشبابيه