يااا محبي شاعر المليون؟؟؟؟

[محولا بس انطروا]

السلام عليكم ورحمة الله وبركاتهو.........
شلونكم،،،
شخباركم،،،،


حبايبي انتو ابي قصيده لواحد مشارك في شاعر المليون الجزء الثاني على ما أظن اسمى فلاح المطيري ابيهم كتابه لاني سمعتهم مرتين وماقدرت اكتبهم

اظن الاولى اسمها>>> حبيبي يعشق الياهو

والثانيه اسمها>>> ارسلت في مهمه

اتمنى اساميهم صح اللي يعرفهم يكتبهم لي

بلــيـــــــــــــــــــــــــــز:goodbad:

[كـلـي غـلا]

أختـي ..

فعـلا انا سمعـت لهالمتسـآبق هالقصيـدتيــن ..

لكـن للأســف مقدر أسـاعدك لأنهم مو متوفرين عنـدي ..

اتمنـى من البـاقيـن إفــادتــك ..!!

ومنـّوره يالغـلا ..
:")

[كويتي قديم]

وعليكم السلام ورحمة الله وبركاتة

طيبين الله يطيب اعمالك وحالك...عسى ان تكوني بأحسن الاحوال...

ابشري انشاله ..ما طلبتي الا سعدك

انا حصلت قصايد الشاعر فلاح المطيري وهو اسمه فلاح العريج المطيري كويتي الجنسية ونجح في المقابله..

انا الحين قاعد انزلهم بمجرد ما ينزلون بأذن الله بكتبهم لك

[صاحي لهم]

لاهنت ياكويتي

خلنا نسمع قصيد المطيري ..

:)

[كويتي قديم]

ولا انت يا صاحي لهم ..ابشر بسعك


القصيدة الاولى

ارسلوني في المهمه راكب الدوريه.....ثم مشيت للطريق الي ورى دسمان

ومع طريق المملكه روحت انا الظهرية....راكبن جيب قديم مكيفة تعبان

وصادفتني في طريقي الاميري بنيه...راكبه يوكن جديد كنه الشيهان

راكب اليوكن نطحني لابس البوشيه...خشف يا مكثر حلاهازينها فتان

وصفها وصف الملاك وكنها الحوريه....وكان فيها من وصوف الحضر والبدوان

يا الدلع فيها الدلع وزين والحنيه....مهرة فيها جمال يسحر الأعيان

قلت ممكن كان تسمح يا الملاك شويه....كان عندك شتراك مويتري خربان

ثم قالت للأسف ما عندنا موليه...ثم قالت ودي اساعدك وافزلعك ولابمكان

ثم قالت ليه ما دشداتك مكويه..وش فيه ثويبك معفس لا بعد حياني

قلت لي ساعه اصارع هذي الجنيه...وغيرت ستايل الكشخه بوضع(ن) ثاني

والله اني كنت كاشخ فوق ميه ميه..وجو ديرتنا يغير بشرة اللبناني

من تعطل موتره غدى دجاجت(ن) مشويه...ومن لهيب البي يمكن يلبس الالواني


القصيدة الثانية

حبيبي يعشق الياهو وانا مغرم مع الهوتميل...بكن الياهو الاقشر صعيبات(ن) مداخيله

وانا ما اعرف الداولود ولا اعرف الة التسجيل...وما اعرف الياهو ولا حتى مراسيله



واسف اذا في خطأ املائي لأني قاعد اكتبها وانا اسمعها ....


تامرين بشي ثاني طال عمرك.؟؟

[صاحي لهم]

القصيدة الثانية

حبيبي يعشق الياهو وانا مغرم مع الهوتميل...بكن الياهو الاقشر صعيبات(ن) مداخيله

وانا ما اعرف الداولود ولا اعرف الة التسجيل...وما اعرف الياهو ولا حتى مراسيله

هههههههههههههههههههههههههه

صح لسانك ولسان فلاح

باين عليه شاعر فكاهي..

شكرا لك لتلبية رغبات المشاهدين ههههه

لا هنت يالذيب

:)

[كويتي قديم]

اي والله ..الله يوفقه وفاله المليون على قولة حمد السعيد..

ما سوينا الا الواجب يا صاحي لهم ....صح الله بدنك

[محولا بس انطروا]

يسلموووووووووووووووووووووو
جبيبي

[محولا بس انطروا]

مشكوووووووورين وماقصرتو ياللي حاولتوووووو

ومره ثانيه شكر خــــــــــ كويتي قديم ـــــــــاص

[كويتي قديم]

ابدا اختي ما سوينا شي......هذا الواجب واقل من الواجب

اخو ولبى طلب اخته ما فيها الله يرضالي عليك

[محولا بس انطروا]

لى قولت كروزه احرجتنيييييييي

لا يجي اليوم اللي اسعادك فيه وانشاء اله اكتب لك قصيد بليل عرسك قول أمين

[Kenichi]

احم احم ... لاهنت يا الحبيب

بس انا عندي قصيده ادورها من فتره ....بس ما دري شنو اسم الشاعر

اظن مبارك او انادر المهم شي من هالنوع.....

مطلع القصيده يقول ....

(بعض العلاقات ما منها ابد فكه......)

انا هذا اللي اتذكره ....واسم الشاعر انا ماني متأكد منه ...لأن مالي بالشعر والشعراء

ولكم جزيل الشكر .......

[صاحي لهم]

هذي قصيدة لحمد السعيد ..

وتقول كلماتها:

بعض العلاقات مامنها ابد فكه.. ياشينها جان جابتها لك القدره..

لاجاك دمن ثقيل ومنطقه سكه.. يضيق صدرك وهو مستاسعن صدره..

لاصرت ضيق صدر باللي معك صكه.. لاتجامل اللي غثيث وشيفته ودره

زك الخوي من قبل لا تعاشره زكه.. ترى خوي النشامى صابته ندره

وقت الشدايد اذا بتجربه ضكه.. يمد شوفه وتلقى فزعته حدره

الاجودي اجودي ماتلحقه شكه.. وفرخ النخل مايجي في قاعته سدره

من رافق اجرب تبي تبدا به الحكه.. والطير سلم عليه ان صابته جدره

بابن يجيب الهوا ان طعتني صكه.. القى الرفاع وتجنب كل من حدره

مايبخص شعاب مكه الا اهل مكه.. الصاحب انشد وتلقى عندهم قدره

كل القلوب اللي بهالوقت منتكه.. سبة كدرهم خوي(ن) حاشهم غدره


وسلامتك ..


اضغط هنا لسماع القصيدة
:)

[Kenichi]

مشكووووووووووووووووووووووووووووووووووووووور

يا اخوي الحبيب صاحي لهم

اثمن تواضعك ...وطيبتك... واخلاقك اللي خلتك توصل القصيده

سامحنا اذا كلفنا عليك

ولاهنتو يا راجال.....................اخوج الذي يكن لك الاحترام على تواضعك

.........Kenichi.........

[صاحي لهم]

العفوو ..

ماسوينا شي افا عليك

اخو عزيز وغالي ياكينجي

:)